ಬಡವರ ಕೆಫೆ ರೇಸರ್ - ಹೀರೊ ಸ್ಲ್ಪೆಂಡರ್ ಪ್ರೊ ಕ್ಲಾಸಿಕ್

ಹೌದು, ಬಡವರ ಕೆಫೆ ರೇಸರ್ ಎಂದೇ ವಿಶ್ಲೇಷಿಸಬಹುದಾದ ಹೀರೊ ಸ್ಲ್ಪೆಂಡರ್ ಪ್ರೊ ಕ್ಲಾಸಿಕ್ ಮೋಟಾರುಸೈಕಲ್, ರಾಷ್ಟ್ರ ರಾಜಧಾನಿಯಲ್ಲಿ ಸಾಗುತ್ತಿರುವ 12ನೇ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನಗೊಂಡಿದೆ.

ನಿಮಗೆಲ್ಲರಿಗೂ ಬುಲೆಟ್ ರಾಜ ರಾಯಲ್ ಎನ್‌ಫೀಲ್ಡ್ ಕಾಂಟಿನೆಂಟಲ್ ಜಿಟಿ ಬಗ್ಗೆ ಸ್ಪಷ್ಟ ಅರಿವಿದೆ. ಆದರೆ ಇವೆಲ್ಲಕ್ಕಿಂತಲೂ ಮಿಗಿಲಾದ ಚಿಂತನೆ ಮಾಡಿರುವ ಹೀರೊ, 2014 ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ.

ನಿಮ್ಮ ಮಾಹಿತಿಗಾಗಿ, ಹಾಗೊಂದು ವೇಳೆ ನಿರ್ಮಾಣ ವರ್ಷನ್ ಪಡೆದ್ದಲ್ಲಿ ದೇಶದ ಚೊಚ್ಚಲ 100 ಸಿಸಿ ಕೆಫೆ ರೇಸರ್ ಮೋಟಾರುಸೈಕಲ್ ಎಂಬ ಬಿರುದಿಗೆ ಹೀರೊ ಸ್ಲ್ಪೆಂಡರ್ ಪ್ರೊ ಕ್ಲಾಸಿಕ್ ಪಾತ್ರವಾಗಲಿದೆ.

ಇದು ಏರ್ ಕೂಲ್ಡ್, 4 ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಒಎಚ್‌ಸಿ 97.2 ಸಿಸಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 7.7 ಬಿಎಚ್‌ಪಿ (8.04 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ. ಹಾಗೆಯೇ 4 ಸ್ಪೀಡ್ ಗೇರ್ ಬಾಕ್ಸ್ ಕೂಡಾ ಪಡೆದುಕೊಳ್ಳಲಿದೆ.

ಇನ್ನು ವಿನ್ಯಾಸದ ವಿಚಾರಕ್ಕೆ ಬಂದ್ದಲ್ಲಿ ಹೆಸರಲ್ಲೇ ಸೂಚಿಸಿರುವಂತೆಯೇ ಹ್ಯಾಂಡಲ್ ಬಾರ್ ಸೇರಿದಂತೆ ಎಲ್ಲವೂ ಕೆಫೆ ರೇಸರ್‌ಗೆ ತಕ್ಕುದಾದ ವಿನ್ಯಾಸ ಪಡೆದುಕೊಂಡಿದೆ.

ಇದು ಕ್ಲಾಸಿಕ್ ಹೆಡ್ ಲೈಟ್ ಹಾಗೂ ಟೈಲ್ ಲೈಟ್ ಪಡೆದುಕೊಂಡಿದೆ. ಹಾಗೆಯೇ ಆಕ್ರಮಣಕಾರಿ ವಿನ್ಯಾಸ ಕಾಪಾಡಿಕೊಳ್ಳುವಲ್ಲಿ ಕಂಪನಿ ಯಶ ಸಾಧಿಸಿದೆ.

109 ಕೆ.ಜಿ ಭಾರ ಹೊಂದಿರುವ ಹೀರೊ ಸ್ಲ್ಪೆಂಡರ್ ಪ್ರೊ ಕ್ಲಾಸಿಕ್ ಕೆಫೆ ರೇಸರ್, 159 ಎಂಎಂ ಗ್ರೌಂಡ್ ಕ್ಲಿಯರನ್ಸ್ ಸಹ ಹೊಂದಿದೆ.

ಇನ್ನುಳಿದಂತೆ ಟೆಲಿಸ್ಕಾಪಿಕ್ ಹೈಡ್ರಾಲಿಕ್ ಶಾಕ್ ಅಬ್ಸಾರ್ಬರ್ ಸಸ್ಪೆಷನ್ ನಿಯಂತ್ರಿಸಲಿದೆ. ಹಾಗೆಯೇ 5 ಹಂತದ ಹೊಂದಾಣಿಸಬಹುದಾದ ಹೈಡ್ರಾಲಿಕ್ ಶಾಕ್ ಅಬ್ಸಾರ್ಬರ್ ಕೂಡಾ ಹೊಂದಿದೆ.

ಇದು 1.4 ಮೀಸಲು ಜತೆಗೆ 11 ಲೀಟರ್ ಇಂಧನ ಟ್ಯಾಂಕ್ ಕೂಡಾ ಹೊಂದಿರಲಿದೆ. ಹಾಗೆಯೇ 1935 ಎಂಎಂ ಉದ್ದ, 720 ಎಂಎಂ ಅಗಲ ಮತ್ತು 1020 ಎಂಎಂ ಎತ್ತರ ಕೂಡಾ ಹೊಂದಿರಲಿದೆ.

ಅಂತಿಮವಾಗಿ ದರ ಇತ್ಯಾದಿ ಮಾಹಿತಿಗಳು ಹೊರಬಂದಿಲ್ಲ. ಪ್ರಸ್ತುತ ಚಿತ್ರಗಳನ್ನು ಆನಂದಿಸಿರಿ.