ಲ್ಯಾಂಡ್ ರೋವರ್ ಡಿಸ್ಕವರಿ ಕಾರಿನ ಬುಕ್ ಮಾಡಲು ಅನುವು ಮಾಡಿಕೊಟ್ಟ ಜೆ.ಎಲ್.ಆರ್

ಜಗ್ವಾರ್ ಲ್ಯಾಂಡ್ ರೋವರ್ ಕಂಪನಿಯ ಲ್ಯಾಂಡ್ ರೋವರ್ ಡಿಸ್ಕವರಿ 7 ಆಸನ ವಿನ್ಯಾಸದ ಪೂರ್ಣಪ್ರಮಾಣದ ಎಸ್‌ಯುವಿ ಕಾರಾಗಿದ್ದು, ಬಲಿಷ್ಠ ಸಾಮರ್ಥ್ಯ ಪಡೆದುಕೊಂಡಿರುವ ಈ ಕಾರನ್ನು ರೂ. 3 ಲಕ್ಷ ನೀಡಿ ಬುಕ್ ಮಾಡಬಹುದು ಎಂದು ಸಂಸ್ಥೆ ತನ್ನ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಬಿಡುಗಡೆಗೊಳ್ಳುತ್ತಿರುವ ಕಾರು ಮೂರನೇ ತಲೆಮಾರಿನ ಮಾದರಿಯಾಗಿದ್ದು, ಆದರೂ ಸಹ 1989ರಿಂದ ಇಲ್ಲಿಯವರೆಗೆ 5 ಆವೃತಿಗಲ್ಲಿ ಡಿಸ್ಕವರಿ ಬಿಡುಗಡೆಗೊಂಡಿದೆ.

ನೂತನ ತಲೆಮಾರಿನ ಡಿಸ್ಕವರಿ ಮುಂಚಿನ ಮಾದರಿಯಂತೆ ಹೆಚ್ಚು ಸಾಮರ್ಥ್ಯ, ಆರಾಮದಾಯಕವಾಗಿ, ಹಗುರವಾಗಿ ಮತ್ತು ಹೆಚ್ಚು ವೇಗವಾಗಿ ಇರಲಿದೆ ಎಂದು ಮಾರುಕಟ್ಟೆ ತಜ್ಞರ ನಿರೀಕ್ಷೆಯಾಗಿದೆ.

ಈ ಕಾರು ಹಿಂದಿನ ಪೀಳಿಗೆಯಲ್ಲಿ ಇರುವಂತಹ ಚಾರ್ಸಿಯ ಬದಲು ಗಟ್ಟಿಯಾದ ಮತ್ತು ಹಗುರವಾದ ಅಲ್ಯೂಮಿನಿಯಂ ಮಾನೋಕಾಕ್ ಚಾರ್ಸಿಯನ್ನು ಈ ಎಸ್‌ಯುವಿ ಕಾರು ಪಡೆದುಕೊಂಡಿದೆ ಮತ್ತು ಸದ್ಯ ಬಿಡುಗಡೆಗೆ ಸಿದ್ದವಾಗಿರುವ ಈ ಡಿಸ್ಕವರಿ ಕಾರು 480 ಕೆ.ಜಿ ಹಗುರವಿದೆ.

ಲ್ಯಾಂಡ್ ರೋವರ್ ಡಿಸ್ಕವರಿ 3-ಲೀಟರ್ ಪೆಟ್ರೋಲ್ V6 ಎಂಜಿನ್ ಪಡೆದುಕೊಂಡಿದ್ದು, 450 ಏನ್‌ಎಂ ತಿರುಗುಬಲದಲ್ಲಿ 335 ರಷ್ಟು ಅಶ್ವಶಕ್ತಿ ಉತ್ಪಾದನೆ ಮಾಡಲಿದೆ ಹಾಗು ಮತ್ತೊಂದು ಎಂಜಿನ್ 3-ಲೀಟರ್ ಆರು ಸಿಲಿಂಡರ್ ಡೀಸೆಲ್ 254 ಅಶ್ವಶಕ್ತಿ ಮತ್ತು 600 ಏನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ.

ಮುಂದಿನ ಜನರೇಶನ್ ಡಿಸ್ಕವರಿ ಕಾರಿನ ಕಾರಿನ ಬೆಲೆ ರೂ. 1 ಕೋಟಿ ಆಸುಪಾಸಿನಲ್ಲಿ ಇರಲಿದೆ ಎಂದು ನಿರೀಕ್ಷಿಸಲಾಗಿದೆ ಮತ್ತು ಆಡಿ ಕ್ಯೂ7, ಮರ್ಸಿಡಿಸ್ ಬೆಂಝ್ ಜಿಎಲ್ಎಸ್, ಮತ್ತು ವೋಲ್ವೋ XC90 ಕಾರುಗಳೊಂದಿಗೆ ಸ್ಪರ್ಧಿ ನೆಡೆಸಲಿದೆ.