ಜಾನ್ ಅಬ್ರಹಾಂ ಅವರಿಗೆ ಮಗದೊಂದು ಬೈಕ್ ಗಿಫ್ಟ್

ಸೂಪರ್ ಬೈಕ್ ಪ್ರಿಯರು ಆಗಿರುವ ಜಾನ್, ಸಂಸ್ಥೆಯ ಬ್ರಾಂಡ್ ಅಂಬಾಸಿಡರ್ ಕೂಡಾ ಆಗಿದ್ದಾರೆ. ಇದರಂತೆ ಇತ್ತೀಚೆಗಷ್ಟೇ ಬಿಡುಗಡೆ ಮಾಡಿರುವ ಎಫ್‌ಝಡ್ ವರ್ಷನ್ 2.0 ಬೈಕ್ ನೀಡಿ ಗೌರವಿಸಿದೆ.

ಯಮಹಾ ಮಿಷನ್ 1000 ಕೀ.ಮೀ. ಕಾರ್ಯಕ್ರಮಕ್ಕೆ ಜಾನ್ ಅಬ್ರಹಾಂ ಚಾಲನೆ ನೀಡಿದ್ದರು. ಈ ಸಂದರ್ಭದಲ್ಲಿ ಸಂಸ್ಥೆಯ ಹಿರಿಯ ಅಧಿಕಾರಿಗಳ ಸನ್ಮುಖದಲ್ಲಿ ಬೈಕ್ ನೀಡಲಾಗಿತ್ತು.

ಜಾನ್ ಅಬ್ರಹಾಂ ಅವರಿಗೆ ನೀಡಲಾದ ಬೈಕ್ ವಿಶೇಷ ಗ್ರಾಫಿಕ್ಸ್ ವಿನ್ಯಾಸವನ್ನು ಪಡೆದುಕೊಂಡಿತ್ತು. ಅಲ್ಲ ಈ ಸಂದರ್ಭದಲ್ಲಿ ಮಿಸ್ ಫಾಸಿನೊ 2014 ಕೋಯಲ್ ರಾಣಾ ಕೂಡಾ ಉಪಸ್ಥಿತರಿದ್ದರು.

ಅಷ್ಟೇ ಯಾಕೆ ಈ ವಿಶೇಷ ಬೈಕ್ ಓಡಿಸಲಿರುವ ಅಬ್ರಹಾಂ ಅವರಿಗಾಗಿ ಸ್ಪೆಷಲ್ ಹೆಲ್ಮೆಟ್ ಸಹ ನೀಡಲಾಗಿತ್ತು.

ಅಂದ ಹಾಗೆ ಜಾನ್ ಅಬ್ರಹಾಂ ಅವರಿಗೆ ನೀಡಲಾಗಿರುವ ಹೊಸ ಎಫ್‌ಝಡ್ ವರ್ಷನ್ 2.0 ಮ್ಯಾಟ್ ಬ್ಲ್ಯಾಕ್ ಮತ್ತು ಗ್ರೇ ಬಣ್ಣಗಳ ಮಿಶ್ರಣವನ್ನು ಹೊಂದಿದೆ.