ಕ್ಲಿಯರೆನ್ಸ್ ಮಾರಾಟ: ಆಡಿ ಎ4 ಕಾರಿಗೆ ಬಡ್ಡಿ ಕಟ್ಬೇಕಾಗಿಲ್ಲ

Posted By:
ಮಧ್ಯಮ ದರ್ಜೆಯ ಕಾರುಗಳಿಂದ ಪ್ರೀಮಿಯಂ ಕಾರು ಸೆಗ್ಮೆಂಟಿಗೆ ನೆಗೆಯಲು ಸಿದ್ಧರಾಗಿರುವರಿಗೆ ಇಲ್ಲೊಂದು ಅವಕಾಶವಿದೆ. ಎ4 ಡೀಸೆಲ್ ಕಾರಿಗೆ ಶೇಕಡ 0 ಬಡ್ಡಿದರದಲ್ಲಿ ಖರೀದಿ ಅವಕಾಶವನ್ನು ಆಡಿ ಇಂಡಿಯಾ ನೀಡಿದೆ.

ಆಡಿ ಎ4 ಕಾರಿಗೆ 24 ಲಕ್ಷ ರು. ಸಾಲ ದೊರಕುತ್ತದೆ. ಇದನ್ನು ಝೀರೋ ಬಡ್ಡಿದರದಲ್ಲಿ 36 ತಿಂಗಳು ಪಾವತಿ ಮಾಡಿದರೆ ಸಾಕು. ಆಡಿ ಕಾರೊಂದನ್ನು ಖರೀದಿಸಲು ಬಯಸುವರು ಕಂಪನಿಯ ಈ ಆಫರನ್ನು ಬಳಸಿಕೊಳ್ಳಬಹುದು.

ಆಡಿ ಇಂಡಿಯಾ ಕಂಪನಿಯು ಸಿಬಿಯು ಹಾದಿ ಮೂಲಕ ಕಾರುಗಳನ್ನು ಆಮದು ಮಾಡಿಕೊಳ್ಳುತ್ತದೆ. 2012-13ನೇ ಸಾಲಿನಲ್ಲಿ ಕೇಂದ್ರ ಸರಕಾರವು ಆಮದು ಸುಂಕವನ್ನು ಶೇಕಡ 60ರಿಂದ ಶೇಕಡ 75ಕ್ಕೆ ಹೆಚ್ಚಿಸಿತ್ತು.

ಆಡಿ ಝೀರೊ ಬಡ್ಡಿದರಕ್ಕೆ ಕಾರಣವೇನು ಎಂಬ ಸಂದೇಹ ನಿಮಗಿರಬಹುದು. ಬಜೆಟ್ ಪೂರ್ವದಲ್ಲಿ ಆಮದು ಮಾಡಿಕೊಂಡ ಕೆಲವು ಎ4 ಕಾರುಗಳು ಮಾರಾಟವಾಗದೆ ಉಳಿದಿವೆ. ಈ ಸ್ಟಾಕ್ ಕ್ಲೀಯರ್ ಮಾಡಲು ಕಂಪನಿಯು ಬಡ್ಡಿದರವಿಲ್ಲದೆ ಕಾರುಗಳನ್ನು ಮಾರಾಟ ಮಾಡಲು ನಿರ್ಧರಿಸಿದೆ.

ಆಡಿ ಕಂಪನಿಯ ಐಷಾರಾಮಿ ಕಾರುಗಳಲ್ಲಿ ಎ4 ಪ್ರಮುಖ. ಇದು 8 ಏರ್ ಬ್ಯಾಗ್ ಮುಂತಾದ ಸುರಕ್ಷತೆಯ ಫೀಚರುಗಳನ್ನು ಹೊಂದಿದೆ. ಜರ್ಮನಿಯ ಕಾರು ಕಂಪನಿಯ ಈ ಕಾರು ರಸ್ತೆಯಲ್ಲಿ ಅತ್ಯುತ್ತಮ ಸವಾರಿ ಅನುಭವ ನೀಡುತ್ತದೆ. ಸೊನ್ನೆ ಬಡ್ಡಿದರದ ಕುರಿತು ಹೆಚ್ಚಿನ ಮಾಹಿತಿಗೆ ನಿಮ್ಮ ಹತ್ತಿರದ ಆಡಿ ಇಂಡಿಯಾ ಶೋರೂಂಗೆ ಭೇಟಿ ನೀಡಿ.

English summary
For those who wanted to update their mid-level sedan to a premium car, this is the time. Audi is clearing off its pre-budget priced A4 diesel cars left at 0% interest. 
Story first published: Thursday, April 19, 2012, 11:38 [IST]
Please Wait while comments are loading...

Latest Photos