'ಪಲ್ಸರ್' ಸರಣಿಯ ಬೈಕುಗಳ ಬೆಲೆ ಏರಿಕೆ ಮಾಡಿದ ಬಜಾಜ್

ಭಾರತದ ದೇಶದ ಅತ್ಯಂತ ವಿಶ್ವಸಾರ್ಹ ದ್ವಿಚಕ್ರ ವಾಹನ ತಯಾರಿಕಾ ಕಂಪನಿ ಬಜಾಜ್‌ನ ಯಶಸ್ವಿ ಬೈಕ್ ಸರಣಿಯಾದ ಪಲ್ಸರ್ ಬೈಕಿನ ಬೆಳೆಗಳನ್ನು ದಿಢೀರ್ ಹೆಚ್ಚಳ ಮಾಡಿದೆ. ಇತ್ತೀಚಿಗಷ್ಟೇ ಬಜಾಜ್ ಕಂಪನಿಯ ಡೊಮಿನಾರ್ 400 ಬೈಕುಗಳ ಬೆಲೆ ಏರಿಕೆ ಮಾಡಿದನ್ನು ನಾವಿಲ್ಲಿ ಗಮನಿಸಬಹುದಾಗಿದೆ.

ಬಜಾಜ್ ಪಲ್ಸರ್ ಶ್ರೇಣಿಯ ಮೋಟರ್ ಸೈಕಲ್ ಗಳು ಬೆಲೆಯನ್ನು 1001 ರೂ. ಹೆಚ್ಚಿಗೆ ಮಾಡಿದ್ದು, ಇಂದಿನಿಂದಲೇ ತನ್ನ ಬೈಕಿನ ಬೆಲೆಗಳನ್ನು ಪರಿಷ್ಕರಣೆ ಮಾಡಿದೆ.

ದೆಹಲಿಯ ಬಜಾಜ್ ಎಕ್ಸ್ ಷೋ ರೂಮಿನ ಪಲ್ಸರ್ ಬೈಕ್ ಬೆಲೆಗಳನ್ನು ಬಜಾಜ್ ಪಲ್ಸರ್ ಮೋಟಾರ್ ಸಂಸ್ಥೆ ಈ ಕೆಳಗಿನಂತೆ ಪರಿಷ್ಕರಿಸಿದೆ.

ಬಜಾಜ್ ಪಲ್ಸರ್ ಆರ್‌ಎಸ್ 200 (ಎಬಿಎಸ್ ಹೊರತುಪಡಿಸಿ) : ರೂ. 1,22,881

ಬಜಜ್ ಪಲ್ಸರ್ ಆರ್‌ಎಸ್ 200 (ಎಬಿಎಸ್) : ರೂ. 1,34,882

ಬಜಾಜ್ ಪಲ್ಸರ್ ಎನ್ಎಸ್ 200 : ರೂ. 97,452

ಬಜಾಜ್ ಪಲ್ಸರ್ 180 : ರೂ. 80,546

ಬಜಾಜ್ ಪಲ್ಸರ್ 150 : ರೂ. 75,604

ಬಜಾಜ್ ಪಲ್ಸರ್ 135 ಎಲ್ಎಸ್ : ರೂ. 61,177

ತನ್ನ ಮತ್ತಿತರ ಮಾದರಿಗಳಾದ ಎವೆಂಜರ್, ವಿ ಸೀರೀಸ್ ಮತ್ತು ಸಿ.ಟಿ. 100 ಬಜಾಜ್ ಬೈಕುಗಳ ಬೆಲೆಗಳಲ್ಲಿ ಯಾವುದೇ ರೀತಿಯ ಏರಿಕೆ ಮಾಡಿಲ್ಲ ಎಂದು ಕಂಪನಿ ತಿಳಿಸಿದೆ.

ಬೇರೆ ಮಾದರಿಯ ಬೈಕುಗಳ ಬೆಲೆ ಸದ್ಯಕ್ಕೆ ಯಾವುದೇ ರೀತಿಯ ಬೆಲೆಗಳನ್ನು ಏರಿಕೆ ಮಾಡಿಲ್ಲದಿದ್ದರೂ ಮುಂಬರುವ ದಿನಗಳಲ್ಲಿ ಕಂಪೆನಿ ಮತ್ತಿತರ ಮಾದರಿಯ ಬೈಕುಗಳ ಬೆಲೆಗಳನ್ನು ಹೆಚ್ಚಿಸವ ನಿರೀಕ್ಷೆ ಇದೆ.

ಇತ್ತೀಚಿನ ಮಾರಾಟದ ವರದಿಯಂತೆ, ಬಜಾಜ್ ಕಂಪನಿ ತನ್ನ ದೇಶೀಯ ಮಾರುಕಟ್ಟೆಯಲ್ಲಿ ಮಾರಾಟ ಮತ್ತು ರಫ್ತು ಸಂಖ್ಯೆಯಲ್ಲಿ ಕುಸಿತ ಕಂಡಿದೆ.