ನಂ.1 ಮಾರುತಿ ಹಿಮ್ಮೆಟ್ಟಿಸಲಿದೆಯೇ ಹ್ಯುಂಡೈ?

ದೇಶದ ಅತಿ ದೊಡ್ಡ ಕಾರು ಸಂಸ್ಥೆ ಎನಿಸಿಕೊಂಡಿರುವ ಮಾರುತಿ ಸುಜುಕಿ ಓವರ್‌ಟೇಕ್ ಮಾಡಿ ದೇಶದ ನಂ.1 ಕಾರು ಸಂಸ್ಥೆ ಎನಿಸಿಕೊಳ್ಳುವ ಮಹತ್ತರ ಯೋಜನೆಯನ್ನು ದಕ್ಷಿಣ ಕೊರಿಯಾ ಮೂಲದ ಹ್ಯುಂಡೈ ಹೊಂದಿದೆ.

ಹಲವು ನೂತನ ಕಾರುಗಳನ್ನು ಲಾಂಚ್ ಮಾಡುವ ಮುಖಾಂತರ ದಶಕದ ಅಂತ್ಯದ ವೇಳೆ ನಂ.1 ಸ್ಥಾನ ವಶಪಡಿಸಿಕೊಳ್ಳುವುದು ಕಂಪನಿಯ ಇರಾದೆಯಾಗಿದೆ. ನಂಬರ್ ಸಂಖ್ಯೆಯಲ್ಲಿ ಹ್ಯುಂಡೈಗೆ ಈ ಸ್ಥಾನ ಪ್ರಾಪ್ತಿಯಾಗುವುದು ಕಷ್ಟವೆನಿಸುತ್ತಿದೆ. ಹಾಗಿದ್ದರೂ ಜನರ ನೆಚ್ಚಿನ ಕಾರು ಎನಿಸಿಕೊಳ್ಳುವುದು ಕಂಪನಿ ಗುರಿಯಾಗಿದೆ ಎಂದು ಹ್ಯುಂಡೈ ಮೋಟಾರ್ ಇಂಡಿಯಾ ಮುಖ್ಯಸ್ಥರು ತಿಳಿಸಿದ್ದಾರೆ.

ಅದೇ ರೀತಿ ಇಯಾನ್ 1 ಲೀಟರ್ ಕಾರು ಆಲ್ಟೊ ಕೆ10 ಆೃವೃತ್ತಿಯನ್ನು ಹಿಮ್ಮೆಟ್ಟಿಸುವ ನಿರೀಕ್ಷೆಯಲ್ಲಿದೆ. ಹಾಗೆಯೇ ಮುಂದಿನ ವರ್ಷ ಮುಂದಿನ ಜನಾಂಗದ ಐ20 ಕಾರನ್ನು ಬಿಡುಗಡೆ ಮಾಡಲಿದೆ. ದೇಶದ ಕಾರು ಮಾರುಕಟ್ಟೆಯನ್ನು ಪರಿಗಣಿಸಿದಾಗ ಅರ್ಧದಷ್ಟು ಅಂದರೆ ಶೇಕಡಾ 48ರಷ್ಟು ಮಾರುತಿ ಸುಜುಕಿ ಅಧೀನತೆಯಲ್ಲಿದೆ. ನಂತರದ ಸ್ಥಾನದಲ್ಲಿರುವ ಹ್ಯುಂಡೈ ಶೇಕಡಾ 22ರಷ್ಟು ಶೇರನ್ನು ಮಾತ್ರ ಆಕ್ರಮಿಸಿಕೊಂಡಿದೆ.

ಮುಂಬರುವ ವರ್ಷಗಳಲ್ಲಿ ಒಂದೆರಡು ನೂತನ ಮಾಡೆಲ್ ಲಾಂಚ್ ಮಾಡುವುದು ಕಂಪನಿ ಗುರಿಯಾಗಿದೆ. ಈ ಮೂಲಕ ಬಜೆಟ್ ಕಾರು ಸೆಗ್ಮೆಂಟ್‌ನಲ್ಲಿ ಉತ್ತಮ ಮಾರುಕಟ್ಟೆ ಕಾಯ್ದುಕೊಳ್ಳುವ ಗುರಿ ಹೊಂದಿದೆ.