ನೂತನ ಮೈಲುಗಲ್ಲು; ಚಾಲಕನಿಲ್ಲದೆ 14 ಕೀ.ಮೀ. ಸಂಚರಿಸಿದ ಟ್ರಕ್!

ಹೇಗೆ ಸಾಧ್ಯವಾಯಿತು?

ಡೈಮ್ಲರ್ ಸ್ವಯಂಚಾಲಿತ ಟ್ರಕ್ ಗಳಲ್ಲಿ ಸೆಲ್ಪ್ ರಾಡಾರ್ ಸಿಸ್ಟಂ ಜೊತೆಗೆ ಕ್ಯಾಮೆರಾ, ಆಕ್ಟಿವ್ ಸ್ಪೀಡ್ ರೆಗ್ಯೂಲೇಟರ್ ಮುಂತಾದ ತಂತ್ರಜ್ಞಾನಗಳನ್ನು ಜೋಡಣೆ ಮಾಡಲಾಗಿದೆ.

ಜರ್ಮನಿಯ ವಿಶ್ವ ಪ್ರಾಖ್ಯಾತ ಆಟೋಬಾನ್ ಹೈವೇಯಲ್ಲಿ (ಎ8) ಪ್ರಾಯೋಗಿಕ ಪರೀಕ್ಷೆಯನ್ನು ಹಮ್ಮಿಕೊಳ್ಳಲಾಯಿತು [ಆಟೋಬಾನ್ ಹೆದ್ದಾರಿಯ ವಿಶೇಷತೆ ಏನು?]. ಅಲ್ಲದೆ ಸಂಸ್ಥೆಯ ಹೈವೇ ಪೈಲಟ್ ವ್ಯವಸ್ಥೆಯನ್ನು ಜೋಡಣೆ ಮಾಡಲಾಗಿತ್ತು.

ಒಂದೆಡೆ ಚಾಲಕ ರಹಿತ ಸ್ವಯಂಚಾಲಿತ ಕಾರುಗಳನ್ನು ಸರ್ಚ್ ಎಂಜಿನ್ ದೈತ್ಯ ಗೂಗಲ್ ಅಭಿವೃದ್ಧಿಪಡಿಸುತ್ತಿರಬಹುದು [ಇನ್ನೈದು ವರ್ಷದೊಳಗೆ ಗೂಗಲ್ ಕಾರು ನನಸು]. ಆದರೆ ಸ್ಟುಟ್‌ಗಾರ್ಟ್‌ನಿಂದ ಡೆಂಕನ್‌ಡಾರ್ಫ್ ವರೆಗೆ ಡೈಮ್ಲರ್ ಹಮ್ಮಿಕೊಂಡಿರುವ ಪ್ರಾಯೋಗಿಕ ಪರೀಕ್ಷೆಯು ಆಟೋ ವಿಶ್ಲೇಷಕರಿಂದ ಮೆಚ್ಚುಗೆಗೆ ಪಾತ್ರವಾಗಿದೆ.

ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯನ್ನು ಮತ್ತಷ್ಟು ಸುಲಭವಾಗಿಸುವುದು ಡೈಮ್ಲರ್ ಇರಾದೆಯಾಗಿದೆ. ಸಹಜವಾಗಿಯೇ ಟ್ರಕ್ ಚಾಲಕರು ದಿನ-ರಾತ್ರಿ ಬಹಳ ದೂರದ ವರೆಗೆ ಚಾಲನೆ ಮಾಡಬೇಕಾಗಿರುವುದರಿಂದ ಸಾಕಷ್ಟು ದಣಿವು ಕಾಡುತ್ತದೆ.

ಡೈಮ್ಲರ್ ಪ್ರಕಾರ, ಸ್ವಯಂಚಾಲಿತ ಟ್ರಕ್ ಆಗಮನದೊಂದಿಗೆ ಚಾಲಕರ ದಣಿವು ಶೇಕಡಾ 25ರಷ್ಟು ಕಡಿಮೆಯಾಗಲಿದೆ. ಅಲ್ಲದೆ ಹೆಚ್ಚಿನ ಭದ್ರತೆಯನ್ನು ಖಾತ್ರಿಪಡಿಸಲಿದೆ.

ಗೇರ್ ಬದಲಾವಣೆ, ವೇಗವರ್ಧನೆ ಹಾಗೂ ಬ್ರೇಕಿಂಗ್ ಪ್ರಕ್ರಿಯೆ ಸಹ ಸ್ವಯಂಚಾಲಿತವಾಗಿ ನಡೆಯುವುದರಿಂದ ಗರಿಷ್ಠ ಇಂಧನ ಕ್ಷಮತೆಯನ್ನು ಕಾಪಾಡಿಕೊಳ್ಳಲು ನೆರವಾಗಲಿದೆ.

ಒಟ್ಟಿನಲ್ಲಿ ಯುರೋಪ್ ಹಾಗೂ ಅಮೆರಿಕಗಳಲ್ಲಾಗಿ ಈಗಾಗಲೇ 20,000 ಕೀ.ಮೀ. ದೂರ ಕ್ರಮಿಸಿರುವ ಡೈಮ್ಲರ್ ಸ್ವಯಂಚಾಲಿತ ಟ್ರಕ್ ಗಳು ಭಾರತವನ್ನು ಪ್ರವೇಶಿಸಿದ್ದಲ್ಲಿ ಹೇಗಿರಬಹುದು? ಇದಕ್ಕೆಸಂಬಂಧಿಸಿದಂತೆ ನಿಮ್ಮ ಅಭಿಪ್ರಾಯಗಳನ್ನು ನಮ್ಮ ಕಾಮೆಂಟ್ ಬಾಕ್ಸ್ ನಲ್ಲಿ ಹಂಚಿಕೊಳ್ಳಲು ಮರೆಯದಿರಿ.

ಇದು ಲ್ಯಾಪ್ ಟಾಪ್ ಅಲ್ಲ ಹಾಗಂದ್ರೆ ಮತ್ತೇನಿದು ? ಮುಂದಕ್ಕೆ ಓದಲು ಇಲ್ಲಿ ಕ್ಲಿಕ್ಕಿಸಿರಿ