ಟಾಟಾ ಟಿಯಾಗೊ ಎಲೆಕ್ಟ್ರಿಕ್ ಕಾರಿನ ಮಾಹಿತಿ ಅನಾವರಣ

ಯುಕೆ ಮೂಲದ ಟಾಟಾ ಮೋಟಾರ್ಸ್ ಯೂರೋಪಿಯನ್ ಟೆಕ್ನಿಕಲ್ ಸೆಂಟರ್(ಟಿಎಂಇಟಿಸಿ)ಯಿಂದ ಈ ಟಿಯಾಗೊ ಕಾರನ್ನು ವಿನ್ಯಾಸಗೊಳಿಸಲಾಗಿದ್ದು,ಈ ಟಿಯೊಗೊ ವಿದ್ಯುತ್ ಕಾರು ಲಿಕ್ವಿಡ್-ಕೋಲ್ಡ್ 85 ಕಿಲೋವ್ಯಾಟ್ ಎಲೆಕ್ಟ್ರಿಕ್ ಡ್ರೈವ್ ಮೋಟಾರ್ ಅನ್ನು ಬಳಸಲಿದೆ ಎಂಬ ಮಾಹಿತಿ ಹೊರಬಂದಿದೆ.

ಗಂಟೆಗೆ 135 ಕಿ.ಮೀ ಚಲಿಸುವಷ್ಟು ವೇಗವನ್ನು ಹೊಂದಿರುವ ಈ ಟಾಟಾ ಕಂಪನಿಯ ಟಿಯಾಗೊ ಎಲೆಕ್ಟ್ರಿಕ್ ಕಾರು, 200 ಎನ್‌ಎಂ ಟಾರ್ಕ್ ಶಕ್ತಿ ಉತ್ಪಾದಿಸುತ್ತದೆ.

ಸಾಂಪ್ರದಾಯಿಕ ಆಂತರಿಕ ದಹನಕಾರಿ ಎಂಜಿನ್ ಪಡೆದುಕೊಂಡಿರುವ ಈ ಟಿಯಾಗೊ ಕಾರು ಸಾಮಾನ್ಯ ಕಾರಿಗೆ ಹೋಲಿಸಿದರೆ 20 ಕೆ.ಜಿ ಹಗುರವಾದದ್ದು, 1,040 ಕಿ.ಗ್ರಾಂ ತೂಗುತ್ತದೆ.

ಸಾಮಾನ್ಯವಾಗಿ ಎಲೆಕ್ಟ್ರಿಕ್ ಕಾರು ಎಂದರೆ ಹೆಚ್ಚು ಶಕ್ತಿ ಇರುವುದಿಲ್ಲ ಎಂಬ ಮಾತಿದೆ, ಆದ್ರೆ ಈ ಕಾರು 11 ಸೆಕೆಂಡುಗಳಿಗಿಂತ ಕಡಿಮೆ ಅವಧಿಯಲ್ಲಿ 100 ಕಿ.ಮೀ ವೇಗ ಪಡೆದುಕೊಳ್ಳುವಷ್ಟು ಶಕ್ತಿಯುತವಾಗಿದೆ.

ಈ ಟಾಟಾ ಟಿಯಾಗೊ ಕಾರಿನ ಬ್ಯಾಟರಿ ಒಮ್ಮೆ ಚಾರ್ಜ್ ಮಾಡಿದರೆ 100 ಕಿ.ಮೀ ವ್ಯಾಪ್ತಿಯನ್ನು ತಲುಪುವಷ್ಟು ಸಾಮರ್ಥ್ಯ ಪಡೆದುಕೊಂಡಿದೆ. ಕಳೆದ ಮೂರು ತಿಂಗಳಿನಿಂದ ಈ ಕಾರಿನ ಪೆಟ್ರೋಲ್ ಮತ್ತು ಡೀಸೆಲ್ ಆವೃತಿಯು ಹೆಚ್ಚು ಮಾರಾಟವಾಗುತ್ತಿದ್ದು, ಈ ಎಲೆಕ್ಟ್ರಿಕ್ ಕಾರು ಬಿಡುಗಡೆಯಾದರೆ ಹೆಚ್ಚು ಮಾರಾಟವಾಗುವ ವಿಶ್ವಾಸವನ್ನು ಟಾಟಾ ಹೊಂದಿದೆ.

ಹೊಸ ವಿದ್ಯುತ್ ವಾಹನವನ್ನು ಅಭಿವೃದ್ಧಿಪಡಿಸುವ ಬದಲಾಗಿ, ಅಸ್ತಿತ್ವದಲ್ಲಿರುವ ಮಾದರಿಯನ್ನು ಇ.ವಿ ಕಾರುಗಳಾಗಿ ಪರಿವರ್ತಿಸುವ ಹೊಸ ವಿಧಾನವನ್ನು ಅನುಸರಿಸುತ್ತಿದ್ದು, ಇದರಿಂದಾಗಿ ಹೆಚ್ಚು ವೆಚ್ಚ ತಡೆಗಟ್ಟಬಹುದು ಎಂಬುದು ಟಾಟಾ ಮೋಟಾರ್ಸ್ ನಂಬಿಕೆಯಾಗಿದೆ.