ಡಿಸೆಂಬರ್ ಅಂತ್ಯಕ್ಕೆ ಬಿಡುಗಡೆಯಾಗಲಿವೆ ಎಪ್ರಿಲಿಯಾ ಎಸ್‌ಆರ್ 150 ಹೊಸ ಆವೃತ್ತಿ

ಗ್ಲ್ಯಾಮರಸ್ ಲುಕ್‌ನೊಂದಿಗೆ ಈಗಾಗಲೇ ಮಾರುಕಟ್ಟೆಯಲ್ಲಿ ಹೊಸ ದಾಖಲೆ ಸೃಷ್ಠಿಸುತ್ತಿರುವ ಎಪ್ರಿಲಿಯಾ ಎಸ್ಆರ್ 150 ಸ್ಕೂಟರ್ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಬದಲಾದಣೆ ಹೊಂದುತ್ತಿದ್ದು, ಹೊಸ ಮಾದರಿಯು ಡಿಸೆಂಬರ್ ಅಂತ್ಯಕ್ಕೆ ಖರೀದಿಗೆ ಲಭ್ಯವಿರಲಿವೆ.

ಹೊಸ ಮಾದರಿಯ ಬೆಲೆಯನ್ನು ಎಕ್ಸ್‌ಶೋರಂಗಳ ಪ್ರಕಾರ ರೂ.65 ಸಾವಿರಕ್ಕೆ ನಿಗದಿ ಮಾಡಲಾಗಿದ್ದು, ಈ ಹಿಂದಿನ ಮಾದರಿಯಲ್ಲಿದ್ದ ಸ್ಟಿಫ್ ಸಸ್ಪೆಷನ್ ಸೆಟ್ ಅಪ್ ವ್ಯವಸ್ಥೆಯಲ್ಲಿನ ದೋಷವನ್ನು ನಿವಾರಣೆ ಮಾಡಲಾಗಿದೆ.

ಇದಲ್ಲದೇ ರೇಸ್ ಮಾದರಿಯಲ್ಲಿ ಕೆಲವು ಹೊಸ ವೈಶಿಷ್ಟ್ಯತೆಗಳನ್ನು ಒದಗಿಸಲಾಗಿದ್ದು, ಈ ಹಿಂದಿನ ಮಾದರಿಗಿಂತ ಹೊಸ ಮಾದರಿಗಳ ಬೆಲೆಯನ್ನು ರೂ.5 ಸಾವಿರಕ್ಕೆ ಹೆಚ್ಚಿಸಿರುವ ಬಗ್ಗೆ ಎಪ್ರಿಲಿಯಾ ಸ್ಪಷ್ಟನೆ ನೀಡಿದೆ.

ಈ ಹಿನ್ನೆಲೆ ಎಸ್ಆರ್150 ಸ್ಕೂಟರ್ ಹೊರ ವಿನ್ಯಾಸಗಳಲ್ಲಿ ಸಾಕಷ್ಟು ಬದಲಾವಣೆ ತಂದಿರುವ ಎಪ್ರಿಲಿಯಾ, ಉತ್ತಮ ಇಂಧನ ಕಾರ್ಯಕ್ಷಮತೆ, ವಿಶೇಷ ಹೊರನೋಟ, ಪ್ರಾಯೋಗಿಕತೆಯ ನಡುವಿನ ಸಮತೋಲನವನ್ನು ಕಾಯ್ದುಕೊಳ್ಳಲಾಗಿದೆ.

Recommended Video

Aprilia RS-GP MotoGP Bike Showcased At Auto Expo 2016 - DriveSpark

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಬೈಕ್ ಮಾದರಿಗಳಿಂತ ಹೆಚ್ಚಿನ ಬೇಡಿಕೆ ಪಡೆಯುತ್ತಿರುವ ಎಪ್ರಿಲಿಯಾ ಮಾದರಿಯು ಕೆಲವು ತಾಂತ್ರಿಕ ದೋಷಗಳಿಂದ ಮಾರಾಟದಲ್ಲಿ ಇಳಿಕೆ ಕಂಡಿತ್ತು. ಹೀಗಾಗಿ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಎಸ್ಆರ್ 150 ಹೊಸ ಆವೃತ್ತಿ ಪರಿಚಯಿಸಲಾಗುತ್ತಿದೆ.