ಕಲಬುರ್ಗಿ ವಿದ್ಯಾರ್ಥಿಗಳು ತಯಾರಿಸಿದ ಬ್ಲೂಟೂತ್ ಆಧರಿತ ಹೆಲ್ಮೆಟ್ ಸ್ಪೆಷಲ್ ಏನು?

ಕಲಬುರ್ಗಿ ಮೂಲದ ಇಂಜಿನಿಯರಿಂಗ್ ವಿದ್ಯಾರ್ಥಿಗಳಾದ ಯೋಗೇಶ್ ಮತ್ತು ಅಭಿಜಿತ್ ಎಂಬುವರೇ ಈ ವಿಶಿಷ್ಟವಾದ ಹೆಲ್ಮೆಟ್ ಮಾದರಿಯನ್ನು ಆವಿಷ್ಕರಿಸಿದ್ದು, ಬೈಕ್ ಸವಾರರಿಗೆ ವರದಾನವಾಗಿರುವ ಈ ವಿಶಿಷ್ಟ ಬ್ಲೂಟೂತ್ ಆಧಾರಿತ ವಿಶಿಷ್ಟ ಹೆಲ್ಮೆಟ್ ಹೇಗೆ ಕಾರ್ಯ ನಿರ್ವಹಸಲಿದೆ ಎಂಬುವುದನ್ನು ಇಲ್ಲಿ ಚರ್ಚಿಸಲಾಗಿದೆ ನೋಡಿ.

ಈ ಬಗ್ಗೆ ಸ್ವತಃ ಯೋಗೇಶ್ ಮತ್ತು ಅಭಿಜಿತ್ ಮಾಹಿತಿ ನೀಡಿದ್ದು, ಬೈಕ್ ಚಾಲನೆ ವೇಳೆ ಹೆಲ್ಮೆಟ್ ಮೂಲಕವೇ ಬ್ಲೂಟೂತ್ ಆಧಾರಿತ ರೂಟ್ ಮ್ಯಾಪ್ ಗೈಡ್ ಪಡೆಯಬಹುದಾಗಿದೆಯಂತೆ.

ಬೈಕ್ ಚಾಲಕ ತನ್ನ ಮೊಬೈಲ್ ನಲ್ಲಿರುವ ಬ್ಲೂಟೂತ್ ಆನ್ ಮಾಡಿ ಈ ಸೇವೆ ಪಡೆಯಬಹುದಾಗಿದ್ದು, ಈ ವಿಶಿಷ್ಟ ಹೆಲ್ಮೆಟ್ ನಲ್ಲಿ ಇನ್ ಬಿಲ್ಟ್ ಬ್ಲೂಟೂತ್ ಪೋರ್ಟ್ ಗಳಿದ್ದು, ಇದನ್ನು ಚಾರ್ಜಿಂಗ್ ಕೂಡಾ ಮಾಡಬಹುದಾಗಿದೆ.

ಬ್ಲೂಟೂತ್ ಡಿವೈಸ್ ನಲ್ಲಿರುವ ಬ್ಯಾಟರಿ ಕೂಡಾ ಧೀರ್ಘಾವಧಿಯ ಸಾಮರ್ಥ್ಯ ಹೊಂದಿದ್ದು, ಬರೊಬ್ಬರಿ 6 ಗಂಟೆಗಳ ವರೆಗೂ ಕಾರ್ಯ ನಿರ್ವಹಿಸಬಲ್ಲದಾಗಿದೆ. ಜೊತೆಗೆ ಹೆಲ್ಮೆಂಟ್ ನಲ್ಲಿ ಕೂಲಿಂಗ್ ಶೀಲ್ಡ್ ಇದ್ದು. ನೈಟ್ ವಿಷನ್ ಮೋಡ್ ಅನ್ನು ಕೂಡ ಹೊಂದಿದೆ.

ಈ ಮೂಲಕ ಮೊಬೈಲ್ ನಲ್ಲಿನ ಬ್ಲೂಟೂತ್ ಆನ್ ಮಾಡಿ ವಾಯ್ಸ್ ಕಮಾಂಡ್ ಮೂಲಕ ದಾರಿ ಮಾಹಿತಿ ಪಡೆಯಬಹುದಾಗಿದ್ದು, ಇಂಜಿನಿಯರ್ ವಿದ್ಯಾರ್ಥಿಗಳ ಈ ಹೊಸ ಆವಿಷ್ಕಾರಕ್ಕೆ ಅಭಿನಂದನೆಗಳ ಮಾಹಾಪೂರವೇ ಹರಿದು ಬರುತ್ತಿದೆ.

ಇನ್ನು ಪ್ರಸ್ತುತ ಗೂಗಲ್ ಒಕೆ ಅ್ಯಪ್ ನಲ್ಲಿರುವಂತೆಯೇ ಈ ಡಿವೈಸ್ ಗೂ ವಾಯ್ಸ್ ಕಮಾಂಡ್ ನೀಡುವ ಮೂಲಕ ನಮಗೆ ಬೇಕಾದ ಮಾರ್ಗದ ಮಾಹಿತಿ ಪಡೆಯಬಹುದಾಗಿದ್ದು, ಹೊಸ ಹೊಸ ನಗರಗಳಿಗೆ ತೆರಳುವವರಿಗೆ ಈ ಬ್ಲೂಟೂತ್ ಆಧಾರಿತ ಹೆಲ್ಮೆಟ್ ತುಂಬಾ ಸಹಾಯಕಾರಿ ಎಂದು ವಿದ್ಯಾರ್ಥಿಗಳು ಹೇಳಿದ್ದಾರೆ.

ವಿಶೇಷ ಹೆಲ್ಮೆಟ್‌ಗೆ ಹೆಚ್ಚಿದ ಬೇಡಿಕೆ

ವಿದ್ಯಾರ್ಥಿಗಳಾದ ಯೋಗೇಶ್ ಮತ್ತು ಅಭಿಜಿತ್ ಸಿದ್ದಪಡಿಸಿರುವ ಈ ವಿಶೇಷ ಹೆಲ್ಮೆಟ್‌ಗೆ ಈಗಾಗಲೇ ಭಾರೀ ಬೇಡಿಕೆ ಬಂದಿದೆಯಂತೆ. ಹೀಗಾಗಿ ಬ್ಲೂಟೂಥ್ ಆಧರಿತ ಹೆಲ್ಮೆಟ್‌ಗಳನ್ನು ರೂ.1500ಕ್ಕೆ ಮಾರಾಟ ಮಾಡಲು ಈ ವಿದ್ಯಾರ್ಥಿಗಳು ನಿರ್ಧರಿಸಿದ್ದಾರೆ.

ಒಟ್ಟಿನಲ್ಲಿ ಬೇರೆಯ ನಗರಗಳಿಗೆ ಬೈಕ್ ನಲ್ಲಿ ಹೋದಾಗ ಹೊಸ ವಿಳಾಸ ಹುಡುಕುವುದು ಎಲ್ಲರಿಗೂ ಎದುರಾಗುವ ಸವಾಲುಗಳಿಗೆ ಈ ವಿಶೇಷ ಹೆಲ್ಮೆಟ್ ಪರಿಹಾರವಾಗಲಿದ್ದು, ವಿದ್ಯಾರ್ಥಿಗಳಾದ ಯೋಗೇಶ್ ಮತ್ತು ಅಭಿಜಿತ್ ಕಾರ್ಯವನ್ನು ಮೆಚ್ಚಲೇಬೇಕು.

Source: ANI

Trending On DriveSpark Kannada:

ರಾಯಲ್ ಎನ್‌ಫೀಲ್ಡ್ ಖರೀದಿ ಮಾಡೋದಕ್ಕೆ ಗ್ರಾಹಕರು ಯಾಕೆ ಹಿಂದೇಟು ಹಾಕ್ತಾರೆ ಗೊತ್ತಾ?

400 ಅಡಿ ಕಂದಕಕ್ಕೆ ಉರುಳಿದ ಫೋರ್ಡ್ ಎಂಡೀವರ್ ಹೊಸ ಕಾರು...

ಕಾರು ಶುಚಿಯಾಗಿಡಲು 10 ಸುಲಭ ವಿಧಾನಗಳು