Click it and Unblock the Notifications
ಮತ್ತೆ ದುಬಾರಿಯಾಯ್ತು ಪೆಟ್ರೋಲ್, ಡೀಸೆಲ್
ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಏರಿಕೆ ಹಾಗೂ ವಿದೇಶ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರಿಗೆ ರುಪಾಯಿ ಮೌಲ್ಯ ಕುಸಿದಿರುವ ಬೆನ್ನಲ್ಲೇ ಇಂಧನ ಬೆಲೆಯಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ.
ಇದರೊಂದಿಗೆ 15 ದಿನಗಳ ಅಂತರದಲ್ಲಿ ಎರಡನೇ ಬಾರಿಗೆ ಇಂಧನ ಬೆಲೆಯಲ್ಲಿ ಏರಿಕೆಯಾಗಿದೆ. ಹೊಸ ಬೆಲೆ ಅನ್ವಯ ಪೆಟ್ರೋಲ್ ಪ್ರತಿ ಲೀಟರ್ ಗೆ 3.13 ರು. ಹಾಗೂ ಡೀಸೆಲ್ 2.17 ರು.ಗಳಷ್ಟು ತುಟ್ಟಿಯಾಗಿದೆ.
ಪರಿಷ್ಕೃತ ಬೆಲೆ ಶುಕ್ರವಾರ ಮಧ್ಯ ರಾತ್ರಿಯಿಂದಲೇ ಜಾರಿಗೆ ಬಂದಿದೆ. ಇದಕ್ಕೂ ಮೊದಲು ಮೇ 1ರಂದು ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ಅನುಕ್ರಮವಾಗಿ 3.96 ಹಾಗೂ 2.37 ರು.ಗಳಷ್ಟು ಏರಿಕೆ ಕಂಡುಬಂದಿತ್ತು.
ಅಂತರಾಷ್ಟ್ರೀಯ ಕಚ್ಚಾ ತೈಲ ಬೆಲೆಗೆ ಅನುಗುಣವಾಗಿ ದೇಶದಲ್ಲಿ ತೈಲೋದ್ಯಮವು ಪ್ರತಿ 15 ದಿನಕ್ಕೊಮ್ಮೆ ಇಂಧನ ಬೆಲೆಯನ್ನು ಪರಿಷ್ಕೃತಗೊಳಿಸುತ್ತಿದೆ. ಇದರಿಂದಾಗಿ ಎರಡು ವಾರಗಳ ಅಂತರದಲ್ಲೇ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಗಳು ಅನುಕ್ರಮವಾಗಿ 7.09 ಹಾಗೂ 5.08ರು.ಗಳಷ್ಟು ದುಬಾರಿಯೆನಿಸಿದೆ.
ಕಳೆದ ವರ್ಷ ಆಗಸ್ಟ್ ತಿಂಗಳಿಂದ 2015 ಫೆಬ್ರವರಿ ವರೆಗೆ ಪೆಟ್ರೋಲ್ ಬೆಲೆ ಸತತವಾಗಿ 10 ಬಾರಿ ಇಳಿಕೆಯಾಗಿತ್ತಲ್ಲದೆ 17.11ರಷ್ಟು ಕಡಿಮೆಯಾಗಿತ್ತು. ಇನ್ನೊಂದೆಡೆ ಅಕ್ಟೋಬರ್ ತಿಂಗಳಿಂದ ಡೀಸೆಲ್ ಬೆಲೆ ಅನಿಯಂತ್ರಣಗೊಳಿಸಿದ ಬಳಿಕ ಆರು ಬಾರಿ ಇಳಿಕೆ ಕಂಡು 12.6 ರು.ಗಳಷ್ಟು ಕಡಿತವಾಗಿತ್ತು.
Continue with Google