Just In
- 12 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 13 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 14 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 15 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- News ರಾಜ್ಯದ ವಿವಿಧೆಡೆ ಮಳೆರಾಯನ ಆರ್ಭಟ; ಕರ್ನಾಟಕದ ಪ್ರಮುಖ ಡ್ಯಾಂಗಳ ನೀರಿನ ಮಟ್ಟ ಎಷ್ಟು ? ಇಲ್ಲಿದೆ ಸಂಪೂರ್ಣ ವಿವರ
- Sports 'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ!
- Finance ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಕೆಟ್ ಸರಣಿಯ ಬೈಕುಗಳನ್ನು ಅನಾವರಣಗೊಳಿಸಿದ ಟ್ರಯಂಫ್
ಟ್ರಯಂಫ್ ಮೋಟಾರ್ಸೈಕಲ್ಸ್ ಉತ್ಪಾದನಾ ಹಂತದಲ್ಲಿರುವ ರಾಕೆಟ್ 3 ಸರಣಿಯ ಬೈಕುಗಳನ್ನು ಅನಾವರಣಗೊಳಿಸಿದೆ. ಈ ಸರಣಿಯ ಬೈಕುಗಳನ್ನು ಆರ್ ಹಾಗೂ ಜಿಟಿ ಎಂಬ ಎರಡು ಮಾದರಿಗಳಲ್ಲಿ ಮಾರಾಟ ಮಾಡಲಾಗುವುದು. ರಾಕೆಟ್ 3 ಆರ್ ರಸ್ತೆಯಾಧಾರಿತ ಬೈಕ್ ಆಗಿದ್ದರೆ, ರಾಕೆಟ್ 3 ಜಿಟಿ ಟೂರಿಂಗ್ ಬೈಕ್ ಆಗಿರಲಿದೆ.
ಎರಡೂ ಬೈಕುಗಳು ಪವರ್ ಕ್ರೂಸರ್ ವಿನ್ಯಾಸವನ್ನು ಹೊಂದಿರಲಿವೆ. ಈ ವಿನ್ಯಾಸವನ್ನು ಮಾರುಕಟ್ಟೆಯಲ್ಲಿರುವ ರಾಕೆಟ್ 3 ಬೈಕ್ ಸಹ ಹೊಂದಿದೆ. ರಾಕೆಟ್ 3 ಆರ್ ಹಾಗೂ ಜಿಟಿ ಬೈಕುಗಳು ಟ್ವಿನ್ ಎಲ್ಇಡಿ ಹೆಡ್ಲ್ಯಾಂಪ್, ಚಿಕ್ಕದಾಗಿರುವ ಇಂಟಿಗ್ರೇಟೆಡ್ ಟೇಲ್ಲ್ಯಾಂಪ್ ಹಾಗೂ ಟ್ವಿನ್ ಕಟ್ ಎಕ್ಸಾಸ್ಟ್ ಗಳ ಜೊತೆಗೆ ಟ್ರಯಂಫ್ನ ಹೊಸ ಡಿಸೈನ್ ಲ್ಯಾಂಗ್ವೇಜ್ ಹೊಂದಿರಲಿವೆ.
ಟ್ರಯಂಫ್ ರಾಕೆಟ್ 3 ಆರ್ ಹಾಗೂ ಟ್ರಯಂಫ್ ರಾಕೆಟ್ 3 ಜಿಟಿ ಎರಡೂ ಬೈಕುಗಳು ಪ್ರತ್ಯೇಕವಾದ ಬಿಡಿಭಾಗಗಳನ್ನು ಹೊಂದಿವೆ. ಗಮನಿಸಬೇಕಾದ ಸಂಗತಿಯೆಂದರೆ ಜಿಟಿ ಬೈಕ್ ಫಾರ್ವರ್ಡ್ ಮೌಂಟ್ ಫುಟ್ ಪೆಗ್ಗಳನ್ನು ಹೊಂದಿದ್ದರೆ, ಆರ್ ಮಾದರಿಯ ಬೈಕ್ ಮಿಡ್ ಮೌಂಟ್ಸ್ ಗಳನ್ನು ಹೊಂದಿದೆ.
ರಾಕೆಟ್ 3 ಆರ್ ಫ್ಲಾಟ್ ಹ್ಯಾಂಡಲ್ಬಾರ್ಗಳನ್ನು ಹೊಂದಿದ್ದರೆ, ರಾಕೆಟ್ 3 ಜಿಟಿ ಟೂರಿಂಗ್ ಶೈಲಿಯ ಹ್ಯಾಂಡಲ್ಬಾರ್ ಅನ್ನು ಹೊಂದಿದೆ. ಇವುಗಳನ್ನು ದೂರ ಪ್ರಯಾಣದಲ್ಲಿನ ಅನುಕೂಲಕ್ಕಾಗಿ ಅಳವಡಿಸಲಾಗಿದೆ. ಜಿಟಿ ಎತ್ತರದ ಫ್ಲೈ ಸ್ಕ್ರೀನ್, ಅಡ್ಜಸ್ಟಬಲ್ ಪಿಲಿಯನ್ ಫುಟ್ ಪೆಗ್, ಹೀಟೆಡ್ ಗ್ರಿಪ್ ಹಾಗೂ ಹೆಚ್ಚು ಆರಾಮದಾಯಕವಾದ ಸೀಟುಗಳನ್ನು ಹೊಂದಿದೆ.
ಈ ಬೈಕುಗಳು ಪಿಲಿಯನ್ ಬ್ಯಾಕ್ರೆಸ್ಟ್ ಹಾಗೂ ಕ್ರೋಮ್ ಅಲಾಯ್ಗಳನ್ನು ಹೊಂದಿವೆ. ರಾಕೆಟ್ 3 ಸರಣಿಯ ಈ 2 ಅವಳಿ ಬೈಕುಗಳು ಹೊಸ 2.5-ಲೀಟರ್ನ, ಇನ್ಲೈನ್ 3 ಸಿಲಿಂಡರ್ ಎಂಜಿನ್ ಹೊಂದಿದ್ದು, 165ಬಿಹೆಚ್ಪಿ ಪವರ್ ಹಾಗೂ 221 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತವೆ.
ರಾಕೆಟ್ 3 ಆರ್ ಮತ್ತು ರಾಕೆಟ್ 3 ಜಿಟಿ ಮಾರುಕಟ್ಟೆಯಲ್ಲಿರುವ ಬೈಕಿಗಿಂತ ಸುಮಾರು 40 ಕೆಜಿ ಕಡಿಮೆ ತೂಕವನ್ನು ಹೊಂದಿವೆ. ಎರಡೂ ಬೈಕುಗಳು ಮುಂಭಾಗದಲ್ಲಿ ಪೂರ್ಣವಾಗಿ ಅಡ್ಜಸ್ಟ್ ಮಾಡಬಹುದಾದ 47 ಎಂಎಂ ತಲೆಕೆಳಗಾದ ಫೋರ್ಕ್ಗಳನ್ನು ಹೊಂದಿವೆ. ಹಿಂಭಾಗದಲ್ಲಿ ಶೋವಾ ತಯಾರಿಸಿರುವ ರಿಮೋಟ್ ಪ್ರಿ ಲೋಡ್ ಅಡ್ಜಸ್ಟಬಲ್ ಮೊನೊ-ಶಾಕ್ಗಳನ್ನು ಹೊಂದಿವೆ.
ಬ್ರೇಕಿಂಗ್ ಕಾರ್ಯಗಳನ್ನು ಮುಂಭಾಗದಲ್ಲಿರುವ ಟ್ವಿನ್ 320 ಎಂಎಂ ಬ್ರೆಂಬೊ ಕ್ಯಾಲಿಪರ್ಗಳು ಹಾಗೂ ಹಿಂಭಾಗದಲ್ಲಿ ಸಿಂಗಲ್ 300 ಎಂಎಂ ಡಿಸ್ಕ್ ಅನ್ನು ನಿರ್ವಹಿಸುತ್ತವೆ. ಟ್ರಯಂಫ್ ಬ್ಲೂಟೂತ್ ಎನೇಬಲ್ ಆಗಿರುವ ಪೂರ್ಣ ಪ್ರಮಾಣದ ಟಿಎಫ್ಟಿ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್ಗಳನ್ನು ರಾಕೆಟ್ 3 ಆರ್ ಹಾಗೂ ರಾಕೆಟ್ 3 ಜಿಟಿ ಬೈಕುಗಳಲ್ಲಿ ಅಳವಡಿಸಿದೆ.
ಈ ಬೈಕುಗಳು ನಾಲ್ಕು ರೈಡಿಂಗ್ ಮೋಡ್ಗಳನ್ನು, ಟ್ರಾಕ್ಷನ್ ಕಂಟ್ರೊಲ್ ಸಿಸ್ಟಂ, ಕಾರ್ನರಿಂಗ್ ಎಬಿಎಸ್ ಹಾಗೂ ಹಿಲ್-ಹೋಲ್ಡ್ ಕಂಟ್ರೋಲ್ಗಳನ್ನು ಹೊಂದಿವೆ. ಟ್ರಯಂಫ್ನ ಈ ಬೈಕುಗಳನ್ನು 2019ರ ಐಸಿಎಂಎಯಲ್ಲಿ ಜಾಗತಿಕವಾಗಿ ಬಿಡುಗಡೆಗೊಳಿಸಲು ಯೋಜಿಸಲಾಗಿದೆ.
2020ರ ಮೊದಲ ಭಾಗದಲ್ಲಿ ಈ ಬೈಕುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸುವ ಸಾಧ್ಯತೆಗಳಿವೆ. ಈ ಬೈಕುಗಳಿಗೆ ದೇಶಿಯ ಮಾರುಕಟ್ಟೆಯಲ್ಲಿ ಸದ್ಯಕ್ಕೆ ಡುಕಾಟಿ ಡಯಾವೆಲ್ 1260 ಬೈಕ್ ಏಕೈಕ ಪ್ರತಿಸ್ಪರ್ಧಿಯಾಗಿರಲಿದೆ.
ರಾಕೆಟ್ 3 ಸರಣಿಯ ಬೈಕುಗಳನ್ನು ಯಾವ ಬಣ್ಣಗಳಲ್ಲಿ ಬಿಡುಗಡೆಗೊಳಿಸಲಾಗುವುದು ಹಾಗೂ ಬೆಲೆ ಎಷ್ಟಿರಲಿದೆ ಎಂಬುದರ ಬಗ್ಗೆ ಯಾವುದೇ ಮಾಹಿತಿಗಳು ಲಭ್ಯವಾಗಿಲ್ಲ. ಆದರೆ ಈ ಬೈಕುಗಳ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.25 ಲಕ್ಷದಿಂದ ರೂ.29 ಲಕ್ಷಗಳಾಗುವ ಸಾಧ್ಯತೆಗಳಿವೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಈ ಎರಡೂ ಬೈಕುಗಳು ಅದ್ಭುತವಾಗಿ ಕಾಣುತ್ತವೆ. ಮೊದಲು ಅಂತರ್ರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದ ನಂತರ ಈ ಬೈಕುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗುವುದು.