ಸಬ್ಸಿಡಿ ಪ್ರಾಬ್ಲಂ; ಭಾರತಕ್ಕಿಲ್ಲ ವೆರಿಟೊ ಎಲೆಕ್ಟ್ರಿಕ್ ಕಾರು ?

2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿದ್ದ ಮಹೀಂದ್ರ ವೆರಿಟೊ ಎಲೆಕ್ಟ್ರಿಕ್ ಸೆಡಾನ್ ಕಾರು ಭಾರತ ಪ್ರವೇಶ ಇನ್ನಷ್ಟು ವಿಳಂಬವಾಗುವ ಸಾಧ್ಯತೆಗಳಿವೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮಹೀಂದ್ರ ಸಂಸ್ಥೆಯು ಸರಕಾರದ ಸಬ್ಸಿಡಿ ಸವಲತ್ತಿನ ಹೊರತಾಗಿ ಮಾರಾಟ ಮಾಡುವುದು ತುಂಬಾನೇ ದುಬಾರಿಯಾಗಿರಲಿದೆ ಎಂದಿದೆ.

ಅಂದ ಹಾಗೆ ಮುಂದಿನ ಆರು ತಿಂಗಳಲ್ಲಿ ನಿರ್ಮಾಣ ಹಂತ ತಲುಪಲಿರುವ ಮಹೀಂದ್ರ ವೆರಿಟೊ ಎಲೆಕ್ಟ್ರಿಕ್ ಕಾರು ಮುಂದಿನ ವರ್ಷದಲ್ಲಿ ಭೂತಾನ್ ರಸ್ತೆಯನ್ನು ಪ್ರವೇಶಿಸಲಿದೆ ಎಂಬುದನ್ನು ತಿಳಿಸಿದೆ.

ವಿದೇಶದಲ್ಲಿ ಮಹೀಂದ್ರ ವಿದ್ಯುತ್ ಚಾಲಿತ ವಾಹನಗಳು ಉತ್ತಮ ಬೇಡಿಕೆ ಕಂಡುಕೊಳ್ಳುವ ನಿರೀಕ್ಷೆಯಲ್ಲಿದೆ. ಈ ನಿಟ್ಟಿನಲ್ಲಿ ಭೂತಾನ್ ಸರಕಾರವು ಟ್ಯಾಕ್ಸಿ ವಿಭಾಗವನ್ನು ಸಂಪೂರ್ಣ ವಿದ್ಯುನ್ಮಾನಗೊಳಿಸುವ ಪ್ರಯತ್ನದಲ್ಲಿದೆ. ಚೇತನ್ ಪ್ರಕಾರ ಭೂತಾನ್‌ನಲ್ಲಿ ಮಹೀಂದ್ರ ಎಲೆಕ್ಟ್ರಿಕ್ ಸೆಡಾನ್ ಕಾರು, ಟ್ಯಾಕ್ಸಿಯ ಪಾತ್ರ ವಹಿಸಲಿದೆ.

ಈಗಾಗಲೇ ನೇಪಾಳ ರಾಷ್ಟ್ರದಲ್ಲಿ ಇ2ಒ ಮಾರಾಟ ಆರಂಭಿಸಿರುವ ಮಹೀಂದ್ರ, ನಿಕಟ ಭವಿಷ್ಯದಲ್ಲೇ ಶ್ರೀಲಂಕಾ ಸೇರಿದಂತೆ ಇತರ ನೆರೆಯ ರಾಷ್ಟ್ರಗಳಲ್ಲೂ ತನ್ನ ವ್ಯಾಪಾರ ಕುದುರಿಸಿಕೊಳ್ಳುವ ನಿರೀಕ್ಷೆಯಲ್ಲಿದೆ.