ಜಿಎಸ್‌ಟಿ ಎಫೆಕ್ಟ್- ಫೋರ್ಡ್ ಕಾರುಗಳ ಮೇಲೆ ಭರ್ಜರಿ ಡಿಸ್ಕೌಂಟ್..!

ಏಕರೂಪದ ಸರಕು ಮತ್ತು ಸೇವಾ ತೆರಿಗೆ ಜಾರಿಯಾದ ಹಿನ್ನೆಲೆ ಸಣ್ಣಪ್ರಮಾಣದ ಕಾರು ಮಾದರಿಗಳ ಬೆಲೆ ಇಳಿಕೆಯಾಗಿದ್ದು, ಫೋರ್ಡ್ ಸಂಸ್ಥೆ ಕೂಡಾ ಗ್ರಾಹಕರಿಗೆ ಕಾರು ಖರೀದಿ ಮೇಲೆ ವಿಶೇಷ ಡಿಸ್ಕೌಂಟ್ ಘೋಷಣೆ ಮಾಡಿದೆ.

ಫೋರ್ಡ್ ಕಾರುಗಳ ಬೆಲೆಗಳಲ್ಲಿ ಶೇ.4.5ರಷ್ಟು ಕಡಿತಗೊಂಡಿದ್ದು, ದುಬಾರಿ ಬೆಲೆಯ ಎಂಡೀವರ್ ಖರೀದಿ ಮಾಡಿದ್ದಲ್ಲಿ 3 ಲಕ್ಷ ಉಳಿತಾಯವಾಗಲಿದೆ.

ಫೋರ್ಡ್ ಸಂಸ್ಥೆ ಪ್ರತಿಯೊಂದು ಕಾರು ಮಾದರಿಗಳ ಮೇಲೂ 4.5ರಷ್ಟು ರಿಯಾಯ್ತಿ ದೊರೆಯಿದ್ದು, ಹೊಸ ದರಗಳ ಇಂದಿನಿಂದಲೇ ಅನ್ವಯವಾಗಲಿವೆ.

ಈ ಬಗ್ಗೆ ಪಿಟಿಐ ಜೊತೆ ಮಾತನಾಡಿರುವ ಫೋರ್ಡ್ ಇಂಡಿಯಾ ವಕ್ತಾರರು "ಜಿಎಸ್‌ಟಿ ಜಾರಿಗೆ ನಮ್ಮದು ಸಂಪೂರ್ಣ ಬೆಂಬಲವಿದ್ದು, ಇತರೆ ಕಾರು ಮಾದರಿಗಳಿಂತ ಫೋರ್ಡ್ ಇಂಡಿಯಾ ಅತ್ಯುತ್ತಮ ಆಫರ್ ನೀಡುತ್ತಿದ್ದೇವೆ" ಎಂದಿದ್ದಾರೆ.

ಇನ್ನು ಇತರೆ ಕಾರು ಉತ್ಪಾದನಾ ಸಂಸ್ಥೆಗಳಿಗೆ ಹೋಲಿಕೆ ಮಾಡಿದ್ದಲ್ಲಿ ಫೋರ್ಡ್ ನೀಡುತ್ತಿರುವ ಡಿಸ್ಕೌಂಟ್ ದರಗಳು ಉತ್ತಮವಾಗಿವೆ. ಜೊತೆಗೆ ದುಬಾರಿ ಬೆಲೆಯ ಎಂಡೀವರ್ ಖರೀದಿ ಮೇಲೆ ಅತಿಹೆಚ್ಚು ಡಿಸ್ಕೌಂಟ್ ನೀಡುತ್ತಿರುವುದು ಗಮರ್ನಾಹ.

ಬೆಲೆ ವಿವರಗಳು (ದೆಹಲಿ ಎಕ್ಸ್‌ಶೋರಂ ಪ್ರಕಾರ)

ಕಾರು ಮಾದರಿಗಳು- ಡಿಸ್ಕೌಂಟ್ ಬೆಲೆಗಳು

ಫೋರ್ಡ್ ಫಿಗೊ - ರೂ.2000

ಫೋರ್ಡ್ ಇಕೋ ಸ್ಪೋರ್ಟ್- ರೂ. 8,000

ಫೋರ್ಡ್ ಎಂಡೀವರ್- ರೂ.1.50 ಲಕ್ಷ ದಿಂದ 3 ಲಕ್ಷ

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಇತರೆ ಕಾರು ಮಾದರಿಗಳಿಂತ ಫೋರ್ಡ್ ಇಂಡಿಯಾ ಘೋಷಣೆ ಮಾಡಿರುವ ಡಿಸ್ಕೌಂಟ್ ಬೆಲೆಗಳು ಉತ್ತಮವಾಗಿದ್ದು, ಹೊಸ ಕಾಯ್ದೆಯಿಂದ ದೇಶದಲ್ಲಿ ಕಾರು ಮಾರಾಟ ಪ್ರಮಾಣ ಮತ್ತಷ್ಟು ಏರಿಕೆ ಕಾಣುವ ಸಾಧ್ಯತೆಗಳಿವೆ.