ಭಾರತಕ್ಕೆ ಬರುತ್ತಂತೆ 2014 ಮಿನಿ ಕೂಪರ್

ಈ ಹಿಂದಿನ ಆವೃತ್ತಿಗಿಂತಲೂ 2014 ಮಿನಿ ಕೂಪರ್ ಗಾತ್ರದಲ್ಲಿ ಸ್ವಲ್ಪ ದೊಡ್ಡದಿರಲಿದೆ. ನೂತನ ಮಿನಿ 98 ಎಂಎಂ ಉದ್ದ, 28 ಎಂಎಂ ವೀಲ್ ಬೇಸ್, 44 ಎಂಎಂ ಅಗಲ ಮತ್ತು 7ಎಂಎಂ ಎತ್ತರ ಹೊಂದಿರಲಿದೆ. ಹಾಗೆಯೇ 211 ಲೀಟರ್ ಬೂಟ್ ಸ್ಪೇಸ್ ಹೊಂದರಲಿದೆ.

ಇನ್ನು ವಿನ್ಯಾಸದ ಬಗ್ಗೆ ಮಾತನಾಡುವುದಾದ್ದಲ್ಲಿ ಆಧುನಿಕತೆಯ ಭಾಗವಾಗಿ ಕೆಲವೊಂದು ಮಾರ್ಪಾಡುಗಳನ್ನು ತರಲಾಗಿದೆ. ಹಾಗಿದ್ದರೂ ಸಾಂಪ್ರಾದಾಯಕ ಮಿನಿ ವಿನ್ಯಾಸಕ್ಕೆ ಯಾವುದೇ ಧಕ್ಕೆಯನ್ನುಂಟು ಮಾಡಿಲ್ಲ.

ಪರಿಷ್ಕೃತ ಗ್ರಿಲ್, ಹೆಡ್‌ಲೈಟ್, ಎಲ್‌ಇಡಿ ಡೇ ಟೈಮ್ ಲೈಟ್‌ಗಳು ಕ್ಲಾಸಿಕ್ ಮಿನಿ ವಿನ್ಯಾಸದ ಅಂದತೆಗೆ ಕಾರಣವಾಗಿದೆ.

ಇನ್ನು ಕಾರಿನ ಆಂತರಿಕ ಭಾಗಗಳಲ್ಲೂ ಹೆಚ್ಚಿನ ಬದಲಾವಣೆ ತರಲಾಗಿದೆ. ಉದಾಹರಣೆ ಪವರ್ ವಿಂಡೋ ನಿಯಂತ್ರಣವನ್ನು ಕಾರಿನ ಕೇಂದ್ರ ಭಾಗದಿಂದ ಡೋರ್ ಪ್ಯಾನೆಲ್‌ಗೆ ವರ್ಗಾಯಿಸಲಾಗಿದೆ.

ಇದು ಮಿಡ್, ಸ್ಪೋರ್ಟ್ ಮತ್ತು ಗ್ರೀನ್ ಡ್ರೈವಿಂಗ್ ಮೋಡ್‌ಗಳನ್ನು ಹೊಂದಿರಲಿದೆ.

ಬಿಎಂಡಬ್ಲ್ಯು ಹೊಸತಾದ ಫ್ರಂಟ್ ಮತ್ತು ಆಲ್ ವೀಲ್ ಡ್ರೈವ್ ಫ್ಯಾಟ್‌ಫಾರ್ಮ್‌ನಲ್ಲಿ 2014 ಮಿನಿ ಮಾದರಿಗಳು ತಯಾರಾಗಲಿದೆ.

ಇದು ಒಟ್ಟಾರೆ ಮೂರು ಎಂಜಿನ್ ಆಯ್ಕೆಗಳಲ್ಲಿ ಆಗಮನವಾಗಲಿದೆ. 1.5 ಲೀಟರ್ 3 ಸಿಲಿಂಡರ್ ಪೆಟ್ರೋಲ್, 1.5 ಲೀಟರ್ 3 ಸಿಲಿಂಡರ್ ಡೀಸೆಲ್ ಮತ್ತು 2.0 ಲೀಟರ್ 4 ಸಿಲಿಂಡರ್ ಪೆಟ್ರೋಲ್‌ನಲ್ಲಿ ಆಗಮನವಾಗಲಿದೆ.

ಮೇಲೆ ಸೂಚಿಸಲಾದ ಎಲ್ಲ ಎಂಜಿನ್‌ಗಳುಮಿನಿಯ ಟ್ವಿನ್ ಪವರ್ ಟರ್ಬೊ ಟೆಕ್ನಾಲಜಿ ಮತ್ತು ಡೈರಕ್ಟ್ ಇಂಜೆಕ್ಷನ್ ತಂತ್ರಗಾರಿಕೆ ಪಡೆದಿರಲಿದೆ.

ನೂತನ ಮಿನಿ ಕೂಪರ್ 1.5 ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 134 ಅಶ್ವಶಕ್ತಿ (219 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ.

ಇದು ಕೇವಲ 7.9 ಸೆಕೆಂಡುಗಳಲ್ಲಿ ತಾಸಿಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿದೆ.

ಮಿನಿ ಕೂಪರ್ ಡಿ

ಎಂಜಿನ್: 1.5 ಲೀಟರ್ ಡೀಸೆಲ್

ವೇಗವರ್ಧನೆ: 9.2 ಸೆಕೆಂಡುಗಳಲ್ಲಿ ಗಂಟೆಗೆ 100 ಕೀ.ಮೀ.

ಮಿನಿ ಕೂಪರ್ ಎಸ್

ಎಂಜಿನ್: 2.0 ಲೀಟರ್ ಪೆಟ್ರೋಲ್

ವೇಗವರ್ಧನೆ: 6.8 ಸೆಕೆಂಡುಗಳಲ್ಲಿ ಗಂಟೆಗೆ 100 ಕೀ.ಮೀ.

ಇನ್ನು ಮಿನಿ ನೂತನ ಕಾರು ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಾಣಲಿದೆ.