ದೆಹಲಿಯಲ್ಲಿ ರೆನೊ ವಿನೂತನ ಕಾನ್ಸೆಪ್ಟ್ ಕಾರು ಅನಾವರಣ

By Nagaraja

Published: Wednesday, February 5, 2014, 18:35 [IST]

ರಾಷ್ಟ್ರ ರಾಜಧಾನಿ ನವದೆಹಲಿ ಮಗದೊಂದು ಅತ್ಯಾಕರ್ಷಕ ಕಾರು ಅನಾವರಣಕ್ಕೆ ಸಾಕ್ಷಿಯಾಗಿದೆ. ಇಲ್ಲಿನ ಗ್ರೇಟರ್ ನೋಯ್ಡಾದಲ್ಲಿ ಸಾಗುತ್ತಿರುವ 12ನೇ ಇಂಡಿಯಾ ಆಟೋ ಎಕ್ಸ್ ಪೋ 2014ರಲ್ಲಿ ರೆನೊ ಸಂಸ್ಥೆಯು ನೂತನ ಕ್ವಿಡ್ (KWID) ಕಾನ್ಸೆಪ್ಟ್ ಕಾರನ್ನು ಆನಾವರಣಗೊಳಿಸಿದೆ.

2014 ಆಟೋ ಎಕ್ಸ್ ಪೋ ಲೈವ್

ಈ ಸಂದರ್ಭದಲ್ಲಿ ಪ್ರತಿಕ್ರಿಯಿಸಿರುವ ರೆನೊ ಸಂಸ್ಥೆಯು, ನೂತನ ಕ್ವಿಡ್ ಕಾನ್ಸೆಪ್ಟ್ ಕಾರು ಸಂಸ್ಥೆಯ ಭಾರತದಲ್ಲಿನ ಬದ್ಧತೆಯನ್ನು ಪ್ರದರ್ಶಿಸುತ್ತಿದೆ ಎಂದಿದೆ. ಪ್ರಮುಖವಾಗಿಯೂ ಭಾರತದಂತಹ ಯುವ ಗ್ರಾಹಕರನ್ನು ದೃಷ್ಟಿಯಲ್ಲಿಟ್ಟುಕೊಂಡು ಕ್ವಿಡ್ ಕಾನ್ಸೆಪ್ಟ್ ಕಾರನ್ನು ರಚಿಸಲಾಗಿದೆ. ಇದರ ವಿನ್ಯಾಸ ಮೋಜಿಗೆ ಕಾರಣವಾದರೂ ಗರಿಷ್ಠ ತಂತ್ರಗಾರಿಕೆಗಳನ್ನು ಬಳಸಲಾಗಿದೆ.

ದೆಹಲಿಯಲ್ಲಿ ರೆನೊ ವಿನೂತನ ಕಾನ್ಸೆಪ್ಟ್ ಕಾರು ಅನಾವರಣ

ರೆನೊದ ಲೈಫ್ ಸೈಕಲ್ ತಲಹದಿಯ ಡಿಸೈನ್ ಭಾಗವಾಗಿ ವಿನ್ಯಾಸ ರಚಿಸಲಾಗಿದೆ. ಇದರ ಇಂಟಿರಿಯರ್ ಸಹ ಕುತೂಹಲಕ್ಕೆ ಎಡೆ ಮಾಡಿಕೊಟ್ಟಿದ್ದು, ಹಕ್ಕಿ ಗೂಡಿನಂತಹ ರಚನೆ ಒಳಗೊಂಡಿದೆ.

ರೆನೊ ಸಂಸ್ಥೆಯ ಜಾಗತಿಕ ಯೋಜನೆಯ ಅಂಗವಾಗಿ ನೂತನ ಕ್ವಿಡ್ ಅನಾವರಣಗೊಂಡಿದೆ. ಈ ಮೂಲಕ ಮುಂದಿನ ಮೂರು ವರ್ಷಗಳಲ್ಲಿ ಪ್ರಗತಿ ಸಾಧಿಸುವ ಯೋಜನೆ ಹೊಂದಿದೆ.

ಒಟ್ಟು ಐದು ಮಂದಿಗೆ (3+2) ಕುಳಿತುಕೊಳ್ಳಬಹುದಾದ ಸಿಟ್ಟಿಂಗ್ ವ್ಯವಸ್ಥೆ ಹೊಂದಿರುವ ರೆನೊ ಕ್ವಿಡ್‌ನಲ್ಲಿ ಚಾಲಕನಿಗೆ ನಡುಭಾಗದಲ್ಲಿ ಸಿಟ್ಟಿಂಗ್ ವ್ಯವಸ್ಥೆಯಿರುವುದು ವಿಶೇಷವಾಗಿದೆ.