ಡಸ್ಟರ್ ಬಲ; ರೆನೊ ಸೇಲ್ಸ್ 8 ಪಟ್ಟು ವರ್ಧನೆ

ಇದೇ ಮೊದಲ ಬಾರಿಗೆ ತಿಂಗಳವೊಂದರಲ್ಲಿ ಅತಿ ಹೆಚ್ಚು ಮಾರಾಟ ದಾಖಲಿಸಿಕೊಂಡಿರುವ ರೆನೊ ಡಸ್ಟರ್, 2013 ಮಾರ್ಚ್ ಮಾರಾಟದಲ್ಲಿ ಎಂಟು ಪಟ್ಟು ವರ್ಧನೆ ದಾಖಲಿಸಿಕೊಂಡಿದೆ.

ಮಾರ್ಚ್ ತಿಂಗಳಲ್ಲಿ ರೆನೊ ಇಂಡಿಯಾ (Renault India) ದೇಶದಲ್ಲಿ ಒಟ್ಟು 8,232 ಕಾರುಗಳನ್ನು ಮಾರಾಟ ಮಾಡಿವೆ. ಇದು ಕಳೆದ ವರ್ಷಕ್ಕೆ ಹೋಲಿಸಿದರೆ (2011ರಲ್ಲಿ 1,005) ಎಂಟು ಪಟ್ಟು ಯುನಿಟ್‌ಗಳ ವರ್ಧನೆ ಕಂಡುಬಂದಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ರೆನೊ ಡಸ್ಟರ್ ಎಸ್‌ಯುವಿ ಭರ್ಜರಿ ಸೇಲ್ಸ್ ದಾಖಲಿಸಿರುವುದೇ ರೆನೊ ಇಂಡಿಯಾದ ದಾಖಲೆ ಸೇಲ್ಸ್‌ಗೆ ಕಾರಣವಾಗಿದೆ. ಕೆಳಗಡೆಯ ಪಟ್ಟಿಯಲ್ಲಿ ರೆನೊ ಇಂಡಿಯಾದ ಮಾರ್ಚ್ ಸೇಲ್ಸ್ ವರದಿಯನ್ನು ಕೊಡಲಾಗಿದೆ.

- ರೆನೊ ಡಸ್ಟರ್- 6,313
- ರೆನೊ ಸ್ಕಾಲಾ- 1,026
- ರೆನೊ ಪಲ್ಸ್- 541
- ರೆನೊ ಫ್ಲೂಯೆನ್ಸ್- 337
- ರೆನೊ ಕೊಲಿಯೊಸ್ (Koleos)- 15

ಒಟ್ಟು ರೆನೊ ಮಾರಾಟ- 8,232

ಈ ಮೂಲಕ ಒಟ್ಟಾರೆಯಾಗಿ ದೇಶದಲ್ಲಿ 30,000 ಡಸ್ಟರ್ ಎಸ್‌ಯುವಿ ಯುನಿಟ್‌ಗಳನ್ನು ಮಾರಾಟ ಮಾಡಲು ರೆನೊ ಇಂಡಿಯಾ ಯಶಸ್ವಿಯಾಗಿದೆ. ರೆನೊ ಡಸ್ಟರ್ ಮೊದಲ ಬಾರಿಗೆ 2012 ಜುಲೈ 4ರಂದು ಪರಿಚಯಿಸಿತ್ತು. ಹಾಗೆಯೇ ರೆನೊ ಇಂಡಿಯಾದ ಒಟ್ಟು ಮಾರಾಟದ ಶೇಕಡಾ 75ರಷ್ಟು ಭಾಗವನ್ನು ಡಸ್ಟರ್ ವಶಪಡಿಸಿಕೊಂಡಿದೆ.