ಸದ್ಯದಲ್ಲೇ ಬೆಂಗಳೂರು-ಮೈಸೂರು ನಡುವೆ ಫ್ಲೈ ಬಸ್ ಸೇವೆ

ಆರಾಮದಾಯಕ ಪಯಣ

ಫ್ಲೈ ಬಸ್‌ನಲ್ಲಿ ಪುಟ್ಟ ಅಡುಗೆ ಮನೆ, ರಾಸಾಯನಿಕ ಶೌಚಾಲಯಗಳನ್ನು ಹೊಂದಿರಲಿದೆ. ಪ್ರತಿ ಸೀಟಿನ ಹಿಂದುಗಡೆ ಸೀಟಿನ ವ್ಯವಸ್ಥೆ ಇರಲಿದೆ. ಪ್ರಯಾಣಿಕರಿಗೆ ಕುಳಿತಲ್ಲಿಗೆ ನೀರಿಗೆ ಸರಬುರಾಜು ಆಗಲಿದೆ. ಹಾಗೆಯೇ ವಿಮಾನ ಟೈಮಿಂಗ್ಸ್ ಮಾಹಿತಿ ಲಭಿಸಲಿದೆ.

ನಾನ್ ಸ್ಟಾಪ್ ಬಸ್

ಫ್ಲೈ ಬಸ್ ಮೈಸೂರು ಮತ್ತು ಬೆಂಗಳೂರಿನಲ್ಲಿ ಮಾತ್ರ ನಿಲ್ಲಲಿದೆ. ಕೆಂಗೇರಿ, ನೆಲಮಂಗಲ, ಹೆಬ್ಬಾಳ ಮೂಲಕ ಬೆಂಗಳೂರು ವಿಮಾನ ನಿಲ್ದಾಣ ತಲುಪಲಿದೆ.

ದರ ಎಷ್ಟು?

ಸದ್ಯ ಫ್ಲೈ ಬಸ್ ಸ್ವಲ್ಪ ದುಬಾರಿಯಾಗಿದ್ದು, 1000 ರು. ಎಂದು ನಿಗದಿಪಡಿಸಲಾಗಿದೆ. ಪ್ರಯಾಣಿಕರ ಪ್ರತಿಕ್ರಿಯೆ ಬಳಿಕ ದರ ಪರಿಷ್ಕರಿಸಲಾಗುವುದು ಎಂದು ಸಚಿವರು ತಿಳಿಸಿದ್ದಾರೆ.

ಯೋಜನೆ ವಿಸ್ತರಣೆ

ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಮಂಗಳೂರು, ಕೊಡಗು ಮತ್ತು ಮೈಸೂರಿನಿಂದ ಹೆಚ್ಚಿನ ಪ್ರಯಾಣಿಕರು ಆಗಮಿಸುತ್ತಾರೆ ಎಂದು ಸಮೀಕ್ಷೆಗಳು ಹೇಳುತ್ತಿವೆ. ಆದ್ದರಿಂದ ಸೆಪ್ಟೆಂಬರ್ ತಿಂಗಳಿನಿಂದ ಫ್ಲೈ ಬಸ್ ಯೋಜನೆಯನ್ನು ಇತರ ನಗರಗಳಿಗೂ ವಿಸ್ತರಿಸುವ ಸಾಧ್ಯತೆಯಿದೆ.

ಸಮಯ ಉಳಿತಾಯ

ಮೈಸೂರಿನಿಂದ ಬೆಂಗಳೂರಿನ ಬಸ್ ನಿಲ್ದಾಣಕ್ಕೆ ಬಂದು, ಅಲ್ಲಿಂದ ವಿಮಾನ ನಿಲ್ದಾಣಕ್ಕೆ ಸಂಚರಿಸಬೇಕಾಗಿತ್ತು. ಆದರೆ ಫ್ಲೈ ಬಸ್ ಸೇವೆಯಿಂದಾಗಿ ಸಮಯದ ಉಳಿತಾಯವಾಗಲಿದೆ. ಹಾಗೂ ಜನರು ನೇರವಾಗಿ ವಿಮಾನ ನಿಲ್ದಾಣ ತಲುಪಬಹುದಾಗಿದೆ. ಒಟ್ಟಾರೆ ಮೈಸೂರಿನ ಜನರ ಬಹುದಿನಗಳ ಕನಸು ಆಗಸ್ಟ್ ನಲ್ಲಿ ನನಸಾಗಲಿದೆ. ಜನರು ಕೆಎಸ್ಆರ್ ಟಿಸಿಯ ಈ ಫ್ಲೈ ಬಸ್ ಸೇವೆಗೆ ಹೇಗೆ ಪ್ರತಿಕ್ರಿಯೆ ನೀಡುತ್ತಾರೆ ಎಂದು ಕಾದು ನೋಡಬೇಕು.