12 ಲಕ್ಷ ಮಹೀಂದ್ರ ಮಿನಿ ವಾಣಿಜ್ಯ ವಾಹನಗಳ ಮಾರಾಟ

ದೇಶದ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಯಾಗಿರುವ ಮಹೀಂದ್ರ ಆಂಡ್ ಮಹೀಂದ್ರ, ಸಣ್ಣ ವಾಣಿಜ್ಯ ವಾಹನಗಳ ವಿಭಾಗದಲ್ಲಿ 12 ಲಕ್ಷ ಯುನಿಟ್‌ಗಳನ್ನು ಮಾರಾಟ ಮಾಡಿದ ಮನ್ನಣೆಗೆ ಪಾತ್ರವಾಗಿದೆ. ಸಣ್ಣ ವಾಣಿಜ್ಯ ವಾಹನಗಳ ವಿಭಾಗದಲ್ಲಿ ಮಹೀಂದ್ರ 12 ಮಾಡೆಲ್‌ಗಳನ್ನು ದೇಶಕ್ಕೆ ಪರಿಚಯಿಸಿವೆ. ಇದು ದೇಶದ ಸರಕು ಸಾಗಾಟಗಳಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ.

ಟು ವೀಲರ್, ಆಟೋ ರಿಕ್ಷಾಗಳ ಹೊರತಾಗಿ ಮಹೀಂದ್ರ ಪಿಕಪ್, ಮಿನಿ ಟ್ರಕ್ ಹಾಗೂ ಮಿನಿ ವ್ಯಾನ್‌ಗಳ ಸೇವೆ ನೀಡುತ್ತಿದೆ. ಇದು ನಗರ ಪ್ರದೇಶ ಸೇರಿದಂತೆ ಗ್ರಾಮೀಣ ಜನತೆಯ ಬೇಡಿಕೆಗಳನ್ನು ಪೂರೈಸುವಲ್ಲಿ ಯಶಸ್ಸನ್ನು ಕಂಡಿದೆ.

ಇದೇ ಸಂದರ್ಭದಲ್ಲಿ ಎಸಿ ಜಿನಿಯೊ ಡಬಲ್ ಕ್ಯಾಬ್, ಮ್ಯಾಕ್ಸಿಮೊ ಸಿಎನ್‌ಜಿ, ಮೈಕ್ರೊ ಹೈಬ್ರಿಡ್ ಪಿಕಪ್, ಜಿಯೊ, ಮ್ಯಾಕ್ಸಿಮ್ ಮಿನಿ ವ್ಯಾನ್ ವಿಎಕ್ಸ್ ಮತ್ತು ಮ್ಯಾಕ್ಸಿಮ್ ಪ್ಲಸ್‌ಗಳಂತಹ ನೂತನ ರೇಂಜ್ ವಾಣಿಜ್ಯ ವಾಹನಗಳನ್ನು ಮಹೀಂದ್ರ ಬಿಡುಗಡೆ ಮಾಡಿವೆ. ದೇಶದಲ್ಲಿ ಒಟ್ಟು 250 ಡೀಲರ್‌ಶಿಪ್‌ಗಳನ್ನು ಹೊಂದಿರುವ ಮಹೀಂದ್ರ 1000ಕ್ಕೂ ಹೆಚ್ಚು ಸರ್ವಿಸ್ ಪಾಯಿಂಟ್‌ಗಳನ್ನು ಹೊಂದಿದೆ.

ಡ್ರೈವ್ ಸ್ಪಾರ್ಕ್ ವೀಡಿಯೊ ಗ್ಯಾಲರಿ