ಆಡಿಯಿಂದ ದರ ಏರಿಕೆ ಘೋಷಣೆ

ಐಷಾರಾಮಿ ವಾಹನ ತಯಾರಕ ಸಂಸ್ಥೆಯಾಗಿರುವ ಆಡಿ ಇಂಡಿಯಾ, ತನ್ನೆಲ್ಲ ಮಾದರಿಗಳಿಗೆ ಶೇಕಡಾ 3ರಷ್ಟು ದರ ಏರಿಕೆಗೊಳಿಸುತ್ತಿರುವುದಾಗಿ ಘೋಷಿಸಿದೆ. ನೂತನ ದರ ನೀತಿಯು 2014 ಮೇ 1ರಂದು ಜಾರಿಗೆ ಬರಲಿದೆ.

ಅಮೆರಿಕ ಡಾಲರ್ ಎದುರು ರುಪಾಯಿ ಏರಿಳಿತದಿಂದಾಗಿ ಉಂಟಾಗುತ್ತಿರುವ ನಕಾರತ್ಮಕ ಪರಿಣಾಮದಿಂದಾಗಿ ದರ ಏರಿಕೆಗೊಳಿಸುವುದು ಅನಿವಾರ್ಯವಾಗಿದೆ ಎಂದು ಆಡಿ ತಿಳಿಸಿದೆ.

2013ನೇ ಸಾಲಿನಲ್ಲಿ ವರ್ಷವೊಂದರಲ್ಲಿ 10,000 ಯುನಿಟ್ ಮಾರಾಟ ಗಿಟ್ಟಿಸಿಕೊಂಡಿರುವ ಮೊದಲ ಐಷಾರಾಮಿ ಸಂಸ್ಥೆಯೆಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದ ಆಡಿ ತ್ರೈಮಾಸಿಕ ಜತೆಗೆ ಮಾಸಿಕ ಮಾರಾಟದಲ್ಲೂ ಅತ್ಯಧಿಕ ಮಾರಾಟವನ್ನು ಕಾಯ್ದುಕೊಂಡಿತ್ತು.