ಕೊನೆಗೂ ಮಾರುತಿ ಸ್ವಿಫ್ಟ್ ಸ್ಪೋರ್ಟ್ ಕಾರಿನ ಮಾಹಿತಿ ಸೋರಿಕೆ

ಸ್ಪೋರ್ಟ್ ಕಾರು ಬಿಡುಗಡೆಗೊಳಿಸಲು ಮುಂದಾಗಿರುವ ಮಾರುತಿ ಸುಜುಕಿ ಕಂಪನಿಯು ತನ್ನ ಸುಜುಕಿ ಸ್ವಿಫ್ಟ್ ಸ್ಪೋರ್ಟ್ ಆವೃತ್ತಿಯನ್ನು ಅಭಿವೃದ್ಧಿಪಡಿಸಿದ್ದು, ಈ ವಿಶೇಷ ರೀತಿಯ ಕಾರಿನ ಅಧಿಕೃತ ಅನಾವರಣಕ್ಕೂ ಮೊದಲೇ ಎಲ್ಲ ವಿಶೇಷತೆಗಳು ಮತ್ತು ಇತರ ವಿವರಗಳು ಸೋರಿಕೆ ಮಾಡಲಾಗಿದೆ.

ಹ್ಯುಂಡೈ ಐ30 ಆವೃತ್ತಿಗೆ ತೀವ್ರ ಪೈಪೋಟಿ ನೀಡುವ ದೃಷ್ಟಿಯಲ್ಲಿ ಅಭಿವೃದ್ದಿಯಾಗಿರುವ ಈ ಸ್ಪೋರ್ಟ್ ಮಾದರಿಯು ಇತ್ತೀಚೆಗೆ ಟೆಸ್ಟಿಂಗ್ ವೇಳೆ ಭಾರತದಲ್ಲಿ ಕಾಣಿಸಿಕೊಂಡಿದ್ದು, ಸದ್ಯದರಲ್ಲಿಯೇ ಅನಾವರಣಗೊಳ್ಳುವ ಸೂಚನೆ ನೀಡಿದೆ.

ಸುಜುಕಿ ಈಗಾಗಲೇ ಹೊಚ್ಚ ಹೊಸ ಸ್ವಿಫ್ಟ್ ಕಾರು ಅನಾವರಣಗೊಳಿಸಿದ್ದು, ಈ ಕಾರು ಕೆಲವು ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಲಭ್ಯವಿದೆ.

ಮುಂದಿನ ವಾರ ನಡೆಯಲಿರುವ ಫ್ರಾಂಕ್‌ಫ಼ರ್ಟ್ ಮೋಟಾರ್ ಪ್ರದರ್ಶನದಲ್ಲಿ ಈ ಕ್ರೀಡಾ ಆವೃತಿಯ ಸ್ವಿಫ್ಟ್ ಕಾರನ್ನು ಜನಪ್ರಿಯ ಜಪಾನ್ ದೈತ್ಯ ಕಾರು ತಯಾರಕ ಕಂಪನಿಯು ಅನಾವರಣಗೊಳಿಸಲಿದೆ.

ಮೂಲಗಳ ಪ್ರಕಾರ ಭಾರತೀಯ ಮಾರುಕಟ್ಟೆಯಲ್ಲಿ ಹೊಸ ಸ್ಪೋರ್ಟ್ ಸುಜುಕಿ ಸ್ವಿಫ್ಟ್ ಆವೃತ್ತಿಯ ಕಾರು 1.0-ಲೀಟರ್ ನಾಲ್ಕು ಸಿಲಿಂಡರ್ ಟರ್ಬೊಚಾರ್ಜ್ಡ್ ಬೂಸ್ಟರ್ ಜೆಟ್‌ ಆಯ್ಕೆ ಪಡದು ಅನಾವರಣಗೊಳ್ಳಲಿದೆ. ಈ ಎಂಜಿನ್ 230 ಎನ್ಎಂ ತಿರುಗುಬಲದಲ್ಲಿ 138 ರಷ್ಟು ಅಶ್ವಶಕ್ತಿ ಉತ್ಪಾದನೆ ಮಾಡಲಿದೆ.

ಈ ಕಾರಿನ ಎಂಜಿನ್ 6 ಸ್ಪೀಡ್ ಮ್ಯಾನ್ಯುವಲ್ ಮತ್ತು ಮುಂಭಾಗದ ಚಕ್ರಗಳನ್ನು ಶಕ್ತಿಯನ್ನು ಕಳುಹಿಸುವ ಸ್ವಯಂಚಾಲಿತ ಪ್ರಸರಣೆಯ ಸಂಯೋಜನೆಯೊಂದಿಗೆ ಬಿಡುಗಡೆಯಾಗಲಿದೆ.