ವರ್ಷದ ಅಂತರಾಷ್ಟ್ರೀಯ ಎಂಜಿನ್ 'ಫೋರ್ಡ್ ಇಕೊಬೂಸ್ಟ್'

ವರ್ಷದ ಅಂತರಾಷ್ಟ್ರೀಯ ಎಂಜಿನ್ ಪ್ರಶಸ್ತಿಗೆ ಅಮೆರಿಕ ಮೂಲದ ವಾಹನ ತಯಾರಕ ಸಂಸ್ಥೆಯಾದ ಫೋರ್ಡ್‌ನ 1.0 ಲೀಟರ್ 'ಇಕೊ ಬೂಸ್ಟ್' ಎಂಜಿನ್ ಪಾತ್ರವಾಗಿದೆ.

ಎಂಜಿನ್ ತಂತ್ರಜ್ಞಾನ ಅಂತರಾಷ್ಟ್ರೀಯ ಮ್ಯಾಗಜಿನ್ (Engine Technology International magazine) ಬಿಡುಗಡೆ ಮಾಡಿರುವ 2012 ಸಾಲಿನ ವರ್ಷದ ಅಂತರಾಷ್ಟ್ರೀಯ ಎಂಜಿನ್ ಜತೆಗೆ ಫೋರ್ಡ್‌ನ 1.0 ಲೀಟರ್ ಇಕೊಬೂಸ್ಟ್ ಎಂಜಿನ್ 'ಅತ್ಯುತ್ತಮ ಹೊಸ ಎಂಜಿನ್' ಹಾಗೂ '1.0 ಅಡಿಯಲ್ಲಿ ಅತ್ಯುತ್ತಮ ಎಂಜಿನ್' ಪ್ರಶಸ್ತಿಗಳಿಗೂ ಪಾತ್ರವಾಗಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಭಾರತಕ್ಕೆ ಪ್ರವೇಶ ಪಡೆಯಲಿರುವ ಫೋರ್ಡ್ ಇಕೊಸ್ಪೋರ್ಟ್ ಎಸ್‌ಯುವಿ ಕಾರಿನಲ್ಲಿ ಒಟ್ಟು ಮೂರು ಎಂಜಿನ್ ಆಯ್ಕೆಗಳಿರಲಿದೆ. ಅವುಗಳೆಂದರೆ,

1 ಲೀಟರ್ ಪೆಟ್ರೋಲ್ ಇಕೊಬೂಸ್ಟ್,
1.5 ಲೀಟರ್ ಪೆಟ್ರೋಲ್ ಹಾಗೂ
1.5 ಲೀಟರ್ ಡೀಸೆಲ್ ಎಂಜಿನ್

ಈ ಪೈಕಿ ಟಾಪ್ ವೆರಿಯಂಟ್‌ನಲ್ಲಿ 1 ಲೀಟರ್ ಪೆಟ್ರೋಲ್ ಇಕೊಬೂಸ್ಟ್ ಎಂಜಿನ್ ಆಳವಡಿಕೆಯಾಗಲಿದೆ. ಇದು ಗರಿಷ್ಠ ನಿರ್ವಹಣೆ ಹಾಗೂ ಇಂಧನ ಕ್ಷಮತೆ ನೀಡಲು ಸಾಧ್ಯವಾಗಲಿದೆ. ವರದಿಗಳ ಪ್ರಕಾರ ಇದು ಪ್ರತಿ ಲೀಟರ್‌ಗೆ 18.7 ಲೀಟರ್ ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ.

ಇದೇ ಕಾರಣಕ್ಕಾಗಿ ಫೋರ್ಡ್ ಇಕೊಸ್ಪೋರ್ಟ್ ದೇಶದಲ್ಲಿ ಭಾರಿ ಕ್ರೇಜ್ ಸೃಷ್ಟಿ ಮಾಡಲು ಕಾರಣವಾಗಿದೆ. ಒಟ್ಟಿನಲ್ಲಿ ಅಂತರಾಷ್ಟ್ರೀಯ ಎಂಜಿನ್ ಆಫ್ ದಿ ಇಯರ್ ಪ್ರಶಸ್ತಿ ಕೂಡಾ ಫೋರ್ಡ್ ಇಕೊಬೂಸ್ಟ್ ಎಂಜಿನ್ ಹರಸಿಕೊಂಡು ಬಂದಿರುವುದು ಇನ್ನಷ್ಟು ಪ್ರಚಾರ ಲಭಿಸಲು ಕಾರಣವಾಗಿದೆ.