ಕೆಎಸ್‌ಆರ್‌ಟಿಸಿಗೆ 50 ನೂತನ ಬಸ್; ಸಂಚಾರ ಎಲ್ಲಿಂದ ಎಲ್ಲಿಗೆ?

ಕೆಎಸ್‌ಆರ್‌ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಮಂಜುನಾಥ ಪ್ರವಾದ್ ಪ್ರಕಾರ, ನೂತನ 50 ಬಸ್ಸುಗಳಲ್ಲಿ ನಾಲ್ಕು ವೋಲ್ವೋ ಮಲ್ಟಿ ಎಕ್ಸೆಲ್, ಆರು ರಾಜಹಂಸ ಹಾಗೂ 40 ಸಾಮಾನ್ಯ ಬಸ್ಸುಗಳು ಸೇರಿರಲಿದೆ. ಈ ಎಲ್ಲ ಬಸ್ಸುಗಳು ಹೊಸ ರೂಟ್‌ನಲ್ಲಿ ಸಂಚಾರ ಆರಂಭಿಸಲಿದೆ.

ಪ್ರಸಕ್ತ ಸಾಲಿನಲ್ಲಿ ಒಟ್ಟು 1528 ಬಸ್ಸುಗಳನ್ನು ಸೇರ್ಪಡೆ ಮಾಡಲಾಗುತ್ತಿದ್ದು, ಇದರಲ್ಲಿ 236 ಗ್ರಾಮಾಂತರ, 1,079 ಕರ್ನಾಟಕ ಸಾರಿಗೆ, 87 ನಗರ ಸಾರಿಗೆ, 6 ಕರ್ನಾಟಕ ವೈಭವ, 58 ರಾಜಹಂಸ ಹಾಗೂ 62 ವೋಲ್ವೋ ಮಲ್ಟಿ ಎಕ್ಸೆಲ್ ಬಸ್ಸುಗಳು ಇರಲಿದೆ.

ಪ್ರಯಾಣಿಕರ ಸುರಕ್ಷಿತ ಪಯಣಕ್ಕೂ ಪಯಣಕ್ಕೂ ಹೆಚ್ಚಿನ ಆದ್ಯತೆ ಕೊಡಲಾಗುತ್ತಿದ್ದು, ಈ ನಿಟ್ಟಿನಲ್ಲಿ 500 ಕೆಎಸ್‌ಆರ್‌ಟಿಸಿ ಬಸ್ಸುಗಳಿಗೆ ಪ್ರಾಯೋಗಿಕವಾಗಿ ಸಿಸಿಟಿವಿ ಆಳವಡಿಸಲಾಗುತ್ತಿದೆ. ರಾತ್ರಿ ವೇಳೆ ಸಂಚರಿಸುವ ಬಸ್‌ಗಳಿಗೆ ಈ ಕ್ಯಾಮೆರಾಗಳನ್ನು ಅಳವಡಿಸಲು ಚಿಂತನೆಯಿದೆ.

ಬೆಂಗಳೂರು ಕೇಂದ್ರ ವಿಭಾಗದಿಂದ 4 ವೋಲ್ವೋ ಮಲ್ಟಿ ಎಕ್ಸೆಲ್‌ ಬಸ್‌ಗಳು ಹಾಗೂ 6 ರಾಜಹಂಸ ಬಸ್‌ಗಳು ಬೆಂಗಳೂರಿನಿಂದ ರಾಯಚೂರು, ಮಂತ್ರಾಲಯ, ಹೈದರಾಬಾದ್‌, ಊಟಿ, ತಿರುಚಿ ಮಾರ್ಗಗಳಲ್ಲಿ ಹಾಗೂ ರಾಮನಗರ ವಿಭಾಗದಿಂದ 3 ಕೆಎಸ್‌ಆರ್‌ಟಿಸಿ ಬಸ್‌ಗಳು ಬೆಂಗಳೂರು-ಕುಕ್ಕೆ ಸುಬ್ರಹ್ಮಣ್ಯ-ಕನಕಪುರ, ಕೊಳ್ಳೆಗಾಲ ಮಾರ್ಗದಲ್ಲಿ ಸಂಚರಿಸಲಿವೆ.

ತುಮಕೂರು ವಿಭಾಗದಿಂದ 11 ಬಸ್‌ಗಳು ತುಮಕೂರು-ಬೆಂಗಳೂರು-ಬಳ್ಳಾರಿ, ಶಿರಾ-ಬೆಂಗಳೂರು-ಹುಬ್ಬಳ್ಳಿ, ದಾವಣಗೆರೆ-ಬೆಂಗಳೂರು-ಹುಬ್ಬಳ್ಳಿ, ದಾವಣಗೆರೆ-ಬೆಂಗಳೂರು-ಶಿವಮೊಗ್ಗ-ಅರಸಿಕೆರೆ ಮಾರ್ಗಗಳಲ್ಲಿ ಹಾಗೂ ಕೋಲಾರ ವಿಭಾಗದಿಂದ 4 ಕೆಎಸ್‌ಆರ್‌ಟಿಸಿ ಬಸ್‌ಗಳು ಬೆಂಗಳೂರು-ಹುಬ್ಬಳ್ಳಿ-ದಾವಣಗೆರೆ, ಮಾಲೂರು-ಬೆಂಗಳೂರು-ಹುಬ್ಬಳ್ಳಿ ಮಾರ್ಗಗಳಲ್ಲಿ ಕಾರ್ಯಾಚರಣೆ ನಡೆಸಲಿವೆ. ಚಿಕ್ಕಬಳ್ಳಾಪುರ ವಿಭಾಗದಿಂದ 4 ಗ್ರಾಮೀಣ ಸಾರಿಗೆ ಬಸ್‌ಗಳು ದೊಡ್ಡಬಳ್ಳಾಪುರ-ಕಾವೇರಿಭವನ-ಯಲಹಂಕ ಮಾರ್ಗಗಳಲ್ಲಿ ಸಂಚರಿಸಲಿವೆ.

ಮಂಡ್ಯ ವಿಭಾಗದಿಂದ ಕರ್ನಾಟಕ ಸಾರಿಗೆಯ 8 ಬಸ್‌ಗಳು ಕೆಆರ್‌ ಪೇಟೆ-ಬೆಂಗಳೂರು-ನಾಗಮಂಗಲ, ಪಾಂಡವಪುರ-ಧರ್ಮಸ್ಥಳ-ಮೈಸೂರು-ಹಾಸನ, ಶಿವಮೊಗ್ಗ-ಕೊಪ್ಪಳ-ತಿಪಟೂರು-ಅರಸಿಕೆರೆ, ಮಳವಳ್ಳಿ-ಮೈಸೂರು-ಶಿವಮೊಗ್ಗ-ಅರಸೀಕೆರೆ ಮಾರ್ಗಗಳಲ್ಲಿ, ಚಾಮರಾಜನಗರ ವಿಭಾಗದಿಂದ ಕರ್ನಾಟಕ ಸಾರಿಗೆಯ 8 ಬಸ್‌ಗಳು ಚಾಮರಾಜನಗರ-ಸೋಮವಾರಪೇಟೆ-ಮೈಸೂರು, ಬೆಂಗಳೂರು-ಕೊಳ್ಳೆಗಾಲ-ಚಾಮರಾಜನಗರ, ಕೊಳ್ಳೆಗಾಲ-ಬೆಂಗಳೂರು-ನಂಜನಗೂಡು, ಮಂಗಳೂರು-ಮೈಸೂರು-ಮಡಿಕೇರಿ, ಮಲೈಮಹದೇಶ್ವರ ಬೆಟ್ಟ-ದಾಬಸ್‌ಪೇಟೆ-ಕೊರಟಗೆರೆ ಮಾರ್ಗಗಳಲ್ಲಿ ಸೇವೆ ಒದಗಿಸಲಿವೆ.

ಹಾಗೆಯೇ ಚಿಕ್ಕಮಗಳೂರು ವಿಭಾಗದಿಂದ ಕೆಎಸ್‌ಆರ್‌ಟಿಸಿ ಎರಡು ಬಸ್‌ಗಳು ಚಿಕ್ಕಮಗಳೂರು-ಬೆಂಗಳೂರು-ಹಾಸನ ಮಾರ್ಗಗಳಲ್ಲಿ ಸಂಚರಿಸಲಿವೆ ಎಂದು ನಿಗಮದ ಪ್ರಕಟಣೆ ತಿಳಿಸಿದೆ.