ಅಪಾಚೆ ಆರ್‌ಟಿ‌ಆರ್ ಸರಣಿಯ ಹೊಸ ಬೈಕ್ ಬಿಡುಗಡೆಗೊಳಿಸಿದ ಟಿವಿಎಸ್ ಮೋಟಾರ್

ಹೊಸ ಬೈಕಿನಲ್ಲಿರುವ ಎಂಜಿನ್ ಅನ್ನು ಬದಲಿಸಿರುವುದರಿಂದ ಈ ಬೈಕ್ ಈ ಸೆಗ್'ಮೆಂಟಿನಲ್ಲಿರುವ ಶಕ್ತಿಶಾಲಿ ಬೈಕ್ ಆಗಿ ಹೊರ ಹೊಮ್ಮಿದೆ. 2021ರ ಹೊಸ ಅಪಾಚೆ ಆರ್‌ಟಿಆರ್ 160 4 ವಿ ಬೈಕಿನಲ್ಲಿ 159.7 ಸಿಸಿ, ಸಿಂಗಲ್ ಸಿಲಿಂಡರ್, ಆಯಿಲ್-ಕೂಲ್ಡ್ ಎಂಜಿನ್ ಅಳವಡಿಸಲಾಗಿದೆ.

ಈ ಎಂಜಿನ್ 9250 ಆರ್‌ಪಿಎಂನಲ್ಲಿ 17.63 ಬಿಹೆಚ್‌ಪಿ ಪವರ್ ಹಾಗೂ 7250 ಆರ್‌ಪಿಎಂನಲ್ಲಿ 14.73 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್‌ನೊಂದಿಗೆ 5 ಸ್ಪೀಡ್ ಗೇರ್‌ಬಾಕ್ಸ್ ಜೋಡಿಸಲಾಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಹೊಸ ಬೈಕಿನಲ್ಲಿ ಕಾರ್ಬನ್ ಫೈಬರ್ ಹೊಂದಿರುವ ಹೊಸ ಡ್ಯುಯಲ್ ಟೋನ್ ಸೀಟ್ ಅನ್ನು ನೀಡಲಾಗಿದೆ. ಕ್ಲಾ ಸ್ಟೈಲ್ ಪೊಸಿಷನ್ ಲ್ಯಾಂಪ್‌ಗಳನ್ನು ಹೊಂದಿರುವ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು ಈ ಬೈಕಿಗೆ ಪ್ರೀಮಿಯಂ ಲುಕ್ ನೀಡುತ್ತವೆ.

ಹೊಸ ಅಪ್‌ಡೇಟ್‌ಗಳಿಂದಾಗಿ ಈ ಬೈಕ್ ಎರಡು ಕೆ.ಜಿ ಕಡಿಮೆ ತೂಕವನ್ನು ಹೊಂದಿದೆ. ಡಿಸ್ಕ್ ಮಾದರಿಯು 147 ಕೆಜಿ ತೂಕವನ್ನು ಹೊಂದಿದ್ದರೆ, ಡ್ರಮ್ ಮಾದರಿಯು 145 ಕೆ.ಜಿ ತೂಕವನ್ನು ಹೊಂದಿದೆ. ಹೊಸ ಅಪಾಚೆ ಆರ್‌ಟಿ‌ಆರ್ 160 4 ವಿ ಬೈಕ್ ಅನ್ನು ರೇಸಿಂಗ್ ರೆಡ್, ನೈಟ್ ಬ್ಲ್ಯಾಕ್ ಹಾಗೂ ಮೆಟಾಲಿಕ್ ಬ್ಲೂ ಎಂಬ ಮೂರು ಬಣ್ಣಗಳಲ್ಲಿ ಮಾರಾಟ ಮಾಡಲಾಗುತ್ತದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಬೈಕ್ ಆಕರ್ಷಕ ಗ್ರಾಫಿಕ್ಸ್, ಸ್ಪೋರ್ಟಿ ಎಂಜಿನ್ ಕೌಲ್, ಗ್ಲೈಡ್ ಥ್ರೂ ಟೆಕ್ನಾಲಜಿ, ಸಿಂಗಲ್ ಚಾನೆಲ್ ಸೂಪರ್-ಮೋಟೋ ಎಬಿಎಸ್'ಗಳನ್ನು ಹೊಂದಿದೆ. ಇವುಗಳ ಜೊತೆಗೆ ಎಲ್ಇಡಿ ಟೇಲ್ ಲೈಟ್, ಲ್ಯಾಪ್ ಟೈಮರ್ ಹೊಂದಿರುವ ಸೆಮಿ-ಡಿಜಿಟಲ್ ಇನ್ಸ್'ಟ್ರೂಮೆಂಟ್ ಕ್ಲಸ್ಟರ್'ಗಳನ್ನು ಸಹ ಹೊಂದಿದೆ.

ಟಿವಿಎಸ್ ಮೋಟಾರ್ ಕಂಪನಿಯು ಆರ್‌ಟಿಆರ್ ಸರಣಿಯ ಎಲ್ಲಾ ಮಾದರಿಗಳ ಬೆಲೆಯನ್ನು ಜನವರಿ ತಿಂಗಳಿನಲ್ಲಿಯೇ ಹೆಚ್ಚಿಸಿದೆ. ಬೆಲೆ ಹೆಚ್ಚಳದ ನಂತರ 160 4 ವಿ ಡ್ರಮ್ ಮಾದರಿ ಬೆಲೆ ರೂ.1.02 ಲಕ್ಷಗಳಾದರೆ, ಡಿಸ್ಕ್ ಮಾದರಿ ಬೆಲೆ ರೂ.1.05 ಲಕ್ಷಗಳಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಎರಡೂ ಮಾದರಿಗಳ ಬೆಲೆಯನ್ನು ರೂ.5,000 ಗಳವರೆಗೆ ಹೆಚ್ಚಿಸಲಾಗಿತ್ತು. ಕಳೆದ ಕೆಲವು ತಿಂಗಳುಗಳಿಂದ ಈ ಬೈಕಿನ ಬೆಲೆ ರೂ.8,000ಗಳಷ್ಟು ಹೆಚ್ಚಾಗಿದೆ.ಅಪಾಚೆ ಬೈಕುಗಳು ಟಿವಿಎಸ್‌ನ ಒಟ್ಟು ಮಾರಾಟದಲ್ಲಿ ಹೆಚ್ಚಿನ ಪಾಲನ್ನು ಹೊಂದಿವೆ.

ಗ್ರಾಹಕರು ಈ ಬೆಲೆ ಏರಿಕೆಯನ್ನು ಹಾಗೂ 2021ರ ಹೊಸ ಅಪಾಚೆ ಆರ್‌ಟಿಆರ್ 160 4 ವಿ ಬೈಕುಗಳನ್ನು ಹೇಗೆ ಸ್ವೀಕರಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.