ಮುಂಬೈ ಹಾರ್ನ್ ಮುಕ್ತ ನಗರವಾಗಲಿದೆ!

ಮುಂಬೈ ಮಹಾನಗರದಲ್ಲಿ ಅತಿ ಹೆಚ್ಚು ಶಬ್ದ ಮಾಲಿನ್ಯವನ್ನು ಕಾಣಬಹುದಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆಯೇ ತನ್ನ ವರದಿಯಲ್ಲಿ ಇದನ್ನು ಉಲ್ಲೇಖಿಸಿರುವುದನ್ನು ನೀವೂ ಗಮನಿಸಿರಬಹುದು.

ದೈನಂದಿನಗಳಲ್ಲಿ ಬಹುತೇಕ ಎಲ್ಲ ಚಾಲಕರಿಗೂ ಹಾರ್ನ್ ಹೊಡೆಯುವುದು ಸಾಮಾನ್ಯ ಪ್ರವೃತ್ತಿಯಾಗಿ ಬಿಟ್ಟಿದೆ. ಚಾಲಕರು ಸುಮ್ ಸುಮ್ನೆ ಹಾರ್ನ್ ಹೊಡೆಯುತ್ತಾರೆ ಎಂದು ಜನರು ಆಪಾದಿಸುತ್ತಾರೆ. ಆಸ್ಪತ್ರೆ ಹಾಗೂ ಶಾಲೆ ಪರಿಸರದಲ್ಲೂ ಇದನ್ನು ಬಳಕೆ ಮಾಡುತ್ತಿರುವುದು ತೀರಾ ಶೋಚನೀಯವಾಗಿದೆ.

ಇದರಂತೆ ಮುಂಬೈನಲ್ಲೂ ಹಾರ್ನ್ ಜಾಗೃತಿ ಕಾರ್ಯಕ್ರಮ ಹಮ್ಮಿಕೊಮ್ಮಿಕೊಳ್ಳಲಾಗಿದ್ದು, ನೂತನ 'ಪ್ರೊಜೆಕ್ಟ್ ಬ್ಲೀಪ್' ಉಪಕರಣ ಲಗತ್ತಿಸಲಾಗುತ್ತಿದ್ದು, ಇದು ವಿಪರೀತ ಹಾರ್ನ್ ಬಳಕೆಯನ್ನು ತಡೆಗಟ್ಟಲಿದೆ. ಇದನ್ನು ನಿರ್ಮಿಸಿರುವ ಮಯೂರ್ ಟೆಕ್‌ಚಾಂದನಿ ಪ್ರಕಾರ ನೂತನ ಉಪಕರಣ ಹಾರ್ನ್ ಬಳಕೆಯನ್ನು ಶೇಕಡಾ 60ರಷ್ಟು ಕಡಿತಗೊಳಿಸಲಿದೆ. ಅಲ್ಲದೆ ಅತಿ ಹೆಚ್ಚು ಹಾರ್ನ್ ಬಳಕೆ ಮಾಡಿದ್ದಲ್ಲಿ ಇದು ಚಾಲಕರನ್ನು ಎಚ್ಚರಿಸಲಿದೆ ಎಂದಿದ್ದಾರೆ.

ಮಗದೊಂದು ಓರೆನ್ ಹಾರ್ನ್ ಯುಸೇಜ್ ಮೀಟರ್ ಎಂಬ ಉಪಕರಣ ಬಳಕೆದಾರರಿಗೆ ನಿರ್ದಿಷ್ಟ ಪ್ರಯಾಣದಲ್ಲಿ ಮಾತ್ರ ಹಾರ್ನ್ ಬಳಕೆ ಮಾಡಲು ಸಾಧ್ಯವಾಗುತ್ತದೆ. ಈ ಎಲ್ಲ ಬೆಳವಣಿಗೆಗಳು ಮುಂಬೈನಲ್ಲಿ ಶಬ್ದ ಮಾಲಿನ್ಯ ಕಡಿಮೆ ಮಾಡಲು ನೆರವಾಗಲಿದೆ.

ಇಂದಿನ ಫೇಸ್‌ಬಕ್ ವೀಡಿಯೋ ನೋಡಲು ಮರೆಯದಿರಿ