ಶೀಘ್ರದಲ್ಲಿ ನಿರೀಕ್ಷಿಸಿ: ಮಹೀಂದ್ರ ಮಿನಿ ಕ್ಷೈಲೊ ಎಸ್ ಯುವಿ

ಮಿನಿ ಕ್ಷೈಲೊ ಕಾರನ್ನು ಕಂಪನಿಯು ಈಗಾಗಲೇ ಪುಣೆ ಮತ್ತು ಯುರೋಪ್ ನಲ್ಲಿ ಟೆಸ್ಟ್ ಮಾಡಿದೆ. "ಮಿನಿ ಕ್ಷೈಲೊ ಈಗಲೂ ಅಭಿವೃದ್ಧಿಯ ಹಂತದಲ್ಲಿದೆ. ಆದರೆ ಈ ಕಾರು ದೀಪಾವಳಿಗೆ ಮುನ್ನ ರಸ್ತೆಗಿಳಿಯಲಿದೆ" ಎಂದು ಕಂಪನಿಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಮಿನಿ ಕ್ಷೈಲೊ ಕಾರು ಐದು ಡೋರಿನ ಹ್ಯಾಚ್ ಬ್ಯಾಕ್ ಕಾರಾಗಿದ್ದು, ನೋಡಲು ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ ತರಹವೇ ಕಾಣುತ್ತದೆ. ಇದು ನಾಲ್ಕು ಮೀಟರಿಗಿಂತ ಕಡಿಮೆ ಉದ್ದದ ಕಾರಾಗಿದೆ. ಕಾರಿನ ಉದ್ದ ಕಡಿಮೆ ಇರುವುದರಿಂದ ಕಾರಿಗೆ ವಿಧಿಸುವ ಅಬಕಾರಿ ಸುಂಕ ಕಡಿಮೆಯಾಗಲಿದೆ. ಇದರಿಂದ ಈ ಕಾರಿನ ದರ ಸುಮಾರು 7 ಲಕ್ಷ ರು.ಗಿಂತ ಕಡಿಮೆ ಇರುವ ನಿರೀಕ್ಷೆಯಿದೆ. ಈ ಕಾರು ಪ್ರತಿಲೀಟರಿಗೆ 14 ಕಿ.ಮೀ.ಗಿಂತ ಹೆಚ್ಚು ಮೈಲೇಜ್ ನೀಡುವ ನಿರೀಕ್ಷೆಯಿದೆ.