ಇದೇ ಮೊದಲ ಬಾರಿಗೆ ತನ್ನ ಮುಂದಿನ ಕಾರ್ಯತಂತ್ರಗಳ ಬಗ್ಗೆ ತಿಳಿಸಿದ ಹೀರೊ

ಈಗಾಗಲೇ ಹೀರೊ ಮೊಟೊಕಾರ್ಪ್ ಕಂಪನಿ ಭಾರತದಲ್ಲಿ ಸುಮಾರು ಹತ್ತು ಉತ್ಪನ್ನಗಳನ್ನು ಸ್ಥಗಿತಗೊಳಿಸಿದೆ ಮತ್ತು ತನ್ನ ಉತ್ಪನ್ನದ ಪಟ್ಟಿವನ್ನು ಕೂಲಂಕಷವಾಗಿ ಅವಲೋಕನ ನೆಡೆಸುವ ಮೂಲಕ ಮಾರುಕಟ್ಟೆಯ ಉಪಸ್ಥಿತಿಯನ್ನು ಹೆಚ್ಚು ಸುಧಾರಣೆಗೆ ತರಲು ಯೋಜನೆ ರೂಪಿಸಿದೆ.

ಇದರ ಜೊತೆಗೆ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆ ಹೀರೊ ಇದೇ ವರ್ಷದ ಸೆಪ್ಟೆಂಬರ್ 2017ರೊಳಗೆ ತನ್ನ ಮತ್ತೆರಡು ಹೊಸ ಉತ್ಪನ್ನಗಳನ್ನು ಪ್ರಾರಂಭಿಸಲು ಯೋಜಿಸುತ್ತಿದ್ದಾರೆ.

ಹೀರೊ ತನ್ನ ಹೊಸ ಉತ್ಪನ್ನಗಳ ವಿಚಾರದ ಬಗ್ಗೆ ಎಲ್ಲಿಯೂ ಬಾಯಿ ಬಿಟ್ಟಿಲ್ಲವಾದರೂ ಸಹ ತನ್ನ ಮಾರುಕಟ್ಟೆಯ ಹಿಡಿತವನ್ನು ಕಾಪಾಡಿಕೊಳ್ಳುವ ಎಲ್ಲಾ ವಿಶ್ವಾಸ ಕಂಪನಿ ಹೊಂದಿದೆ.

ಮತ್ತೊಂದು ವಿಶೇಷತೆ ಎಂದರೆ, ಇದೇ ಮೊದಲ ಬಾರಿಗೆ ಹೀರೊ ತನ್ನ ಯೋಜನೆಯನ್ನು ಬಹಿರಂಗಪಡಿಸಿದೆ ಮತ್ತು ಆಟೊ ಎಕ್ಸ್‌ಪೋ 2018ರಲ್ಲಿ ಅನಾವರಣಗೊಳಿಸಲಿರುವ ಹೊಸ 200ಸಿಸಿ ಮೋಟಾರ್‌ಸೈಕಲ್ ಬಗ್ಗೆ ತಿಳಿಸುವ ಮೂಲಕ ಮುಂದಿನ ವರ್ಷದ ಯೋಜನೆಗಳ ಬಗ್ಗೆ ಕೊಂಚ ಮಟ್ಟಿನ ಮಾಹಿತಿ ತಿಳಿಸಿದೆ.

ಇನ್ನು 200ಸಿಸಿ ಮೋಟಾರ್‌ಸೈಕಲ್ ಮಾಹಿತಿ ಬಹಿರಂಗಗೊಳ್ಳುತ್ತಿದ್ದಂತೆ, ಅದರ ಬಗ್ಗೆ ಹೆಚ್ಚಿನ ಚರ್ಚೆ ಶುರುವಾಗಿರುವುದಂತೂ ಖಂಡಿತ. ಇದು ಎಕ್ಸ್‌ಟ್ರೀಮ್ 200ಎಸ್ ಆಗಿರಬಹುದು ಎಂಬ ಲೆಕ್ಕಾಚಾರ ನೆಡೆಯುತ್ತಿದೆ.

ಹೀರೊ ಮೊಟೊಕಾರ್ಪ್ ತನ್ನ ಹೊಸ ಉತ್ಪನ್ನಗಳನ್ನು ಭಾರತದಲ್ಲಿ ಇಲ್ಲಿಯವರೆಗೂ ಪರೀಕ್ಷೆ ನೆಡೆಸಿಲ್ಲ ಎನ್ನಲಾಗಿದ್ದು, ಮುಂಬರುವ ವಾಹನಗಳು ಸ್ಪ್ಲೆಂಡರ್, ಪ್ಯಾಶನ್ ಅಥವಾ ಎಚ್ಎಫ್ ಡಿಲಕ್ಸ್ ಬೈಕುಗಳ ಹೋಲಿಕೆ ಇರಲಿವೆ ಎನ್ನುವ ವಿಚಾರ ಬಹಿರಂಗ ಪಡಿಸಿವೆ.

ವಾಹನ ಮಾರುಕಟ್ಟೆಯಲ್ಲಿ ಹೆಚ್ಚುತ್ತಿರುವ ಸ್ಪರ್ಧೆಯ ಬಗ್ಗೆ ಹೀರೊ ಸಂಸ್ಥೆ ಸೂಕ್ಷ್ಮವಾಗಿ ಗಮನಹರಿಸುತ್ತಿದ್ದು, ದೇಶೀಯ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಲು ಪ್ರಯತ್ನ ನೆಡೆಸುತ್ತಲೇ ಇದೆ.