ಫ್ರಾಂಕ್‌ಫರ್ಟ್ ಆಟೋ ಮೇಳದಲ್ಲಿ ಪ್ರದರ್ಶನಗೊಳ್ಳಲಿದೆ 'ಮಿನಿ' ಎಲೆಕ್ಟ್ರಿಕ್ ಕಾರು

ಇತ್ತೀಚೆಗೆ ಎಲ್ಲಾ ಐಷಾರಾಮಿ ಕಾರು ಮಾದರಿಗಳು ಎಲೆಕ್ಟ್ರಿಕ್ ಆವೃತ್ತಿಯಲ್ಲಿ ಬಿಡುಗಡೆಯಾಗುತ್ತಿದ್ದು, ಇದೀಗ ಬಿಎಂಡಬ್ಲ್ಯು ಕೂಡಾ ತನ್ನ ಜನಪ್ರಿಯ ಕಾರು ಮಾದರಿಯಾದ ಮಿನಿ ಕಾರನ್ನು ಎಲೆಕ್ಟ್ರಿಕ್ ಮಾದರಿಯಲ್ಲಿ ಅಭಿವೃದ್ಧಿಗೊಳಿಸಿದೆ.

ಹೀಗಾಗಿ ಹೊಸ ಎಲೆಕ್ಟ್ರಿಕ್ ಕಾರು ಮಾದರಿಯನ್ನು ಜರ್ಮನಿಯ ಫ್ರಾಂಕ್‌ಫ್ರರ್ಟ್ ಆಟೋ ಮೇಳದಲ್ಲಿ ಪ್ರದರ್ಶನಗೊಳಿಸಲಿರುವ ಬಿಎಂಡಬ್ಲ್ಯು, 2019ರಿಂದ ಅಧಿಕೃತವಾಗಿ ಎಲೆಕ್ಟ್ರಿಕ್ ಕಾರುಗಳ ಉತ್ಪಾದನಾ ಯೋಜನೆ ಚಾಲನೆ ನೀಡಲಿದೆ.

ಸದ್ಯ ಡ್ರೈವ್ ಟ್ರೈನ್ ತಂತ್ರಜ್ಞಾನಗೊಂದಿಗೆ ಡಿಸೇಲ್ ಮತ್ತು ಪೆಟ್ರೋಲ್ ಆವೃತ್ತಿ ಲಭ್ಯವಿರುವ ಮಿನಿ ಕಾರು, ಮುಂಬರುವ ದಿನಗಳಲ್ಲಿ ಹೈಬ್ರಿಡ್ ಮತ್ತು ಎಲೆಕ್ಟ್ರಿಕ್ ಎಂಜಿನ್‌ನೊಂದಿಗೆ ಲಭ್ಯವಾಗಲಿವೆ.

ಆಕ್ಸ್‌ಫರ್ಡ್‌ನಲ್ಲಿರುವ ಬಿಎಂಡಬ್ಲ್ಯು ಮುಖ್ಯ ಕಾರು ಉತ್ಪಾದನಾ ಘಟಕದಲ್ಲೇ ಎಲೆಕ್ಟ್ರಿಕ್ ಆವೃತ್ತಿಗಳು ಅಭಿವೃದ್ದಿಯಾಗಲಿದ್ದು, ಇದಕ್ಕಾಗಿ ಬಿಎಂಡಬ್ಲ್ಯು ಈಗಾಗಲೇ ಬೃಹತ್ ಯೋಜನೆಯೊಂದನ್ನು ಸಿದ್ಧಗೊಳಿಸಿದೆ.

ಇದಲ್ಲದೇ ಐ3 ಸಂಶೋಧನಾ ತಾಂತ್ರಿಕ ಅಂಶಗಳೊಂದಿಗೆ ಮಿನಿ ಎಲೆಕ್ಟ್ರಿಕ್ ಅಭಿವೃದ್ಧಿಯಾಗುವ ಬಗ್ಗೆ ಸುಳಿವು ನೀಡಿರುವ ಬಿಎಂಡಬ್ಲ್ಯು, ವಿಶೇಷ ಹೊರ ಮತ್ತು ಒಳ ವಿನ್ಯಾಸಗಳೊಂದಿಗೆ ತ್ರಿ ಡೋರ್ ವ್ಯವಸ್ಥೆ ಹೊಂದಿರಲಿದೆ ಎಂದಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಎಲೆಕ್ಟ್ರಿಕ್ ಕಾರುಗಳ ಉತ್ಪಾದನೆಗೆ ಬೇಡಿಕೆ ಹೆಚ್ಚುತ್ತಿದ್ದು, ಈ ನಿಟ್ಟಿನಲ್ಲಿ ಹೊಸ ಹೆಜ್ಜೆ ಇಟ್ಟಿರುವ ಬಿಎಂಡಬ್ಲ್ಯು ಸಂಸ್ಥೆ ಕೂಡಾ ಎಕ್ಸ್‌3 ಜೊತೆ ಮಿನಿ ಆವೃತ್ತಿಯನ್ನು ಎಲೆಕ್ಟ್ರಿಕ್ ಎಂಜಿನ್ ಜೊತೆ ಅಭಿವೃದ್ಧಿಗೊಳಿಸುತ್ತಿದೆ.