ಬೆನೆಲ್ಲಿ ಸಂಸ್ಥೆಯ ಮತ್ತೊಂದು ಕ್ರೂಸರ್ ಬೈಕಿನ ಸ್ಪೈ ಚಿತ್ರಗಳು ಬಿಡುಗಡೆ

ಪುಣೆ ರಸ್ತೆಗಳ ಮೇಲೆ ಪರೀಕ್ಷಿಸುತ್ತಿರುವ ವೇಳೆಯಲ್ಲಿ ಹೆಚ್ಚು ಮರೆಮಾಡಲಾಗಿರುವ ಸ್ಥಿತಿಯಲ್ಲಿ ಕಾಣಿಸಿಕೊಡಿರುವ ಈ ಹೊಚ್ಚ ಹೊಸ ಮಾದರಿಯ ಮೊಟೊಬಿ-250 ಮೋಟಾರ್ ಸೈಕಲ್ ಪತ್ತೆಯಾಗಿದ್ದು, ಸದ್ಯ ಕಾಣಿಸಿಕೊಂಡಿರುವ ಈ ಬೈಕ್ ನಿರ್ಮಾಣ ಆವೃತ್ತಿಯಗಿದೆ ಎಂದು ತಿಳಿದುಬಂದಿದೆ.

ಬೆನೆಲ್ಲಿ ಮೊಟೊಬಿ 250 ಮೋಟಾರ್ ಸೈಕಲ್ ಈಗಾಗಲೇ ಇಂಡೋನೇಷ್ಯಾ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಈ ವಾಹನದ ಬೆಲೆ ಇಂಡೋನೇಷ್ಯಾದಲ್ಲಿ Rp 35.6 ಮಿಲಿಯನ್(ಭಾರತದಲ್ಲಿ ಸುಮಾರು 1.7 ಲಕ್ಷ ರೂ) ಬೆಲೆ ಹೊಂದಿದೆ.

ಈ ಬೈಕ್ 251.8 ಸಿಸಿ ದ್ರವದಿಂದ ತಂಪಾಗುವ ಸಮಾನಾಂತರ-ಟ್ವಿನ್ ಎಂಜಿನ್ ಪಡೆದುಕೊಂಡಿದ್ದು, 16.5 ಏನ್‌ಎಂ ತಿರುಗುಬಲದಲ್ಲಿ 17.4 ರಷ್ಟು ಟಾರ್ಕ್ ಉತ್ಪಾದನೆ ಮಾಡಲಿದೆ ಹಾಗು 5-ವೇಗದ ಗೇರ್ ಬಾಕ್ಸ್ ಜೋಡಣೆಗೊಂಡಿದೆ.

ಮೊಟೊಬಿ-250 ಬಸ್ಸಿನೆಟ್ ರೀತಿಯ ಫ್ರೇಮ್ ಆದರಿತವಾಗಿರುವ ಕ್ರೂಸರ್ ಬೈಕ್ ಆಗಿದ್ದು, ಮುಂಭಾಗದಲ್ಲಿ ಒಂದು ಡಿಸ್ಕ್ ಹೊಂದಿರುವ ಬ್ರೇಕ್ ಮತ್ತು ಹಿಂಭಾಗದಲ್ಲಿ ಡ್ರಮ್ ರೀತಿಯ ಬ್ರೇಕ್ ಪಡೆದುಕೊಂಡಿದೆ. ಕಾಣಿಸಿರುವ ಬೈಕಿನಲ್ಲಿ ಎಬಿಎಸ್ ಸೌಲಭ್ಯವಿಲ್ಲ ಎಂಬುದು ತಿಳಿದು ಬರುತ್ತದೆ.

ಈ ಮೋಟಾರ್ ಸೈಕಲ್ 14 ಲೀಟರ್‌ನಷ್ಟು ಇಂಧನ ಟ್ಯಾಂಕ್ ಸಾಮರ್ಥ್ಯ ಹೊಂದಿದ್ದು, ಕೆಲವೇ ತಿಂಗಳಿನಲ್ಲಿ ಮೊಟೊಬಿ-250 ಭಾರತದಲ್ಲಿ ಬಿಡುಗಡೆಯಾಗುವ ಎಲ್ಲಾ ಲಕ್ಷಣಗಳು ಗೋಚರಿಸುತ್ತಿವೆ.

ಬೆನೆಲ್ಲಿ ತನ್ನ ಮತ್ತೆರಡು ಮೋಟಾರ್ ಸೈಕಲ್‌ಗಳನ್ನು ಬಿಡುಗಡೆಗೊಳಿಸಲು ಸಜ್ಜಾಗಿದ್ದು, ಬಜಾಜ್ ಅವೆಂಜರ್ 220, ಯುಎಂ ರೆನೆಗಡೆ ಕಮಾಂಡೊ ಮತ್ತು ಹೈಸಂಗ್ ಅಕ್ವಿಲಾ 250 ಕ್ರೂಸರ್ ಬೈಕುಗಳೊಂದಿಗೆ ಈ ಮೊಟೊಬಿ-250 ದ್ವಿಚಕ್ರ ವಾಹನ ಸ್ಪರ್ಧೆ ನೆಡೆಸಲಿದೆ.