ಟೆಸ್ಟಿಂಗ್ ವೇಳೆ ಬೆಂಗಳೂರಿನಲ್ಲಿ ಕಾಣಿಸಿಕೊಂಡ 200 ಕಿ.ಮೀ ಮೈಲೇಜ್ ಪ್ರೇರಿತ ಓಬೆನ್ ಇವಿ ಬೈಕ್

ಈ ಬೈಕ್‌ ಅನ್ನು FAME-2 ಮತ್ತು ರಾಜ್ಯ ಸರ್ಕಾರದ ಸಬ್ಸಿಡಿಗಳ ಅನುಷ್ಠಾನದ ನಂತರ ಓಬೆನ್ ರೋರ್ ಎಲೆಕ್ಟ್ರಿಕ್ ಬೈಕ್ ಅನ್ನು ರೂ. 99,999 (ಎಕ್ಸ್ ಶೋ ರೂಂ, ಮಹಾರಾಷ್ಟ್ರ) ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಕಂಪನಿಯು ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಮಾರ್ಚ್ 18 ರಿಂದ ಬುಕಿಂಗ್ ಪ್ರಾರಂಭಿಸಿದೆ. ಬಿಡುಗಡೆಯ ಸಮಯದಲ್ಲಿ, ಕಂಪನಿಯು ಜುಲೈ 2022 ರಿಂದ ಒಬೆನ್ ರೋರ್ ವಿತರಣೆಯನ್ನು ಪ್ರಾರಂಭಿಸುವುದಾಗಿ ಘೋಷಿಸಿತ್ತು.

ಒಮ್ಮೆ ಚಾರ್ಜ್ ಮಾಡಿದರೆ 200 ಕಿ.ಮೀ ಮೈಲೇಜ್

ಅತ್ಯಂತ ಸೊಗಸಾದ ವಿನ್ಯಾಸದೊಂದಿಗೆ, ಓಬೆನ್ ರೋರ್ ಶ್ರೇಣಿಯು ಸಾಕಷ್ಟು ಶಕ್ತಿಯುತ ಬ್ಯಾಟರಿ ಹೊಂದಿದೆ. ಈ ಬೈಕ್ ಅನ್ನು ಸಂಪೂರ್ಣ ಚಾರ್ಜ್ ಮಾಡಿದರೆ 200 ಕಿ.ಮೀ ಮೈಲೇಜ್ ನೀಡಲಿದ್ದು, ಇದು ಇಕೋ, ಸಿಟಿ ಮತ್ತು ಹ್ಯಾವೋಕ್ ಎಂಬ ಮೂರು ರೈಡಿಂಗ್ ಮೋಡ್‌ಗಳನ್ನು ಹೊಂದಿದೆ.

ಹ್ಯಾವೋಕ್ ಮೋಡ್‌ನಲ್ಲಿನ ನಿಜವಾದ ಮೈಲೇಜ್ 100 ಕಿ.ಮೀ ಆಗಿದ್ದರೆ, ಸಿಟಿ ಮತ್ತು ಇಕೋ ಮೋಡ್‌ಗಳು ಕ್ರಮವಾಗಿ 120 ಕಿ.ಮೀ ಮತ್ತು 150 ಕಿ.ಮೀ ವ್ಯಾಪ್ತಿಯನ್ನು ನೀಡುತ್ತವೆ. ಬೈಕ್‌ನ ಪವರ್‌ಟ್ರೇನ್‌ಗೆ ಬರುವುದಾದರೆ ಶಕ್ತಿಶಾಲಿಯೆಂದೇ ಹೇಳಬಹುದು.

ಇದು 4.4 kWh ಲಿಥಿಯಂ-ಐಯಾನ್ ಬ್ಯಾಟರಿಯೊಂದಿಗೆ 10 kW ಎಲೆಕ್ಟ್ರಿಕ್ ಮೋಟಾರ್‌ನಿಂದ ಚಾಲಿತವಾಗಿದೆ. ಈ ಬೈಕು 62 ನ್ಯೂಟನ್ ಮೀಟರ್‌ಗಳ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ಇದು ಕೇವಲ 3 ಸೆಕೆಂಡುಗಳಲ್ಲಿ 0-40 ಕಿ.ಮೀ ವೇಗವನ್ನು ತಲುಪುತ್ತದೆ.

100 ಕಿ.ಮೀ ವೇಗ

ಓಬೆನ್ ರೋರ್ ಹೈ ಸ್ಪೀಡ್ ಎಲೆಕ್ಟ್ರಿಕ್ ಬೈಕ್ ಆಗಿರುವುದರಿಂದ ಹೆದ್ದಾರಿಯಲ್ಲಿ ಚಾಲನೆ ಮಾಡುವುದು ಸಮಸ್ಯೆಯಾಗುವುದಿಲ್ಲ. ಇದರ ಗರಿಷ್ಠ ವೇಗ ಗಂಟೆಗೆ 100 ಕಿಲೋಮೀಟರ್ ಇದ್ದು, ಕಂಪನಿಯು ಇದನ್ನು ಫಾಸ್ಟ್ ಚಾರ್ಜಿಂಗ್ ತಂತ್ರಜ್ಞಾನದೊಂದಿಗೆ ಸಜ್ಜುಗೊಳಿಸಿದೆ. 15 ಆಂಪಿಯರ್ ವಾಲ್ ಸಾಕೆಟ್‌ನೊಂದಿಗೆ ಬೈಕ್ ಕೇವಲ 2 ಗಂಟೆಗಳಲ್ಲಿ 0 ರಿಂದ ಶೇ 100 ರಷ್ಟು ಚಾರ್ಜ್ ಮಾಡಬಹುದು.

'ಮೇಡ್ ಇನ್ ಇಂಡಿಯಾ' ಬೈಕ್

ರೋರ್ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಅನ್ನು ಭಾರತದಲ್ಲಿ ಸಂಪೂರ್ಣವಾಗಿ ಅಭಿವೃದ್ಧಿಪಡಿಸಿದ್ದು, ಸ್ಥಳೀಯವಾಗಿಯೂ ತಯಾರಿಸಲಾಗುತ್ತಿದೆ ಎಂದು ಕಂಪನಿ ಹೇಳಿದೆ. ಒಬೆನ್ ರೋರ್ ನೋಡಲು ತುಂಬಾ ಆಕರ್ಷಕವಾಗಿದೆ. ಇದು ಮುಂಭಾಗದಲ್ಲಿ LED DRL ಗಳ ಜೊತೆಗೆ ವೃತ್ತಾಕಾರದ LED ಹೆಡ್‌ಲ್ಯಾಂಪ್ ಅನ್ನು ಪಡೆದುಕೊಂಡಿದೆ.

ಇದಲ್ಲದೇ, ಟರ್ನ್ ಇಂಡಿಕೇಟರ್‌ಗಳು ಮತ್ತು ಟೈಲ್‌ಲ್ಯಾಂಪ್‌ಗಳನ್ನು ಸಹ ಎಲ್‌ಇಡಿಯಲ್ಲಿ ನೀಡಲಾಗಿದೆ. ವೈಶಿಷ್ಟ್ಯಗಳ ಬಗ್ಗೆ ಮಾತನಾಡುವುದಾದರೆ, ಸ್ಮಾರ್ಟ್ಫೋನ್ ಸಂಪರ್ಕದೊಂದಿಗೆ ಸಂಪೂರ್ಣ ಡಿಜಿಟಲ್ ಉಪಕರಣ ಕ್ಲಸ್ಟರ್ ಅನ್ನು ನೀಡಲಾಗಿದೆ.

ಬೈಕು ಫ್ಯೂಚರ್ ಮೇನ್ಟೇನನ್ಸ್, ರೈಡ್ ವಿವರಗಳು, ಬ್ಯಾಟರಿ ಸ್ಥಿತಿ, ಜಿಯೋ-ಫೆನ್ಸಿಂಗ್, ಜಿಯೋ-ಟ್ಯಾಗಿಂಗ್, ಚಾರ್ಜಿಂಗ್ ಸ್ಟೇಷನ್ ಲೊಕೇಟರ್, ಆನ್-ಡಿಮಾಂಡ್ ಸೇವೆ ಮತ್ತು ರಸ್ತೆಬದಿಯ ಸಹಾಯ ಸೇರಿದಂತೆ ಹಲವು ಬಳಕೆ-ಸ್ನೇಹಿ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.

ಓಬೆನ್ ರೂರ್ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್‌ಗಳನ್ನು ಮತ್ತು ಹಿಂಭಾಗದಲ್ಲಿ ಮೊನೊಶಾಕ್ ಸಸ್ಪೆನ್ಷನ್ ಅನ್ನು ಪಡೆಯುತ್ತದೆ. ಕಾಂಬಿ ಬ್ರೇಕ್ ಸಿಸ್ಟಮ್ (CBS) ಬೈಕ್‌ನ ಎರಡೂ ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್‌ಗಳನ್ನು ನೀಡಲಾಗಿದೆ. ಇ-ಬೈಕ್ ಪ್ರಭಾವಶಾಲಿ 230 ಎಂಎಂ ವಾಟರ್ ವೇಡಿಂಗ್ ಸಾಮರ್ಥ್ಯ ಮತ್ತು 200 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್‌ನೊಂದಿಗೆ ಬರುತ್ತದೆ.

ಒಬೆನ್ ರೋರ್ ಟಾರ್ಕ್ ಕ್ರಾಟೋಸ್ ವಿರುದ್ಧ ಸ್ಪರ್ಧಿಸಿದ್ದಾರೆ. ಆದಾಗ್ಯೂ, Revolt RV 400 ಹೆಚ್ಚು ಕೈಗೆಟುಕುವ ಆಯ್ಕೆಯಾಗಿದೆ. ನೀವು ಹೆಚ್ಚು ಕಾರ್ಯಕ್ಷಮತೆ ಆಧಾರಿತ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಾಗಿ ಹುಡುಕುತ್ತಿದ್ದರೆ, ನೀವು ಅಲ್ಟ್ರಾವಯೊಲೆಟ್ F77 ಗೆ ಹೋಗಬಹುದು, ಇದು ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ.