ಫಸ್ಟ್ ಡ್ರೈವ್ ರಿವ್ಯೂ: ಎಂಟ್ರಿ ಲೆವಲ್ ಐಷಾರಾಮಿ ಕಾರುಗಳಲ್ಲಿ ಸದ್ದು ಮಾಡಲಿದೆ ಆಡಿ ಕ್ಯೂ2

ಆಡಿ ಕಂಪನಿಯು ಇತ್ತೀಚೆಗೆ ಕ್ಯೂ 2 ಎಸ್‌ಯುವಿಯ ಫೇಸ್ ಲಿಫ್ಟ್ ಆವೃತ್ತಿಯನ್ನು ಬಿಡುಗಡೆಗೊಳಿಸಿದೆ. ಕಂಪನಿಯು ಕ್ಯೂ 2 ಎಸ್‌ಯುವಿಯ ಪ್ರೀ ಫೇಸ್ ಲಿಫ್ಟ್ ಆವೃತ್ತಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಕೆಲ ತಿಂಗಳ ಹಿಂದೆ ಬಿಡುಗಡೆಗೊಳಿಸಿತ್ತು.

ಈ ಹೊಸ ಕಾಂಪ್ಯಾಕ್ಟ್-ಎಸ್‌ಯುವಿಯು ಭಾರತದಲ್ಲಿರುವ ಕಂಪನಿಯ ಕ್ಯೂ ಸರಣಿಯ ಎಂಟ್ರಿ ಲೆವೆಲ್ ಮಾದರಿಯಾಗಿದೆ. ಈ ಎಸ್‌ಯುವಿಯನ್ನು ಎರಡು ದಿನಗಳ ಕಾಲ ಚಾಲನೆ ಮಾಡಿದೆವು. ಆಡಿ ಕ್ಯೂ 2 ಎಸ್‌ಯುವಿಯ ಬಗೆಗಿನ ರಿವ್ಯೂವನ್ನು ಈ ಲೇಖನದಲ್ಲಿ ನೋಡೋಣ.

ಡಿಸೈನ್ ಹಾಗೂ ಸ್ಟೈಲಿಂಗ್

ನಾವು ಕ್ಯೂ 2 ಎಸ್‌ಯುವಿಯ ಟಾಪ್ ಎಂಡ್ ಮಾದರಿಯಾದ ಟೆಕ್ನಾಲಜಿಯ ಸ್ಪೋರ್ಟಿ ಎಸ್-ಲೈನ್ ರೂಪಾಂತರವನ್ನು ಚಾಲನೆ ಮಾಡಿದೆವು. ಈ ಎಸ್‌ಯುವಿಯು ಕ್ರೋಮ್ ಅಂಶಗಳ ಬದಲು ಬ್ಲಾಕ್ ಫಿನಿಷಿಂಗ್ ಅನ್ನು ಪಡೆದಿದೆ. ಮುಂಭಾಗದಲ್ಲಿರುವ ದೊಡ್ಡ ಗಾತ್ರದ ಗ್ರಿಲ್ ಸುತ್ತಲೂ ಕಪ್ಪು ಬಣ್ಣವನ್ನು ನೀಡಲಾಗಿದೆ.

ಆಡಿ ಲೋಗೋ ಹಾಗೂ ಗ್ರಿಲ್‌ನ ಬಲಭಾಗದಲ್ಲಿರುವ ಕ್ವಾಟ್ರೋ ಬ್ಯಾಡ್ಜ್, ಕ್ರೋಮ್ ಬಣ್ಣವನ್ನು ಹೊಂದಿವೆ. ಮುಂಭಾಗದ ಬಂಪರ್'ನ ಎರಡೂ ಬದಿಯಲ್ಲಿ ಪ್ಲಾಸ್ಟಿಕ್ ಹೊದಿಕೆಯಲ್ಲಿರುವ ವೆಂಟ್ ಈ ಎಸ್‌ಯುವಿಗೆ ಸ್ಪೋರ್ಟಿ ಲುಕ್ ನೀಡುತ್ತದೆ.

ಹೆಡ್‌ಲೈಟ್‌ಗಳು ಪೂರ್ತಿಯಾಗಿ ಎಲ್‌ಇಡಿಯಾಗಿದ್ದು, ಟಿ ಶೇಪಿನ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಹೊಂದಿವೆ. ಈ ಎಸ್‌ಯುವಿಯು ಲೋ ಬೀಮ್ ಗಾಗಿ ಪ್ರೊಜೆಕ್ಟರ್ ಯೂನಿಟ್ ಹಾಗೂ ಹೈ ಬೀಮ್ ಗಾಗಿ ರಿಫ್ಲೆಕ್ಟರ್ ಗಳನ್ನು ಹೊಂದಿದ್ದರೂ ಫಾಗ್ ಲ್ಯಾಂಪ್ ಗಳನ್ನು ಹೊಂದಿಲ್ಲ.

ಈ ಎಸ್‌ಯುವಿಯ ಸೈಡ್ ಪ್ರೊಫೈಲ್ ನಲ್ಲಿ ಆಕರ್ಷಕವಾದ 17 ಇಂಚಿನ ಮಲ್ಟಿಸ್ಪೋಕ್ ಅಲಾಯ್ ವ್ಹೀಲ್ ಗಳನ್ನು ನೀಡಲಾಗಿದೆ. ಇದರ ಜೊತೆಗೆ ಕಪ್ಪು ಬಣ್ಣದ ಒಆರ್‌ವಿಎಂ ಹಾಗೂ ಸೈಡ್ ಫೆಂಡರ್‌ನಲ್ಲಿ ಎಸ್-ಲೈನ್ ಬ್ಯಾಡ್ಜ್ ಗಳನ್ನು ಅಳವಡಿಸಲಾಗಿದೆ. ಈ ಒಆರ್‌ವಿಎಂಗಳು ಇಂಟಿಗ್ರೇಟೆಡ್ ಎಲ್ಇಡಿ ಇಂಡಿಕೇಟರ್ ಗಳನ್ನು ಹೊಂದಿವೆ.

ಈ ಎಸ್‌ಯುವಿಯ ರೂಫ್ ಅರ್ಧ ಕಪ್ಪು ಹಾಗೂ ಅರ್ಧ ಕೆಂಪು ಬಣ್ಣವನ್ನು ನೀಡಲಾಗಿದ್ದು, ಶಾರ್ಕ್ ಫಿನ್ ಆಂಟೆನಾವನ್ನು ಅಳವಡಿಸಲಾಗಿದೆ. ಈ ಎಸ್‌ಯುವಿಯ ಬಾಡಿಯ ಮೇಲಿರುವ ಶಾರ್ಪ್ ಗೆರೆಗಳು ಹಾಗೂ ಕ್ರೀಸ್‌ಗಳು ಕ್ಯೂ 2 ಎಸ್‌ಯುವಿಯು ಸ್ಪೋರ್ಟಿಯಾಗಿ ಕಾಣುವಂತೆ ಮಾಡುತ್ತವೆ.

ಈ ಎಸ್‌ಯುವಿಯ ಹಿಂಭಾಗದಲ್ಲಿರುವ ಬ್ಯಾಡ್ಜ್‌ಗಳು ಕ್ರೋಮ್ ಬಣ್ಣವನ್ನು ಹೊಂದಿವೆ. ಟೇಲ್‌ಲೈಟ್ ವಿಶಿಷ್ಟವಾದ ವಿನ್ಯಾಸದೊಂದಿಗೆ ಉತ್ತಮವಾಗಿ ಕಾಣುತ್ತದೆ. ಕ್ಯೂ 2 ಎಸ್‌ಯುವಿಯ ಹಿಂಭಾಗದಲ್ಲಿ ಡೈನಾಮಿಕ್ ಇಂಡಿಕೇಟರ್'ಗಳನ್ನು ಅಳವಡಿಸಲಾಗಿದೆ.

ಇದರ ಜೊತೆಗೆ ಅಡಾಪ್ಟಿವ್ ಗೈಡ್ ಲೈನ್ಸ್ ಹಾಗೂ ಸೆನ್ಸಾರ್'ಗಳನ್ನು ಹೊಂದಿರುವ ಪಾರ್ಕಿಂಗ್ ಕ್ಯಾಮೆರಾವನ್ನು ನೀಡಲಾಗಿದೆ. ಈ ಕ್ಯಾಮೆರಾದಿಂದ ಎಸ್‌ಯುವಿಯನ್ನು ಇಕ್ಕಟ್ಟಾದ ಜಾಗಗಳಲ್ಲಿ ಸುಲಭವಾಗಿ ಪಾರ್ಕಿಂಗ್ ಮಾಡಲು ಸಾಧ್ಯವಾಗಲಿದೆ.

ಇಂಟಿರಿಯರ್ ಹಾಗೂ ಫೀಚರ್'ಗಳು

ಈ ಎಸ್‌ಯುವಿಯ ಕ್ಯಾಬಿನ್ ವಿಶಾಲವಾಗಿದ್ದು, ಸುತ್ತಲೂ ಸಿಲ್ವರ್ ಹಾಗೂ ಡಾರ್ಕ್ ಗ್ರೇ ಅಂಶಗಳನ್ನು ಹೊಂದಿರುವ ಕಪ್ಪು ಬಣ್ಣದ ಇಂಟಿರಿಯರ್ ಅನ್ನು ನೀಡಲಾಗಿದೆ. ಡ್ಯಾಶ್‌ಬೋರ್ಡ್‌ನ ಮಧ್ಯಭಾಗದಲ್ಲಿ ಟಚ್‌ಸ್ಕ್ರೀನ್ ಇಲ್ಲದ 8.3-ಇಂಚಿನ ಡಿಸ್ ಪ್ಲೇ ನೀಡಲಾಗಿದೆ.

ಗೇರ್-ಲಿವರ್‌ನ ಹಿಂಭಾಗದಲ್ಲಿ ಎಂಎಂಐ ಟಚ್ ಕಂಟ್ರೋಲರ್ ನೀಡಲಾಗಿದ್ದು, ಸ್ಕ್ರೀನ್ ಮೇಲಿನ ಫಂಕ್ಷನ್'ಗಳ ನಡುವೆ ಟಾಗಲ್ ಮಾಡಲು ಬಳಸಲಾಗುತ್ತದೆ.ಆಡಿ ಕ್ಯೂ 2 ಕಂಪನಿಯ ವರ್ಚುವಲ್ ಕಾಕ್‌ಪಿಟ್‌ ಹೊಂದಿದೆ.

ಈ ಎಸ್‌ಯುವಿಯಲ್ಲಿರುವ ಪೂರ್ಣ ಪ್ರಮಾಣದ ಎಲ್ಇಡಿ ಇನ್ಸ್'ಟ್ರೂಮೆಂಟ್ ಕ್ಲಸ್ಟರ್ ಎಸ್‌ಯುವಿಗೆ ಸಂಬಂಧಿಸಿದ ಮಾಹಿತಿಯನ್ನು ನೀಡುತ್ತದೆ. ಮ್ಯಾಪ್ ಬಳಸಲು ಸ್ಟೀಯರಿಂಗ್ ವ್ಹೀಲ್'ನಲ್ಲಿರುವ ವೀವ್ ಬಟನ್ ಪ್ರೆಸ್ ಮಾಡಿದಾಗ ಸ್ಪೀಡೋ ಹಾಗೂ ಟ್ಯಾಕೋಮೀಟರ್‌ಗಳು ಚಿಕ್ಕದಾಗಿ ಮ್ಯಾಪ್ ಪೂರ್ಣ ಕ್ಲಸ್ಟರ್‌ನಲ್ಲಿ ಪ್ರದರ್ಶಿತವಾಗುತ್ತದೆ.

ಈ ಎಸ್‌ಯುವಿಯು ಲೆದರ್ ನಿಂದ ವ್ರಾಪ್ ಮಾಡಲಾದ ಫ್ಲಾಟ್-ಬಾಟಮ್ ಸ್ಟೀಯರಿಂಗ್ ವ್ಹೀಲ್ ಅನ್ನು ಹೊಂದಿದೆ. ಕ್ಯೂ 2 ಎಸ್‌ಯುವಿಯ ಡ್ಯಾಶ್‌ಬೋರ್ಡ್ ಪ್ರೀಮಿಯಂ ಅಲ್ಲದಿದ್ದರೂ ತನ್ನ ಕೆಲಸವನ್ನು ಉತ್ತಮವಾಗಿ ನಿಭಾಯಿಸುತ್ತದೆ.

ಡ್ಯುಯಲ್-ಜೋನ್ ಕ್ಲೈಮೇಟ್ ಕಂಟ್ರೋಲ್ ಹೊಂದಿರುವ ಈ ಎಸ್‌ಯುವಿಯಲ್ಲಿ ಹಿಂಭಾಗದ ಎಸಿ ವೆಂಟ್'ಗಳನ್ನು ನೀಡಿಲ್ಲ. ಈ ಎಸ್‌ಯುವಿಯು ಪನೋರಾಮಿಕ್ ಗ್ಲಾಸ್ ಸನ್‌ರೂಫ್ ಅನ್ನು ಹೊಂದಿದೆ.

ಈ ಎಸ್‌ಯುವಿಯ ಮುಂಭಾಗದಲ್ಲಿರುವ ಸೀಟುಗಳು ಆರಾಮದಾಯಕ ಹಾಗೂ ಸ್ಪೋರ್ಟಿಯಾಗಿದ್ದು, ಸೈಡ್ ಬೋಲ್ ಸ್ಟರ್, ಥೈ ಸಪೋರ್ಟ್, ಅಡ್ಜಸ್ಟಬಲ್ ಹೆಡ್ ರೆಸ್ಟ್ ಗಳನ್ನು ಹೊಂದಿವೆ. ಕ್ಯೂ 2 ಎಸ್‌ಯುವಿಯು ಎಲೆಕ್ಟ್ರಿಕ್ ಸೀಟುಗಳನ್ನು ಹೊಂದಿಲ್ಲ.

ಎರಡನೇ ಸಾಲಿನಲ್ಲಿರುವ ಸೀಟುಗಳು ಆರಾಮದಾಯಕವಾಗಿದ್ದರೂ ಎತ್ತರವಾಗಿರುವವರಿಗೆ ಸ್ವಲ್ಪ ಕಷ್ಟವಾಗಬಹುದು. ಸೆಂಟರ್ ಆರ್ಮ್ ರೆಸ್ಟ್ ಹೊಂದಿರುವ ಎರಡನೇ ಸಾಲಿನಲ್ಲಿ ಮೂರು ಜನ ಕುಳಿತುಕೊಳ್ಳಲು ಸ್ವಲ್ಪ ಕಷ್ಟವಾಗುತ್ತದೆ.

ಕ್ಯೂ 2 ಎಸ್‌ಯುವಿಯು 355-ಲೀಟರ್ ಬೂಟ್ ಅನ್ನು ಹೊಂದಿದೆ. ಆಡಿ ಕಂಪನಿಯು ಕ್ಯೂ 2 ಎಸ್‌ಯುವಿಯಲ್ಲಿ ಫೋಲ್ಡ್ ಮಾಡಬಹುದಾದ ಹಿಂಭಾಗದ ಸೀಟುಗಳನ್ನು ನೀಡಿದ್ದು, ಅಗತ್ಯವಿದ್ದಾಗ ಲಗೇಜ್ ಸ್ಪೇಸ್ ಅನ್ನು ವಿಸ್ತರಿಸಿಕೊಳ್ಳಬಹುದು.

ಎಂಜಿನ್ ಹಾಗೂ ಹ್ಯಾಂಡ್ಲಿಂಗ್

ಕ್ಯೂ 2 ಎಸ್‌ಯುವಿಯಲ್ಲಿ 2.0 ಲೀಟರಿನ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 188 ಬಿಹೆಚ್ ಪಿ ಪವರ್ ಹಾಗೂ 320 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್'ನೊಂದಿಗೆ ಏಳು-ಸ್ಪೀಡಿನ ಡಿಎಸ್‌ಜಿ ಗೇರ್‌ಬಾಕ್ಸ್‌ ಅಳವಡಿಸಲಾಗಿದೆ.

ಈ ಎಂಜಿನ್ ಕ್ವಾಟ್ರೊ ಪರ್ಮನೆಂಟ್ ಆಲ್-ವ್ಹೀಲ್-ಡ್ರೈವ್ ಸಿಸ್ಟಂ ಮೂಲಕ ಎಲ್ಲಾ ನಾಲ್ಕು ವ್ಹೀಲ್'ಗಳಿಗೆ ಪವರ್ ಕಳುಹಿಸುತ್ತದೆ. ಕ್ಯೂ 2 ಎಸ್‌ಯುವಿಯು ವಿಡಬ್ಲ್ಯೂ ಗ್ರೂಪ್‌ನ ಎಂಕ್ಯೂಬಿ ಪ್ಲಾಟ್‌ಫಾರಂ ಅನ್ನು ಆಧರಿಸಿದ್ದು, ಟ್ರಾನ್ಸ್‌ವರ್ಸ್ ಎಂಜಿನ್‌ನೊಂದಿಗೆ ಬರುತ್ತದೆ.

ಈ ಎಸ್‌ಯುವಿಯು ಮಲ್ಟಿ-ಪ್ಲೇಟ್ ಕ್ಲಚ್ ಅನ್ನು ಆಧರಿಸಿದ ಆನ್-ಡಿಮಾಂಡ್ ಎಡಬ್ಲ್ಯೂಡಿ ಸಿಸ್ಟಂ ಅನ್ನು ಹೊಂದಿದೆ. ಈ ಎಸ್‌ಯುವಿಯ ಪವರ್ ಡೆಲಿವರಿ ಅತ್ಯುತ್ತಮವಾಗಿದೆ. ಕ್ಯೂ 2 ಎಸ್‌ಯುವಿಯು ಇಕೋ, ಕಂಫರ್ಟ್, ಡೈನಾಮಿಕ್, ಇಂಡಿವಿಜುವಲ್ ಹಾಗೂ ಆಟೋ ಎಂಬ ಐದು ಡ್ರೈವಿಂಗ್ ಮೋಡ್‌ಗಳನ್ನು ಹೊಂದಿದೆ.

ಇಕೋ ಮೋಡ್‌ನಲ್ಲಿ ಸ್ಟೀಯರಿಂಗ್ ಹಾಗೂ ಥ್ರೊಟಲ್ ರೆಸ್ಪಾನ್ಸ್ ನಿಧಾನವಾಗಿದ್ದರೆ, ಡೈನಾಮಿಕ್ ಮೋಡ್‌ನಲ್ಲಿ, ಸ್ಟೀಯರಿಂಗ್ ವ್ಹೀಲ್'ಗಳು ಗಟ್ಟಿಯಾಗಿದ್ದು, ಥ್ರೊಟಲ್ ರೆಸ್ಪಾನ್ಸ್ ವೇಗವಾಗಿರುತ್ತದೆ.

ನಾವು ಹೆಚ್ಚಿನ ಚಾಲನೆಗಾಗಿ ಕಂಫರ್ಟ್ ಮೋಡ್ ಅನ್ನು ಶಿಫಾರಸು ಮಾಡುತ್ತೇವೆ. ಈ ಮೋಡ್‌ನಲ್ಲಿ ಕ್ಯೂ 2 ಎಸ್‌ಯುವಿಯು ಅತ್ಯುತ್ತಮವಾಗಿ ಚಲಿಸುತ್ತದೆ. ಶಿಫ್ಟ್‌ಗಳು ವಿಳಂಬವನ್ನುಂಟು ಮಾಡುವುದಿಲ್ಲ. ಡಿಎಸ್‌ಜಿ ಗೇರ್‌ಬಾಕ್ಸ್ ವೇಗವಾಗಿ ಶಿಫ್ಟ್ ಆಗುತ್ತದೆ.

ಈ ಎಸ್‌ಯುವಿಯಲ್ಲಿರುವ ಪ್ಯಾಡಲ್ ಶಿಫ್ಟರ್‌ಗಳು ಶಿಫ್ಟಿಂಗ್ ಅನ್ನು ಸುಲಭಗೊಳಿಸುತ್ತವೆ. ಬಿಎಸ್ 6 ಮಾನದಂಡಗಳಿಂದಾಗಿ ಕಾರಿನ ಎಲೆಕ್ಟ್ರಿಕ್ ಸಪ್ಲೈ ಲಿನಿಯರ್ ಆಗಿದೆ. ರೆವ್ಸ್ ನಿರ್ಮಾಣವಾಗುತ್ತಿದ್ದಂತೆ ಪವರ್ ಸಪ್ಲೈ ಸುಲಭವಾಗುತ್ತದೆ.

ಕ್ಯೂ 2 ಎಸ್‌ಯುವಿಯಲ್ಲಿರುವ ಸಸ್ಪೆಂಷನ್ ಸ್ವಲ್ಪ ಗಟ್ಟಿಯಾಗಿದ್ದರೂ ಸವಾರಿಯ ಗುಣಮಟ್ಟಕ್ಕೆ ಅಡ್ಡಿಯಾಗುವುದಿಲ್ಲ. ಕ್ಯೂ 2 ಎಸ್‌ಯುವಿಯು ಸಿಟಿಯೊಳಗಿನ ಹಂಪ್ ಹಾಗೂ ರಸ್ತೆ ಗುಂಡಿಗಳಲ್ಲಿಯೂ ಸುಲಭವಾಗಿ ಸಾಗುತ್ತದೆ.

ಸ್ಟೀಯರಿಂಗ್ ರೆಸ್ಪಾನ್ಸ್ ಅತ್ಯುತ್ತಮವಾಗಿದ್ದು, ಸ್ವಲ್ಪ ಫ್ಲಿಕ್ ನೊಂದಿಗೆ ಎಸ್‌ಯುವಿಯು ರಸ್ತೆಗಳನ್ನು ಬದಲಿಸಲು ನೆರವಾಗುತ್ತದೆ. ಸಸ್ಪೆಂಷನ್ ಸ್ವಲ್ಪ ಗಟ್ಟಿಯಾಗಿರುವ ಕಾರಣಕ್ಕೆ ಕ್ಯೂ 2 ಎಸ್‌ಯುವಿಯು ಹೈವೇಗಳಲ್ಲಿ ಹೆಚ್ಚಿನ ವೇಗದಲ್ಲಿ ಸಾಗುತ್ತದೆ.

ಈ ಎಸ್‌ಯುವಿಯಲ್ಲಿರುವ ಮಿಚೆಲಿನ್ ಟಯರ್‌ಗಳು ಒಳ್ಳೆಯ ಗ್ರಿಪ್ ಹೊಂದಿದ್ದು, ಚಾಲಕನು ವೇಗವಾಗಿ ಸಾಗಲು ನೆರವಾಗುತ್ತವೆ. 1,500 ಕೆ.ಜಿ ತೂಕವನ್ನು ಹೊಂದಿರುವ ಈ ಎಸ್‌ಯುವಿಯು 6.5 ಸೆಕೆಂಡುಗಳಲ್ಲಿ 0 - 100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ.

ಗಂಟೆಗೆ 228 ಕಿ.ಮೀ ಟಾಪ್ ಸ್ಪೀಡ್ ಹೊಂದಿರುವ ಕ್ಯೂ 2 ಎಸ್‌ಯುವಿಯನ್ನು ಸಿಟಿಯೊಳಗೆ ಚಾಲನೆ ಮಾಡಿದಾಗ 8.4 ರಿಂದ 11.2 ಕಿ.ಮೀ ಹಾಗೂ ಹೈವೇನಲ್ಲಿ 14.5ರಿಂದ 16.8 ಕಿ.ಮೀ ಮೈಲೇಜ್ ಪಡೆದೆವು.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ಕ್ಯೂ 2 ಎಸ್‌ಯುವಿಯ ಆರಂಭಿಕ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.35 ಲಕ್ಷಗಳಾಗಿದೆ. ನಾವು ಚಾಲನೆ ಮಾಡಿದ ಟೆಕ್ನಾಲಜಿ ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.48.89 ಲಕ್ಷಗಳಾಗಿದೆ.

ಕ್ಯೂ 2 ಎಸ್‌ಯುವಿಯು ದೇಶಿಯ ಮಾರುಕಟ್ಟೆಯಲ್ಲಿ ಯಾವುದೇ ನೇರ ಪ್ರತಿಸ್ಪರ್ಧಿಗಳನ್ನು ಹೊಂದಿಲ್ಲವಾದರೂ ಬಿಎಂಡಬ್ಲ್ಯು ಎಕ್ಸ್ 1 ಹಾಗೂ ಮರ್ಸಿಡಿಸ್ ಬೆಂಝ್ ಜಿಎಲ್‌ಎ ಎಸ್‌ಯುವಿಗಳಿಗೆ ಪೈಪೋಟಿ ನೀಡುತ್ತದೆ.

ಯೋಗ್ಯ ಗಾತ್ರದ ವಾಹನಕ್ಕಾಗಿ ಹಣವನ್ನು ಖರ್ಚು ಮಾಡಲು ಆಡಿ ಕಂಪನಿಯ ಎಸ್‌ಯುವಿಯನ್ನು ಖರೀದಿಸಲು ಸಿದ್ಧರಿದ್ದರೆ ಆಡಿ ಕ್ಯೂ 2 ಎಸ್‌ಯುವಿಯನ್ನು ಖರೀದಿಸಬಹುದು.