Click it and Unblock the Notifications
20 ತಿಂಗಳಲ್ಲೇ ವೋಲ್ವೋ ಹೊಸ ಕಾರು ಅಭಿವೃದ್ಧಿ
ಜಗತ್ತಿನ ವಾಹನ ತಯಾರಿಕ ಸಂಸ್ಥೆಗಳ ಪೈಕಿ ಸದಾ ವಿಶಿಷ್ಟತೆ ಕಾಪಾಡಿಕೊಂಡಿರುವ ವೋಲ್ವೋ ಸಂಸ್ಥೆಯು ಈಗ 20 ತಿಂಗಳಲ್ಲೇ ಹೊಸ ಕಾರನ್ನು ಅಭಿವೃದ್ಧಿಪಡಿಸುವ ಯೋಜನೆ ಹೊಂದಿದೆ.
ಅಂದರೆ ಸಾಮಾನ್ಯ ವೋಲ್ವೋ ಕಾರಿನ ಅಭಿವೃದ್ದಿಗೆ ತಗಲುವ ಅರ್ಧದಷ್ಟು ಸಮಯ ಮಾತ್ರ ಇದಕ್ಕೆ ವ್ಯಯವಾಗಲಿದೆ. ಈ ಹಿಂದೆ ವೋಲ್ವೋ ವಿ40 ಕಾರಿನ ಅಭಿವೃದ್ಧಿಗೆ 40 ತಿಂಗಳುಗಳ ಕಾಲಾವಕಾಶ ಬೇಕಾಗಿತ್ತು.
ಇನ್ನು ಟೊಯೊಟಾ ಹಾಗೂ ಮಾಜ್ದಾಗಳಂತಹ ಸಂಸ್ಥೆಗಳಿಗೆ ಹೊಸ ಕಾರು ಅಭಿವೃದ್ಧಿಪಡಿಸಲು ಸರಾಸರಿ 26 ತಿಂಗಳು ಬೇಕಾಗುತ್ತದೆ. ಈಗ ವೋಲ್ವೋ ಸಂಸ್ಥೆಯು ಇದನ್ನೆಲ್ಲ ಮೀರಿ ನಿಲ್ಲುವ ಯೋಜನೆ ಹೊಂದಿದೆ.
ಇದಕ್ಕಾಗಿ ಹೊಸತಾದ ಮೊಡ್ಯುಲರ್ ಫ್ಲ್ಯಾಟ್ಫಾರ್ಮ್ ರಚಿಸಲಿದೆ. ಹಾಗೆಯೇ ಬೇಸಿಕ್ ಫ್ಲ್ಯಾಟ್ಫಾರ್ಮ್ಗಳ ಸಂಖ್ಯೆಯನ್ನು ಎರಡಕ್ಕೆ ಇಳಿಕೆಗೊಳಿಸಲಾಗುವುದು. ಒಟ್ಟಾರೆಯಾಗಿ ಎಲ್ಲ ವೋಲ್ವೋ ಕಾರುಗಳನ್ನು 20 ತಿಂಗಳಲ್ಲೇ ಅಭಿವೃದ್ಧಿಗೊಳಿಸುವುದು ಸ್ವೀಡನ್ ಮೂಲದ ಸಂಸ್ಥೆಯ ಗುರಿಯಾಗಿದೆ.
Continue with Google