ಬಿಡುಗಡೆಗೆ ಮೊದಲೇ ರೆನೊ ಕ್ವಿಡ್ ಎಎಂಟಿ ಕಾರಿನ ಬೆಲೆ ಲೀಕ್ ?

ಬಲ್ಲ ಮೂಲಗಳ ಪ್ರಕಾರ ರೆನೊ ಕ್ವಿಡ್ ಎಎಂಟಿ ಕಾರು ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 4.29 ಲಕ್ಷ ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.

ಕ್ವಿಡ್ ಇತ್ತೀಚೆಗಷ್ಟೇ ಮಾರುಕಟ್ಟೆಗೆ ಪರಿಚಯಿಸಿರುವ 1.0 ಲೀಟರ್ ಆವೃತ್ತಿಯಲ್ಲಿ ಎಎಂಟಿ ಗೇರ್ ಬಾಕ್ಸ್ ಆಳವಡಿಕೆಯಾಗಲಿದೆ. ನಿಮ್ಮ ಮಾಹಿತಿಗಾಗಿ ರೆನೊ ಕ್ವಿಡ್ ಒಂದು ಲೀಟರ್ ಆವೃತ್ತಿಯು ಕಳೆದ ಆಗಸ್ಟ್ ತಿಂಗಳಲ್ಲಿ ಬಿಡುಗಡೆಯಾಗಿತ್ತು.

ಇದರಲ್ಲಿರುವ ತ್ರಿ ಸಿಲಿಂಡರ್ ಎಸ್ ಸಿಇ ಪೆಟ್ರೋಲ್ ಎಂಜಿನ್ 91 ಎನ್ ಎಂ ತಿರುಗುಬಲದಲ್ಲಿ 67 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ನೂತನ ರೆನೊ ಕ್ವಿಡ್ ಎಎಂಟಿ ಕಾರು ಎರಡು ವೆರಿಯಂಟ್ ಗಳಲ್ಲಿ ಲಭ್ಯವಾಗಲಿದೆ. ಅವುಗಳೆಂದರೆ ಆರ್ ಎಕ್ಸ್ ಟಿ ಮತ್ತು ಆರ್ ಎಕ್ಸ್ ಟಿ (ಐಚ್ಛಿಕ).

ರೆನೊ ಕ್ವಿಡ್ ಆರ್ ಎಕ್ಸ್ ಟಿ ಮತ್ತು ಟಾಪ್ ಎಂಡ್ ಆರ್ ಎಕ್ಸ್ ಟಿ (ಐಚ್ಛಿಕ) ವೆರಿಯಂಟ್ ಗಳು ಅನುಕ್ರಮವಾಗಿ 4.19 ಹಾಗೂ 4.42 ಲಕ್ಷ ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.

ಅಂದರೆ ನೂತನ ಎಎಂಟಿ ಮಾದರಿಗಳು ಮ್ಯಾನುವಲ್ ವೆರಿಯಂಟ್ ಗಿಂತಲೂ ಸರಿ ಸುಮಾರು 46,000 ರು.ಗಳಷ್ಟು ಹೆಚ್ಚು ದುಬಾರಿಯೆನಿಸಲಿದೆ.

ದೇಶದೆಲ್ಲೆಡೆ ಸ್ಥಿತಗೊಂಡಿರುವ ರೆನೊ ಡೀಲರುಗಳು ರೆನೊ ಕ್ವಿಡ್ ಎಎಂಟಿ ಕಾರಿಗಾಗಿ ಬುಕ್ಕಿಂಗ್ ಸ್ವೀಕರಿಸುತ್ತಿದ್ದು, ಆಸಕ್ತ ಗ್ರಾಹಕರು ಮುಗಂಡವಾಗಿ 10,000 ರುಪಾಯಿಗಳನ್ನು ಪಾವತಿಸಿ ತಮ್ಮ ಕನಸಿನ ಕಾರನ್ನು ಮುಂಗಡವಾಗಿ ಕಾಯ್ದಿರಿಸಿಕೊಳ್ಳಬಹುದಾಗಿದೆ.

ಅಂದ ಹಾಗೆ ನೂತನ ರೆನೊ ಕ್ವಿಡ್ ಎಎಂಟಿ ಕಾರು ನವೆಂಬರ್ ಎರಡನೇ ವಾರದಲ್ಲಿ ದೇಶದ ಮಾರುಕಟ್ಟೆಗೆ ಪ್ರವೇಶ ನೀಡಲಿದೆ.

ರೆನೊ ಬಿಡುಗಡೆ ಮಾಡಿರುವ ಟೀಸರ್ ಚಿತ್ರದಲ್ಲಿ ನೀವು ಚಾಲನೆ ಮಾಡುವ ವಿಧವನ್ನು ಬದಲಾಯಿಸಿಕೊಳ್ಳಲು ತಯಾರಾಗಿರಿ ಎಂದು ಉಲ್ಲೇಖಿಸಲಾಗಿದೆ.

ಸಾಂಪ್ರದಾಯಿಕ ಗೇರ್ ಲಿವರ್ ಗಳಿಗಿಂತ ವಿಭಿನ್ನವಾಗಿ ವೃತ್ತಾಕಾರದಲ್ಲಿರುವ ಇದನ್ನು ತಿರುಗಿಸುವ ಮೂಲಕ ಚಾಲನಾ ವಿಧಗಳನ್ನು ಬದಲಾಯಿಸಬಹುದಾಗಿದೆ. ಇದು ನ್ಯೂಟ್ರಲ್, ಡ್ರೈವ್ ಅಥವಾ ರಿವರ್ಸ್ ಚಾಲನಾ ವ್ಯವಸ್ಥೆಗಳನ್ನು ಒಳಗೊಂಡಿರಲಿದೆ.

ಇದಕ್ಕೂ ಮೊದಲು ಡಸ್ಟರ್ ನಲ್ಲೂ ಎಎಂಟಿ ಆಯ್ಕೆಯನ್ನು ಕೊಡಲಾಗಿತ್ತು. ಆದರೆ ನೂತನ ಕ್ವಿಡ್, ಡಯಲ್ ಆಕಾರದ ಗೇರ್ ಬಾಕ್ಸ್ ಪಡೆದುಕೊಳ್ಳುತ್ತಿರುವುದು ಹೆಚ್ಚಿನ ಕುತೂಹಲಕ್ಕೆ ಎಡೆ ಮಾಡಿಕೊಟ್ಟಿದೆ.