100ರ ಸಂಭ್ರಮ; ಜಿನೆವಾದಲ್ಲಿ ಮಸೆರಟಿ ಕೊಡುಗೆ

ಪ್ರತಿಷ್ಠಿತ ಜಿನೆವಾ ಮೋಟಾರು ಶೋ ಆರಂಭಕ್ಕೆ ಇನ್ನೇನು ಕೆಲವು ದಿನಗಳ ಮಾತ್ರ ಉಳಿದಿರುವಂತೆಯೇ ಮಸೆರಟಿ ಸಂಸ್ಥೆಯು ತನ್ನ ನೂತನ ಆವೃತ್ತಿಗಳನ್ನು ಪರಿಚಯಿಸಲು ಸನ್ನದ್ಧವಾಗುತ್ತಿದೆ.

ವರದಿಗಳ ಪ್ರಕಾರ ಮಸೆರಟಿ ಸೀಮಿತ ಆವೃತ್ತಿ ಹಾಗೂ ನೂತನ ಕಾನ್ಸೆಪ್ಟ್ ಕಾರು ಜಿನೆವಾದಲ್ಲಿ ಪ್ರದರ್ಶನಗೊಳ್ಳಲಿದೆ. ನಿಮ್ಮ ಮಾಹಿತಿಗಾಗಿ ಮಸೆರಟಿ ಫಿಯೆಟ್ ಕ್ಲೈಸ್ಲರ್ ಆಟೋಮೊಬೈಲ್ಸ್ ಭಾಗವಾಗಿದೆ.

ಪ್ರಸ್ತುತ ಕಾನ್ಸೆಪ್ಟ್ ಕಾರು ಭವಿಷ್ಯದ ಮಸೆರಟಿ ಕಾರು ಶೈಲಿಯನ್ನು ವರ್ಣಿಸಲಿದೆ. ಇದು ಗ್ರ್ಯಾನ್ ಟರಿಸ್ಮೊ ಆಗಿರುವ ಸಾಧ್ಯತೆ ಇದ್ದರೂ ಈ ಬಗ್ಗೆ ಹೆಚ್ಚಿನ ಮಾಹಿತಿಗಳು ಲಭ್ಯವಾಗಿಲ್ಲ. ಅಂದ ಹಾಗೆ 1914ನೇ ಇಸವಿಯಲ್ಲಿ ವಾಹನೋದ್ಯಮ ಪ್ರವೇಶಿಸಿದ್ದ ಮಸೆರಟಿ 1993ರ ಬಳಿಕ ಫಿಯೆಟ್ ಅಧೀನತೆಯಲ್ಲಿದೆ.