ಹೊಸ ನವೀಕರಣಗಳೊಂದಿಗೆ ಅನಾವರಣಗೊಂಡ 2022ರ ಡುಕಾಟಿ ಹೈಪರ್‌ಮೋಟಾರ್ಡ್ 950 ಬೈಕ್

ಹೊಸ ಡುಕಾಟಿ ಹೈಪರ್‌ಮೊಟಾರ್ಡ್ 950 ಬೈಕ್ ಸ್ಟ್ಯಾಂಡರ್ಡ್, ಆರ್ವಿಇ ಮತ್ತು ಎಸ್ಪಿ ಎಂಬ ಮೂರು ರೂಪಾಂತರಗಳಲ್ಲಿ ಲಭ್ಯವಿರಲಿದೆ. ಕಂಪನಿಯು ನವೀಕರಿಸಿದ ಡುಕಾಟಿ ಹೈಪರ್‌ಮೊಟಾರ್ಡ್ 950 ಬೈಕಿನ ಎಲ್ಲಾ ಮೂರು ರೂಪಾಂತರಗಳನ್ನು ಈ ವರ್ಷ ಭಾರತದಲ್ಲಿ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. 2022ರ ಡುಕಾಟಿ ಹೈಪರ್‌ಮೊಟಾರ್ಡ್ 950 ಬೈಕಿನ ಬೆಲೆಯು ಸುಮಾರು ರೂ.12.5 ಲಕ್ಷಗಳಾಗಿರಬಹುದು ಎಂದು ನಿರೀಕ್ಷಿಸುತ್ತೇವೆ.

ಹೈಪರ್‌ಮೊಟಾರ್ಡ್ 950 ಅನ್ನು ಹಿಂದಿನ ಮಾದರಿಯಲ್ಲಿ ಬಳಸಲಾಗಿದ್ದ ಅದೇ ಎಂಜಿನ್‌ ಅನ್ನು ಹೊಂದಿದೆ. ಆದರೆ ಈ ಎಂಜಿನ್ ಅನ್ನು ನವೀಕರಿಸಲಾಗಿದೆ. ಇದು ಡೆಸ್ಮೋಡ್ರೊಮಿಕ್ ಟೆಸ್ಟಾಸ್ಟ್ರೆಟಾ ಎಲ್-ಟ್ವಿನ್ ಸಿಲಿಂಡರ್, ಲಿಕ್ವಿಡ್-ಕೂಲ್ಡ್ 937 ಸಿಸಿ ಎಂಜಿನ್ ಅಗಿದೆ.

MOST READ: ಬಿಡುಗಡೆಯಾಯ್ತು ಹೊಸ ಟ್ರಯಂಫ್ ಬೊನೊವೆಲ್ಲಿ ಸ್ಪೀಡ್‍‍ಮಾಸ್ಟರ್ ಬೈಕ್

ಈ ಎಂಜಿನ್ 9000 ಆರ್‌ಪಿಎಂನಲ್ಲಿ ಗರಿಷ್ಠ 112.6 ಬಿಹೆಚ್‌ಪಿ ಪವರ್ ಮತ್ತು 7250 ಆರ್‌ಪಿಎಂನಲ್ಲಿ 96 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಎಂಜಿನ್ ಅನ್ನು 6-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಸ್ಲಿಪ್-ಅಸಿಸ್ಟ್ ಕ್ಲಚ್‌ನೊಂದಿಗೆ ಸಂಯೋಜಿಸಲ್ಪಟ್ಟಿದೆ.

ಆರ್‌ವಿಇ ಮತ್ತು ಎಸ್‌ಪಿಗಳನ್ನು ಬೈ-ಡೈರಕ್ಷನಲ್ ಶಿಫ್ಟರ್ ಡುಕಾಟಿ ಕ್ವಿಕ್ ಶಿಫ್ಟ್ (ಡಿಕ್ಯೂಎಸ್) ಗಳನ್ನು ಸ್ಟ್ಯಾಂಡರ್ಡ್ ಅಗಿ ನೀಡಲಾಗಿದೆ. 2022ರ ಡುಕಾಟಿ ಹೈಪರ್‌ಮೊಟಾರ್ಡ್ 950 ಎಸ್‌ಪಿ ರೂಪಾಂತರವು ಇತರ ಎರಡು ರೂಪಾಂತರಗಳನ್ನು ಹೊರತುಪಡಿಸಿ ಹೊಸ ಲೆವಿರಿ ಪಡೆಯುತ್ತದೆ. ಟಾಪ್-ಸ್ಪೆಕ್ ರೂಪಾಂತರವು ಇತರ ರೂಪಾಂತರಗಳಿಗಿಂತ ಸುಧಾರಿತ ತಂತ್ರಜ್ಙಾನಗಳನ್ನು ಸಹ ಹೊಂದಿವೆ.

MOST READ: ಬಿಡುಗಡೆಯಾಯ್ತು ಹೊಸ ಕವಾಸಕಿ ವಲ್ಕನ್ ಎಸ್ ಬೈಕ್

ಹೊಸ ಡುಕಾಟಿ ಹೈಪರ್‌ಮೊಟಾರ್ಡ್ 950 ಬೈಕಿನ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ ಮುಂಭಾಗದಲ್ಲಿ 48 ಎಂಎಂ ಸಂಪೂರ್ಣ ಹೊಂದಾಣಿಕೆ (ಯುಎಸ್‌ಡಿ) ಅಪ್‌ಸೈಡ್-ಡೌನ್ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಓಹ್ಲಿನ್ಸ್‌ನಿಂದ ಸಂಪೂರ್ಣ ಹೊಂದಾಣಿಕೆ ಮಾಡಬಹುದಾದ ಮೊನೊ-ಶಾಕ್ ಸೆಟಪ್ ಅನ್ನು ಒಳಗೊಂಡಿದೆ.

ಇನ್ನು ಈ ಬೈಕಿನಲ್ಲಿ 17-ಇಂಚಿನ ಮಾರ್ಚೆಸಿನಿ ಖೋಟಾ ಅಲಾಯ್ ವ್ಹೀಲ್‌ಗಳ ಜೊತೆಯಲ್ಲಿ ಉತ್ತಮ ಪೈರೆಲ್ಲಿ ಡಯಾಬ್ಲೊ ಸೂಪರ್‌ಕೋರ್ಸಾ ಎಸ್‌ಪಿ ಟೈರ್‌ಗಳೊಂದಿಗೆ ಹೊಂದಿದೆ. ಇನ್ನು ಈ ಹೊಸ ಬೈಕಿನ ಎಲ್ಲಾ ರೂಪಾಂತರಗಳಲ್ಲಿ ಲೈಟಿಂಗ್, ಇನ್ಸ್ ಟ್ರೂಮೆಂಟ್ ಕನ್ಸೋಲ್ ಮತ್ತು ಬ್ರೇಕಿಂಗ್ ಹಾರ್ಡ್‌ವೇರ್ ಒಂದೇ ಆಗಿರುತ್ತದೆ.

MOST READ: ಹೊಸ ಹೀರೋ ಎಕ್ಸ್‌ಟ್ರಿಮ್ 160ಆರ್ 100 ಮಿಲಿಯನ್ ಎಡಿಷನ್ ಬಿಡುಗಡೆ

ಈ ಬೈಕಿನ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ ಡ್ಯುಯಲ್ 320 ಎಂಎಂ ಸೆಮಿ-ಫ್ಲೋಟಿಂಗ್ ಡಿಸ್ಕ್ ಬ್ರೇಕ್ ಜೊತೆಗೆ ರೇಡಿಯಲ್ ಮೌಂಟೆಡ್ ಮೊನೊಬ್ಲೋಕ್ ಬ್ರೆಂಬೊ ಮತ್ತು 4-ಪಾಟ್ ಕ್ಯಾಲಿಪರ್‌ಗಳಿಂದ ಕೂಡಿದೆ. ಇನ್ನು ಬೈಕಿನ ಹಿಂಭಾಗದಲ್ಲಿ 245 ಎಂಎಂ ಸಿಂಗಲ್ ಡಿಸ್ಕ್ 2 ಪಾಟ್ ಕ್ಯಾಲಿಪರ್ ನೀಡಿದೆ.

2022ರ ಡುಕಾಟಿ ಹೈಪರ್‌ಮೊಟಾರ್ಡ್ 950 ಬೈಕನ್ನು ತನ್ನ ಹಿಂದಿನ ಮಾದರಿ ಹೋಲಿಸಿದರೆ ಕೆಲವು ಬದಲಾವಣೆಯನ್ನು ಪಡೆದುಕೊಂಡಿದೆ. ಈ ಡುಕಾಟಿ ಹೈಪರ್‌ಮೋಟಾರ್ಡ್ 950 ಬೈಕಿಗೆ ಪ್ರಪಂಚದಾದ್ಯಂತ ಅಪಾರ ಅಭಿಮಾನಿಗಳಿವೆ. ಹೊಸ ಡುಕಾಟಿ ಹೈಪರ್‌ಮೊಟಾರ್ಡ್ 950 ಬೈಕಿಗಾಗಿ ಅಭಿಮಾನಿಗಳನ್ನು ಕಾತರದಿಂದ ಕಾಯುತ್ತಿದ್ದಾರೆ.