ಸ್ವಚ್ಛ ಭಾರತ; ಭಾರತದಲ್ಲೂ ಓಡಾಡಲಿರುವ 'ಬಯೋ ಬಸ್'

ಉತ್ತರ ಪ್ರದೇಶದ ಎಲ್ಲ 75 ಜಿಲ್ಲೆಗಳಲ್ಲಿ ಬಯೋ ಬಸ್ ಸೇವೆಯನ್ನು ಆರಂಭಿಸುವುದು ಸರಕಾರದ ಗುರಿಯಾಗಿದೆ. ಈ ಸಂಬಂಧ ಸ್ವೀಡನ್‌ನ ಸ್ಕಾನಿಯಾ ಬಸ್ ಸಂಸ್ಥೆಯ ಜೊತೆ ನಿಗಮವು ಮಾತುಕತೆಯಲ್ಲಿದೆ.

ವರದಿಗಳ ಪ್ರಕಾರ 100 ಮಂದಿಯ ಮಾನವ ಮಲ ತ್ಯಾಜ್ಯದಲ್ಲಿ 200 ಕೀ.ಮೀ. ವರೆಗೆ ಸಂಚರಿಸಬಹುದಾಗಿದೆ. ಪ್ರಸ್ತುತ ಯೋಜನೆ ಬ್ರಿಟನ್, ಇಟಲಿ, ಸ್ವೀಡ್ ಹಾಗೂ ಪೊಲೆಂಡ್ ರಾಷ್ಟ್ರಗಳಲ್ಲಿ ಈಗಾಗಲೇ ಯಶ ಕಂಡಿದೆ.

ಇಲ್ಲಿ ಮಾನವ ಮಲ ಹಾಗೂ ಆಹಾರ ತ್ಯಾಜ್ಯಗಳನ್ನು ಬಯೋಮಿಥೇನ್ ಗ್ಯಾಸ್ ಆಗಿ ಪರಿವರ್ತಿಸಲಾಗುತ್ತಿದೆ. ಅಲ್ಲದೆ ಆಹಾರ ತ್ಯಾಜ್ಯಗಳನ್ನು ಬಳಕೆ ಮಾಡಲಾಗುತ್ತದೆ.

ಇದು ಸಾಂಪ್ರದಾಯಿಕ ಡೀಸೆಲ್ ಎಂಜಿನ್‌ಗಿಂತಲೂ ಶೇಕಡಾ 30ರಷ್ಟು ಕಡಿಮೆ ಕಾರ್ಬನ್ ಡೈಓಕ್ಸೈಡ್ ಹೊರ ಸೂಸುತ್ತಿದ್ದು, ಹೆಚ್ಚು ಪರಿಸರ ಸ್ನೇಹಿ ಎನಿಸಿಕೊಳ್ಳಲಿದೆ.

ಕಳೆದ ಮಾರ್ಚ್ ತಿಂಗಳಲ್ಲಿ ಬ್ರಿಟನ್ ರಸ್ತೆಯನ್ನು ತಲುಪಿದ್ದ 40 ಸೀಟು ಸಾಮರ್ಥ್ಯದ ಬಯೋ ಬಸ್ ಫುಲ್ ಟ್ಯಾಂಕ್‌ ಅನಿಲದಲ್ಲಿ 300 ಕೀ.ಮೀ. (186 ಮೈಲ್) ವರೆಗೆ ಓಡುವ ಸಾಮರ್ಥ್ಯ ಹೊಂದಿದೆ

ಅಂದರೆ ಇದು ವಾರ್ಷಿಕವಾಗಿ ಐದು ಮಂದಿ ಉತ್ಪಾದಿಸುವ ಮಲ ತ್ಯಾಜ್ಯಕ್ಕೆ ಸಮಾನವಾಗಿದೆ.

ಬಾತ್ ಬಸ್ ಸಂಸ್ಥೆ ಕಾರ್ಯ ನಿರ್ವಹಿಸುತ್ತಿರುವ ಬಯೋ ಬಸ್ ಬ್ರಿಸ್ಟಾಲ್ ವಿಮಾನ ನಿಲ್ದಾಣದಿಂದ ಬಾತ್ ಸಿಟಿ ಸೆಂಟರ್‌ ವರೆಗೆ ಪಯಣ ಆರಂಭಿಸಿದೆ.

ಅವೊನ್‌ಮೌತ್‌ನಲ್ಲಿರುವ (Avonmouth) ವೆಸ್ಸೆಕ್ಸ್ ವಾಟರ್ (Wessex Water) ಅಂಗಸಂಸ್ಥೆಯಾಗಿರುವ ಜೆನಿಕೊ (GENeco) ಕಾರ್ಯಾಚರಣೆಯಲ್ಲಿರುವ ಬ್ರಿಸ್ಟಲ್ ಸೇವೆಜ್ ಟ್ರೀಟ್‌ಮೆಂಟ್ ವರ್ಕ್ಸ್‌ನ ಬೃಹತ್ ಕೈಗಾರಿಕೆಯಲ್ಲಿ ಮಾನವ ಮಲ ಹಾಗೂ ಆಹಾರ ತ್ಯಾಜ್ಯಗಳನ್ನು ಬಯೋಮಿಥೇನ್ ಗ್ಯಾಸ್ ಆಗಿ ಪರಿವರ್ತಿಸಲಾಗುತ್ತಿದೆ.

ಪ್ರಸ್ತುತ ಯೋಜನೆ ಭಾರತದಲ್ಲೂ ಪ್ರಾಯೋಗಿಕವಾಗಿ ಯಶ ಸಾಧಿಸಬಹುದೇ ಎಂಬುದನ್ನು ಕಾಮೆಂಟ್ ಬಾಕ್ಸ್ ನಲ್ಲಿ ಚರ್ಚಿಸಿರಿ.