2017 ಅಂತರಾಷ್ಟ್ರೀಯ ಟ್ರಕ್ ಚಾಲಕರ ದಿನಾಚರಣೆ ಮಾಡಿದ ಹೋಂಡಾ

ಹೋಂಡಾ ಸಂಸ್ಥೆಯು ಅಂತರಾಷ್ಟ್ರೀಯ ಮಟ್ಟದ ಟ್ರಕ್ ಚಾಲಕರ ದಿನಾಚರಣೆಯನ್ನು ಆಚರಿಸುತ್ತಿದ್ದು, ಈ ಕಾರಣಕ್ಕೆ ಕೆಲಸದಲ್ಲಿ ಬದ್ಧತೆಯನ್ನು ತೋರಿದ ಮತ್ತು ತಮ್ಮ ವೃತ್ತಿಬದುಕಿನಲ್ಲಿ ಸವಾಲಿನ ದಿನಗಳನ್ನು ಹೆಚ್ಚು ಶ್ರಮವಹಿಸಿ ಶ್ರೇಷ್ಠವಾಗಿ ಕಾರ್ಯನಿರ್ವಹಿಸಿದ ಚಾಲಕರನ್ನು ಸಂಸ್ಥೆಯು ಗುರುತಿಸಿ ಸನ್ಮಾನಿಸಿದೆ.

ಕಂಪನಿಯ ಮನೇಸರ್(ಗುರಂಗಾವ್), ತಪುಕಾರಾ(ರಾಜಸ್ಥಾನ), ನರಸಪುರ(ಕರ್ನಾಟಕ) ಮತ್ತು ವಿಠ್ಠಲಪುರ(ಗುಜರಾತ್) ಘಟಕಗಳಲ್ಲಿ ಇರುವಂತಹ ಚಾಲಕರನ್ನು ಗಣನೆಗೆ ತೆಗೆದುಕೊಂಡು ಈ ಸನ್ಮಾನ ಕಾರ್ಯಕ್ರಮವನ್ನು ಕಂಪನಿ ಹಮ್ಮಿಕೊಂಡಿದೆ.

ಈ ಕಾರ್ಯಕ್ರಮದಲ್ಲಿ ರಸ್ತೆಯ ಸುರಕ್ಷತೆಯ ಬಗ್ಗೆ ತರಬೇತಿಯ ಅಧಿವೇಶನ ಸಹ ಒಳಗೊಂಡಿದ್ದು, ರಸ್ತೆ ಅಪಘಾತಗಳ ಅಪಾಯವನ್ನು ಕಡಿಮೆ ಮಾಡಲು ಮತ್ತು ಸುರಕ್ಷಿತ ಚಾಲನಾ ಮಾರ್ಗಸೂಚಿಗಳನ್ನು ನೀಡುವ ಉದ್ದೇಶವನ್ನು ಹೊಂದಿವೆ.

ಸುರಕ್ಷತೆ ಮಾರ್ಗಸೂಚಿಗಳ ಬಗ್ಗೆ ಟ್ರಕ್ ಡ್ರೈವರ್‌ಗಳ ಜ್ಞಾನ ಎಷ್ಟಿದೆ ಎಂಬ ವಿಚಾರ ತಿಳಿದುಕೊಳ್ಳಲು ಹೊಂಡಾ ರಸಪ್ರಶ್ನೆ ಸ್ಪರ್ಧೆ, ಸಂವಹನ ಆಟಗಳು ಮತ್ತು ತಂಡದ ನಿರ್ಮಾಣ ಚಟುವಟಿಕೆಗಳ ಬಗ್ಗೆ ತಿಳುವಳಿಕೆ ಸಹ ಸ್ಪರ್ಧೆಗಳನ್ನು ಒಳಗೊಂಡಿತ್ತು.

ವಿವಿಧ ಸ್ಥಳಗಳಲ್ಲಿ ಟ್ರಕ್ ಚಾಲಕ ಹೇಗೆ ಕಾರ್ಯನಿರ್ವಹಿಸಬೇಕು ಎಂಬ ಮಾಹಿತಿ ನೀಡಲು ಮತ್ತು ಪ್ರೇರಣೆ ತುಂಬಲು ವಿಶೇಷವಾಗಿ ವಿನ್ಯಾಸಗೊಳಿಸಿದ ಕಾರ್ಯಾಗಾರವನ್ನೂ ನಡೆಸಲಾಯಿತು. ಸುರಕ್ಷತೆಗಾಗಿ ಹೋಂಡಾ ನಿಯಮಿತವಾದ ತರಬೇತಿ ಮತ್ತು ಜಾಗೃತಿ ಕಾರ್ಯಕ್ರಮಗಳನ್ನು ನಡೆಸುತ್ತದೆ ಮತ್ತು ಹೆಚ್ಚು ಪ್ರಾಮುಖ್ಯತೆಯನ್ನು ನೀಡುತ್ತದೆ ಎಂಬುದನ್ನು ನಾವು ಗಮನಿಸಬಹುದಾಗಿದೆ.