ತ್ವರೆ ಮಾಡಿ; ಕಾರು ಸಾಲ ಇನ್ನಷ್ಟು ಅಗ್ಗ?

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ದೀಪಾವಳಿ ಹಬ್ಬದ ಆವೃತ್ತಿ ಬಳಿಕ ಕಾರು ಮಾರುಕಟ್ಟೆ ಭಾರಿ ಕುಸಿತದತ್ತ ಮುಖ ಮಾಡಿದೆ. ಪ್ರಸ್ತುತ ಬೇಡಿಕೆ ಕುಸಿದಿರುವುದರಿಂದ ಬ್ಯಾಂಕುಗಳು ಬಡ್ಡಿ ದರವನ್ನು 25 ಬೇಸಿಸ್ ಪಾಯಿಂಟ್‌ಗಳಷ್ಟು ಕಡಿತ ಮಾಡುವ ಚಿಂತನೆಯಲ್ಲಿದೆ.

ಹಳೆ ಹಾಗೂ ಹೊಸ ಪ್ರಯಾಣಿಕ ಕಾರುಗಳಿಗೆ ಸಾಲ ನೀಡುತ್ತಿರುವ ಕೊಟಕ್ ಮಹೀಂದ್ರ ಬ್ಯಾಂಕ್‌ನ ಕೊಟಕ್ ಮಹೀಂದ್ರ ಪ್ರೈಮ್ ಈಗಾಗಲೇ ಬಡ್ಡಿದರವನ್ನು ಕಡಿತಗೊಳಿಸಿದೆ.

2012ರ ಡಿಸೆಂಬರ್ ತಿಂಗಳಲ್ಲಿ ಪ್ರಯಾಣಿಕ ಕಾರು ಮಾರಾಟವು ಶೇಕಡಾ 12.5ರಷ್ಟು ಕುಸಿತ ಕಂಡಿತ್ತು. ಇದು 2012ರ ಆಗಸ್ಟ್‌ (18.56%) ಬಳಿಕ ಅನುಭವಿಸಿದ ಅತ್ಯಂತ ಅಧಿಕ ಕುಸಿತವಾಗಿದೆ ಎಂದು ಸಿಯಾಮ್ (SIAM) ವರದಿಯು ತಿಳಿಸಿದೆ.

ಇನ್ನು ಸಾರ್ವಜನಿಕ ವಲಯದ ಬ್ಯಾಂಕ್‌ಗಳನ್ನು ಹೋಲಿಸಿದಾಗ ಭಾರತೀಯ ಸ್ಟೇಟ್ ಬ್ಯಾಂಕ್ (ಎಸ್‌ಬಿಐ) ಅತಿ ಹೆಚ್ಚು ಯಶಸ್ಸನ್ನು ದಾಖಲಿಸಿತ್ತು. ಇದು ಮಾರುಕಟ್ಟೆಯಲ್ಲಿ ಕಾರುಗಳಿಗೆ ಅತಿ ಅಗ್ಗದ ಬಡ್ಡಿದರದಲ್ಲಿ ಸಾಲವನ್ನು ನೀಡುತ್ತಿದೆ.