ಹೊಸ ಟೊಯೊಟಾ ಫಾರ್ಚ್ಯುನರ್‌ನಲ್ಲಿ ಏನೆಲ್ಲ ಬದಲಾವಣೆಯಾಗಿದೆ?

ನೂತನ ಟೊಯೊಟಾ ಫಾರ್ಚ್ಯುನರ್ ಹೊರಮೈಯಲ್ಲಿ ಪರಿಷ್ಕೃತ ವಿನ್ಯಾಸ, ಕ್ರೋಮ್ ಗ್ರಿಲ್, ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್ ಜೊತೆ ಎಲ್ ಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್ ಕಂಡುಬರಲಿದೆ.

ಇನ್ನುಳಿದಂತೆ 18 ಇಂಚುಗಳ ಅಲಾಯ್ ಚಕ್ರಗಳು, ಪರಿಷ್ಕೃತ ಟೈಲ್ ಲ್ಯಾಂಪ್ ಮತ್ತು ಎಲ್ ಇಡಿ ಸೇವೆಯನ್ನು ಕಾಣಬಹುದಾಗಿದೆ.

ಟೊಯೊಟಾ ನ್ಯೂ ಗ್ಲೋಬರ್ ಆರ್ಕಿಟೇಕ್ಚರ್ (ಟಿಎನ್‌ಜಿಎ) ತಳಹದಿಯಲ್ಲಿ ನಿರ್ಮಿತ 2016 ಟೊಯೊಟಾ ಫಾರ್ಚ್ಯುನರ್, ಸಿ ಪಿಲ್ಲರ್ ನಡುವೆ ದಿಟ್ಟವಾದ ರೇಖೆಯನ್ನು ಪಡೆದಿದೆ.

2016 ಟೊಯೊಟಾ ಫಾರ್ಚ್ಯುನರ್ ಎರಡು ಡೀಸೆಲ್ ಹಾಗೂ ಒಂದು ಪೆಟ್ರೋಲ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಈ ಪೈಕಿ ಭಾರತಕ್ಕೆ ಡೀಸೆಲ್ ಆವೃತ್ತಿಯು ಮಾತ್ರ ಆಗಮನವಾಗುವ ಸಾಧ್ಯತೆಯಿದೆ.

ಇನ್ನೋವಾ ಕ್ರೈಸ್ಟಾದಲ್ಲಿರುವದಕ್ಕೆ ಸಮಾನವಾದ 2.4 ಲೀಟರ್ ಡೀಸೆಲ್ ಎಂಜಿನ್ 400 ಎನ್ ಎಂ ತಿರುಗುಬಲದಲ್ಲಿ 148 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಹಾಗೆಯೇ 2.8 ಲೀಟರ್ ಎಂಜಿನ್ 450 ಎನ್ ಎಂ ತಿರುಗುಬಲದಲ್ಲಿ 175 ಅಶ್ವಶಕ್ತಿಯನ್ನು ನೀಡಲಿದೆ. ಅಂತೆಯೇ ಆರು ಸ್ಪೀಡ್ ಮ್ಯಾನುವಲ್ ಹಾಗೂ 6 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇರಲಿದೆ.

ಕರ್ನಾಟಕ ಸಿಎಂ ಸಿದ್ದರಾಮಯ್ಯ ಸೇರಿದಂತೆ ದೇಶದ ಹಲವು ಗಣ್ಯ ವ್ಯಕ್ತಿಗಳು ಟೊಯೊಟಾ ಫಾರ್ಚ್ಯುನರ್ ಐಷಾರಾಮಿ ಕ್ರೀಡಾ ಬಳಕೆಯ ವಾಹನವನ್ನು ಆಶ್ರಯಿಸಿಕೊಂಡಿದ್ದಾರೆ. ಈಗ ಮತ್ತಷ್ಟು ಆಧುನಿಕತೆಗೆ ಮೊರೆ ಹೋಗುತ್ತಿರುವ ಸಂಸ್ಥೆಯು ಹೊಸ ತಲೆಮಾರಿನ ಫಾರ್ಚ್ಯುನರ್ ಬಿಡುಗಡೆ ಮಾಡುವ ತವಕದಲ್ಲಿದೆ.

ಇನ್ನೋವಾ ಕ್ರೈಸ್ಟಾಗಿಂತಲೂ ಗರಿಷ್ಠ ವೈಶಿಷ್ಟ್ಯ ಹಾಗೂ ಸುರಕ್ಷತೆಗಳನ್ನು ಹೊಸ ಫಾರ್ಚ್ಯುನರ್ ಕಾರಿನಲ್ಲಿ ಕಾಪಾಡಿಕೊಳ್ಳಲಾಗುವುದು. ಪ್ರೀಮಿಯಂ ವಿಭಾಗದಲ್ಲಿ ಹೊಸ ಅಲೆಯೆಬ್ಬಿಸುವುದು ಗ್ಯಾರಂಟಿ.