ಬ್ಯಾಟರಿ ಚಾಲಿತ ವಾಹನ ಕ್ಷೇತ್ರದಲ್ಲಿ ಹೊಸ ಮಿಂಚು ಪರಿಸರ ಸ್ನೇಹಿ 'ಈ ರಿಕ್ಷಾ'

450 ಕೆ.ಜಿ ತೂಕವಿರುವ ಈ ವಾಹನ 4+1 ಪ್ರಯಾಣಿಕರನ್ನು ಹೊತ್ತೊಯ್ಯುವ ಸಾಮರ್ಥ್ಯವನ್ನು ಹೊಂದಿದೆ. 1.25 ಲಕ್ಷ ರೂಪಾಯಿಗೆ ಮಾಲಿಕರ ಕೈಸೇರಲಿರುವ ಈ 'ಈ ರಿಕ್ಷಾ' ಕೇವಲ 8 ಯೂನಿಟ್ ವಿದ್ಯುತ್‍ನ್ನು ಬಳಸಿಕೊಳ್ಳುತ್ತದೆ. ಅಲ್ಲದೆ, ಕೇವಲ 65 ಪೈಸೆಗೆ ಒಂದು ಕಿಲೋಮೀಟರ್ ಮೈಲೇಜ್ ನೀಡುವ ಸಾಮರ್ಥ್ಯವನ್ನು ಹೊಂದಿದೆ.

ಈಗ ಒಂದು ಆಟೋ ರಿಕ್ಷಾವನ್ನು ನಿರ್ವಹಣೆ (ಮೇಂಟೇನ್) ಮಾಡಲು ಚಾಲಕರಿಗೆ ಪ್ರತಿನಿತ್ಯ ಒಂದು ಕಿಲೋಮೀಟರ್‍ ಗೆ 5 ರೂಪಾಯಿ ತಗಲುತ್ತದೆ. ಆದರೆ, 'ಈ ರಿಕ್ಷಾ' ದಲ್ಲಿ ಕೇವಲ 65 ಪೈಸೆ ಮಾತ್ರ ಸಾಕು. ಒಂದು ಬಾರಿ ಚಾರ್ಜ್ ಮಾಡಿದ ಈ ಆಟೋದ ಬ್ಯಾಟರಿಯಿಂದ 100 ಕಿಲೋಮೀಟರ್‍ ಗಳಷ್ಟು ಮೈಲೇಜ್ ಪಡೆಯಬಹುದು.

ಇತ್ತೀಚಿನ ದಿನಗಳಲ್ಲಿ ಬ್ಯಾಟರಿ ರಿಚಾರ್ಜ್ ಪಾಯಿಂಟ್‍ಗಳು ನಗರದಲ್ಲಿ ಹೆಚ್ಚಾಗಿದ್ದು ಬ್ಯಾಟರಿ ಚಾರ್ಜಿಂಗ್ ಸ್ಟೇಷನ್‍ಗಳಲ್ಲಿ ಭೇಟಿ ನೀಡಿದರೆ ಸಾಕು. ಮುಂದಿನ ದಿನಗಳಲ್ಲಿ ಬ್ಯಾಟರಿ ಚಾಲಿತ "ಈ ಲೋಡರ್ ಕಾರ್ಗೋ" ಹಾಗೂ "ಈ ಫೂಡ್ ಕಾರ್ಟ್" ನ್ನು ಮಾರುಕಟ್ಟೆಗೆ ಪರಿಚಯಗೊಳಿಸುವ ಯೋಜನೆ ಎಕ್ಸ್ಟ್ರಾಮೈಲ್ ಗ್ಯಾಸ್ ಟೆಕ್‍ನ ಉದ್ದೇಶವಾಗಿದೆ.

ಮುಂದಿನ ದಿನಗಳಲ್ಲಿ 2 ಸ್ಟ್ರೋಕ್ ಆಟೋಗಳ ಸಂಚಾರ ನಿರ್ಭಂಧಗೊಳ್ಳಲಿದ್ದು, ಅಂತಹ ಆಟೋ ಚಾಲಕರೆಲ್ಲರೂ ಬ್ಯಾಟರಿ ಚಾಲಿತ "ಈ ರಿಕ್ಷಾ" ದತ್ತ ಆಕರ್ಷಣೆಗೊಳ್ಳುವ ಸಾಧ್ಯತೆಗಳು ನಿಚ್ಚಳವಾಗಿವೆ. 2 ಸ್ಟ್ರೋಕ್ ಆಟೋ ಮಾಲೀಕರಿಗೆ ಅನುಕೂಲವಾಗುವಂತಹ ವ್ಯವಸ್ಥೆ ಕಲ್ಪಿಸಿಕೊಡುವ ನಿಟ್ಟಿನಲ್ಲಿ ಎಕ್ಸ್ಟ್ರಾಮೈಲ್ ಗ್ಯಾಸ್ ಟೆಕ್ ಕಾರ್ಯೋನ್ಮುಖವಾಗಿದೆ.

ಈ ಹೊಸ ಕ್ರಾಂತಿಕಾರಿ ಪರಿಸರ ಸ್ನೇಹಿ ಬ್ಯಾಟರಿ ಚಾಲಿತ ವಾಹನಗಳನ್ನು ಎಕ್ಸ್ಟ್ರಾಮೈಲ್ ಗ್ಯಾಸ್ ಟೆಕ್‍ನ ನಿರ್ದೇಶಕರು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದರು. ಕಾರ್ಯಕ್ರಮದಲ್ಲಿ ಎಕ್ಸ್ಟ್ರಾಮೈಲ್ ಗ್ಯಾಸ್ ಟೆಕ್‍ನ ಮನೀಶ್ ದಾಸಡಿಯಾ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.