ಆಗಸ್ಟ್ ತಿಂಗಳಲ್ಲಿ ಹೋಂಡಾ ಕಾರುಗಳ ಬೇಟೆ

ಜಪಾನ್‌ನ ದೈತ್ಯ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ ಕಾರ್ಸ್ ಇಂಡಿಯಾ ಲಿಮಿಟೆಡ್ ಸಂಸ್ಥೆಯು ಆಗಸ್ಟ್ ತಿಂಗಳ ಮಾರಾಟದಲ್ಲಿ ಭರ್ಜರಿ ನೆಗೆತ ಕಂಡಿದೆ. ಅಲ್ಲದೆ ದೇಶಿಯ ಮಾರಾಟದಲ್ಲಿ ಶೇಕಡಾ 88ರಷ್ಟು ವೃದ್ಧಿ ದಾಖಲಿಸಿದೆ.

2014 ಆಗಸ್ಟ್ ತಿಂಗಳಲ್ಲಿ 16,758 ಯುನಿಟ್ ಮಾರಾಟ ಸಾಧಿಸಿರುವ ಹೋಂಡಾ, ಪ್ರೀಮಿಯಂ ಕಾರುಗಳ ವಿಭಾಗದಲ್ಲಿ ತನ್ನ ಅಧಿಪತ್ಯ ಸ್ಥಾಪಿಸಿದೆ. ಕಳೆದ ವರ್ಷ ಅಂದರೆ 2013 ಆಗಸ್ಟ್ ವೇಳೆಗೆ ಈ ಸಂಖ್ಯೆ 8,913 ಯುನಿಟ್‌ಗಳಿಷ್ಟಿತ್ತು.

ಈ ಸಂದರ್ಭದಲ್ಲಿ ಪ್ರತಿಕ್ರಿಯಿಸಿರುವ ಹೋಂಡಾ ಕಾರ್ಸ್ ಇಂಡಿಯಾ ಲಿಮಿಟೆಡ್ ಮಾರ್ಕೆಟಿಂಗ್ ಮತ್ತು ಸೇಲ್ಸ್ ಹಿರಿಯಾ ಉಪಧ್ಯಾಕ್ಷರಾಗಿರುವ ಜ್ಞಾನೇಶ್ವರ್ ಸೆನ್ ಮುಂಬರುವ ಹಬ್ಬದ ಆವೃತ್ತಿಯಲ್ಲೂ ಸ್ಥಿರ ಮಾರಾಟ ಕಾಯ್ದುಕೊಳ್ಳುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಇನ್ನು 2014 ಎಪ್ರಿಲ್‌ನಿಂದ ಆಗಸ್ಟ್ ತಿಂಗಳ ವರೆಗಿನ ಅವಧಿಯಲ್ಲಿ ಹೋಂಡಾ 73,185 ಯುನಿಟ್ ಮಾರಾಟ ಕಂಡುಕೊಂಡಿದೆ. ಕಳೆದ ವರ್ಷವಿದು 49,263 ಯುನಿಟ್ ಮಾತ್ರವಾಗಿತ್ತು. ಈ ಮೂಲಕ ಶೇಕಡಾ 49ರಷ್ಟು ವರ್ಧನೆ ದಾಖಲಿಸಿದೆ.