ಎಪ್ರಿಲ್ ತಿಂಗಳಿಂದ ದುಬಾರಿಯಾಗಲಿದೆ ಹೋಂಡಾ ಕಾರು

ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ ಶಿಪ್ರ ಗತಿಯಲ್ಲಿ ಪ್ರಗತಿ ಸಾಧಿಸುತ್ತಿರುವ ಹೋಂಡಾ ಕಾರುಗಳು ಸದ್ಯದಲ್ಲೇ ದುಬಾರಿಯಾಗಲಿದೆ. ಹೌದು, ಮುಂಬರುವ ಎಪ್ರಿಲ್ ತಿಂಗಳಿಂದ ತನ್ನೆಲ್ಲ ಶ್ರೇಣಿಯ ಮಾದರಿಗಳಿಗೆ ಬೆಲೆ ಏರಿಕೆಗೊಳಿಸಲು ಹೋಂಡಾ ಸಂಸ್ಥೆ ನಿರ್ಧರಿಸಿದೆ.

ಇದರೊಂದಿಗೆ ಪ್ರಸಕ್ತ ಸಾಲಿನಲ್ಲಿ ಎರಡನೇ ಬಾರಿಗೆ ಹೋಂಡಾ ಬೆಲೆ ಏರಿಕೆ ನೀತಿ ಅನುಸರಿಸುತ್ತಿದೆ. ಇದಕ್ಕೂ ಮೊದಲು ವರ್ಷಾರಂಭದಲ್ಲಷ್ಟೇ ಬೆಲೆ ಏರಿಕೆಗೊಳಿಸಲಾಗಿತ್ತು. ಮೂಲ ಉತ್ಪನ್ನಗಳ ವೆಚ್ಚ ಹೆಚ್ಚಿರುವುದೇ ಬೆಲೆ ಏರಿಕೆಗೆ ಕಾರಣವಾಗಿದೆ ಎಂದು ಹೋಂಡಾ ಸಂಸ್ಥೆಯು ತನ್ನ ನೀತಿಯನ್ನು ಸಮರ್ಥಿಸಿಕೊಂಡಿದೆ.

ಇದಲ್ಲದೆ ಸಿಆರ್-ವಿ ಕ್ರೀಡಾ ಬಳಕೆಯ ವಾಹನವನ್ನು ಹೋಂಡಾ ಸಂಸ್ಥೆಯು ದೇಶದಲ್ಲಿ ಮಾರಾಟ ಮಾಡುತ್ತಿದೆ. ಅಷ್ಟಕ್ಕೂ ಹೋಂಡಾ ಬೆಲೆ ಏರಿಕೆ ನೀತಿ ನ್ಯಾಯವೇ? ಬಜೆಟ್ ನಲ್ಲಿ ಘೋಷಿಸಲಾದ ಅಬಕಾರಿ ಸುಂಕ ನೀತಿ ಹೋಂಡಾ ಕಾರುಗಳ ಬೆಲೆ ಮಾರಾಕ ಪರಿಣಾಮ ಬೀರಿತೇ? ಬೆಲೆ ಏರಿಕೆಯ ನಡುವೆಯು ತನ್ನ ಜನಪ್ರಿಯತೆಯನ್ನು ಉಳಿಸಿಕೊಳ್ಳಲು ಹೋಂಡಾ ಸಂಸ್ಥೆಗೆ ಸಾಧ್ಯವೇ? ಈ ಎಲ್ಲದರ ಬಗ್ಗೆ ನಿಮ್ಮ ಅಭಿಪ್ರಾಯಗಳನ್ನು ನಮ್ಮ ಕಾಮೆಂಟ್ ಬಾಕ್ಸ್ ಮುಖಾಂತರ ಚರ್ಚಿಸಿರಿ.