ರಸ್ತೆ ಪ್ರವೇಶಿಸಲಿರುವ ಆಡಿ ಆರ್8 ಸೂಪರ್ ಕಾರು

ಜಿನೆವಾ ಮೋಟಾರು ಶೋ ಆರಂಭವಾಗಲು ಇನ್ನೇನು ಕೆಲವೇ ದಿನಗಳು ಮಾತ್ರ ಬಾಕಿ ಉಳಿದಿರುವಂತೆಯೇ ಜರ್ಮನಿಯ ಐಷಾರಾಮಿ ಕಾರು ತಯಾರಿಕ ಸಂಸ್ಥೆಯಾಗಿರುವ ಆಡಿ, ಅತಿ ನೂತನ ಆರ್8 ಸೂಪರ್ ಕಾರು ಪ್ರದರ್ಶಿಸಿದೆ.

ಆಡಿ ಎರಡನೇ ತಲೆಮಾರಿನ ಆರ್8 ಸೂಪರ್ ಕಾರು 2015 ಜಿನೆವಾ ಮೋಟಾರು ಶೋದಲ್ಲಿ ಪ್ರದರ್ಶನ ಕಾಣಲಿದೆ. ಅಷ್ಟೇ ಯಾಕೆ ಗರಿಷ್ಠ ಶಕ್ತಿಯ 5.2 ಲೀಟರ್ ಎಫ್‌ಎಸ್‌ಐ ವಿ10 ಎಂಜಿನ್ ಆಳವಡಿಸಲಾಗಿದೆ.

ಎರಡನೇ ತಲೆಮಾರಿನ ಆಡಿ ಆರ್8 ಕಾರು ಕೇವಲ 3.2 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸಲಿದೆ. ಹಾಗೆಯೇ ಗಂಟೆಗೆ ಗರಿಷ್ಠ 330 ಕೀ.ಮೀ. ಕಾಯ್ದುಕೊಳ್ಳಲಿದೆ. ಇದು 7 ಸ್ಪೀಡ್ ಎಸ್ ಟ್ರಾನಿಕ್ ಗೇರ್ ಬಾಕ್ಸ್ ಸಹ ಪಡೆಯಲಿದೆ.

ಅಂದ ಹಾಗೆ ಆಡಿ ಆರ್8 ವಿ10 ಹಾಗೂ ಆರ್8 ವಿ10 ಪ್ಲಸ್ ಮಾದರಿಗಳು ಅನುಕ್ರಮವಾಗಿ 1.14 ಹಾಗೂ 1.29 ಕೋಟಿ ರು.ಗಳಷ್ಟು ದುಬಾರಿಯೆನಿಸಲಿದೆ.