ತಪ್ಪು ಮಾಡಿದ ಪೊಲೀಸ್ ಅಧಿಕಾರಿಗೂ ಬಿತ್ತು ದಂಡ.!!

ದೇಶದಲ್ಲಿ ಹಲವಾರು ಕಡೆ ಪೊಲೀಸರು ಮತ್ತು ಟ್ರಾಫಿಕ್ ಪೊಲೀಸರು ಸ್ವತಃ ರಸ್ತೆ ನಿಯಮಗಳನ್ನು ಪಾಲಿಸದೆ, ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿಗೆ ಒಳಗಾದ ಮಾಹಿತಿಗಳು ನಮೆಗೆ ಹೆಚ್ಚಾಗಿ ಸಿಗುತ್ತದೆ. ಅಷ್ಟೆ ಯಾಕೆ ರಾಜಕೀಯ ವ್ಯಕ್ತಿಗಳು ರಸ್ತೆ ನಿಯಮಗಳನ್ನು ಪಾಲಿಸದೆ ಇದಲ್ಲಿ, ಅವರಿಗೂ ಸಹ ದಂಡ ವಿಧಿಸಿರುವ ವಿಚಾರದ ಬಗ್ಗೆ ಕೂಡಾ ನಾವು ಈಗಾಗಲೆ ಮಾಹಿತಿ ನೀಡಿದ್ದೇವೆ.

ಆದರೆ ಇಲ್ಲೊಂದು ಕುತೂಹಲ ಕಾರಿ ವಿಚಾರ ಬೆಳಕಿಗೆ ಬಂದಿದೆ. ಉನ್ನತ್ತ ಮಟ್ಟದಲ್ಲಿರುವ ಪೊಲೀಸ್ ಕಮಿಷನರ್ ಅವರ ಕಾರು ನೋ-ಪಾರ್ಕಿಂಗ್‍ನಲ್ಲಿ ನಿಂತ ಚಿತ್ರವೊಂದು ಸಿಕ್ಕಿದ್ದು, ಇವರಿಗೆ ಟ್ರಾಫಿಕ್ ಪೊಲೀಸರು ಯಾವ ರೀತಿ ದಂಡ ವಿಧಿಸಲಿದ್ದಾರೆ ಎಂಬುದರ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾಗಿದೆ.

ಹೌದು, ತೆಲಂಗಾಣ ರಾಜಧಾನಿ ಹೈದೆರಾಬಾದ್‍ನಲ್ಲಿನ ಮಹಾಂಕಾಳಿ ಪೊಲೀಸ್ ಸ್ಟೇಷನ್‍ನ ರಸ್ತೆಯಲ್ಲಿ, ಪೊಲೀಸ್ ಕಮಿಷನರ್ ಅವರ ಅಧಿಕೃತ ಟೊಯೊಟಾ ಫಾರ್ಚ್ಯುನರ್ ಕಾರು ನೋ-ಪಾರ್ಕಿಂಗ್‍ನಲ್ಲಿ ನಿಲ್ಲಿಸಲಾಗಿತ್ತು. ಇದನ್ನು ಸೆರೆ ಹಿಡಿದ ಪತ್ರಕರ್ತರೊಬ್ಬರು ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ಇವರಿಗೆ ಯಾವ ರೀತಿಯ ಶಿಕ್ಷೆಯನ್ನು ನೀಡುತ್ತೀರಿ ಎಂದು ಟ್ರಾಫಿಕ್ ಪೊಲೀಸರನ್ನು ಕೇಳಿದ್ದಾರೆ.

ಪರ್ತಕರ್ತ ಅಭಿನವ್ ದೇಶ್‍ಪಾಂಡೆ ಅವರು ಸೆರೆ ಹಿಡಿದು ಮಾಡಿದ ಟ್ವೀಟ್‍ನಲ್ಲಿ, ಈ ಘಟನೆ ನಡೆದ ಸ್ಥಳ ಮತ್ತು ಸಮಯವನ್ನು ಒಲ್ಲೇಖಿಸಲಾಗಿದೆ. ಜೊತೆಗೆ ತಮ್ಮ ಟ್ವೀಟ್‍ನಲ್ಲಿ ನೋ-ಪಾರ್ಕಿಂಗ್‍ನಲ್ಲಿ ನಿಂತ ಈ ಕಾರಿಗೆ 'ನೋ-ಪಾರ್ಕಿಂಗ್' ಚಲನ್ ನೀಡುತ್ತೀರೆ ಎಂದು ಟ್ರಾಫಿಕ್ ಪೊಲೀಸರನ್ನು ಕೇಳಿದ್ದಾರೆ.

ಇದಕ್ಕೆ ತಡ ಮಾಡದೆ ಸ್ಪಂದಿಸಿದ ಹೈದರಾಬಾದ್ ಟ್ರಾಫಿಕ್ ಪೊಲೀಸರು ನಾವು ಎಲ್ಲ ತಪ್ಪಿತಸ್ಥರನ್ನು ಸಮನಾಗಿಯೆ ಕಾಣುತ್ತೇವೆ ಎಂದು ಉಲ್ಲೇಖಿಸಿ, ರೂ.235 ಮೊತದ ದಂಡವನು ವಿಧಿಸಿದ ಇ-ಚಲನ್ ಅನ್ನು ಪ್ರಾಮಾಣಿಕವಾಗಿ ನೀಡಲಾಗಿರುವ ಚಿತ್ರವನ್ನು ಶೇರ್ ಮಾಡಿಕೊಂಡಿದ್ದಾರೆ.

ನೋ-ಪಾರ್ಕಿಂಗ್‍ನಲ್ಲಿ ನಿಂತಿದ್ದ ಟೊಯೋಟಾ ಫಾರ್ಚುನರ್ ಎಸ್‍ಯುವಿ ವಾಸ್ತವವಾಗಿ ತೆಲಂಗಾಣ ಡೈರೆಕ್ಟರ್ ಜನರಲ್ ಆಫ್ ಪೋಲಿಸ್‍ಗೆ ಸೇರಿದೆ ಎನ್ನಲಾಗಿದ್ದು, ಪೊಲೀಸ್ ಕಮೀಷನರ್ ಈ ವಾಹನವನ್ನು ಮಹಾಕಾಳಿ ಪೊಲೀಸ್ ಠಾಣೆಗೆ ತಪಾಸಣೆಗೆ ಎಂದು ಭೇಟಿ ನೀಡುತ್ತಿದ್ದಾಗ ಅಲ್ಲಿ ಪಾರ್ಕ್ ಮಾಡಿಲಾಗಿತ್ತು ಎಂದು ಮಾಹಿತಿಗಳ ಪ್ರಕಾರ ತಿಳಿದು ಬಂದಿದೆ.

ಇದಲ್ಲದೇ ಟ್ರಾಫಿಕ್ ಪೊಲೀಸರು ತೆಗೆದುಕೊಂಡ ಈ ನಿರ್ಣಯವನ್ನು ನಾವು ಅಭಿನಂದಿಸುತ್ತೇವೆ. ಆದರೆ ಟ್ರಾಫಿಕ್ ನಿಯಮವನ್ನು ಉಲ್ಲಾಂಘಿಸಿದ ಕಾರು ಲೆಕ್ಕಕ್ಕೆ ಸರ್ಕಾರಕ್ಕೆ ಸೇರಿದ್ದು. ಹಾಗಾದರೆ ಇದರ ದಂಡವನ್ನು ಪಾವತಿಸುವವರು ಯಾರು.?

ಸರ್ಕಾರದ ಕಾರು ಎಂದರೆ ಅದು ಪ್ರಜೆಗಳ ದುಡ್ದುನಿಂದಲೇ ಪಾವತಿಸಬೇಕಾಗುತ್ತದೆ ಅಲ್ಲವೇ.? ಐಪಿಎಸ್ ಅಧಿಕಾರಿಗಳ ಮೇಲೆಯು ಸಹ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ ಮತ್ತೊಂದು ಟ್ವೀಟ್ ಕಂಡು ಬಂದಿದೆ.

ದೇಶದೆಲ್ಲೆಡೆ ಸಾಮಾಜಿಕ ಜಾಲತಾಣದ ಶಕ್ತಿಯು ಇನ್ನಷ್ಟು ಬಲಿಷ್ಟವಾಗುತ್ತಿದ್ದು, ಇದನ್ನು ಉಪಯೋಗಿಸಿ ಪೊಲೀಸರು ಜನರಿಗೆ ಟ್ರಾಫಿಕ್ ನಿಯಮಗಳು ಮತ್ತು ಟಿಪ್ಸ್ ಗಳನ್ನು ನೀಡಲು ಈ ಮಾರ್ಗವನ್ನು ಆಯ್ಕೆ ಮಾಡಿದ್ದಾರೆ.

ದೇಶದಲ್ಲಿರುವ ಹಲವಾರು ಪ್ರಮುಖ ನಗರದ ಟ್ರಾಫಿಕ್ ಪೊಲೀಸರು ತಮ್ಮ ಅಧಿಕೃತ ಫೇಸ್‍‍ಬುಕ್ ಮತ್ತು ಟ್ವಿಟ್ಟರ್ ಖಾತೆಗಳನ್ನು ತೆರೆದು ಅದರ ಮುಖಾಂತರ ಜನಸಾಮಾನ್ಯರು ಟ್ರಾಫಿಕ್ ಪೊಲೀಸ್ ಮತ್ತು ಪೊಲೀಸರೊಂದಿಗೆ ಚರ್ಚೆ ಮತ್ತು ಮಾಹಿತಿಗಳನ್ನು ಪಡೆದುಕೊಳ್ಳಬಹುದಾಗಿದೆ.

ಪೊಲೀಸರು ಸಾಮಾಜಿಕ ಜಾಲತಾಣಗಳಲ್ಲಿ ತೆರೆದಖಾತೆಗಳನ್ನು ಯಾರು ಬೇಕಾದರೂ ಕಾಣಬಹುದಾಗಿದ್ದು, ಅದರಲ್ಲಿ ಬಹಳಷ್ಟು ಮಂದಿ ಸಕ್ರಿಯರಾಗಿದ್ದಾರೆ. ಸಾಮಾಜಿಕ ಜಾಲತಾಣಗಳು ಕಾನೂನು ಜಾರಿ ಭೂದೃಶ್ಯವನ್ನು ಭಾರತದಲ್ಲಿ ಪರಿವರ್ತಿಸುವ ವಿಧಾನಗಳಲ್ಲಿ ಒಂದಾಗಿದ್ದು, ಸಾಮಾಜಿಕ ಮಾಧ್ಯಮದಲ್ಲಿನ ಚಾನಲ್‍ಗಳ ಮೂಲಕ ಅಧಿಕಾರಿಗಳ ಸಾರ್ವಜನಿಕ ಖಂಡನೆ ಕಾನೂನು ನಿಯಮಗಳನ್ನು ಬ್ರೇಕ್ ಮಾಡಿದವರನ್ನು ಪತ್ತೆಹಚ್ಚಲು ನಿರೋಧಕವಾಗಿ ಕಾರ್ಯನಿರ್ವಹಿಸುತ್ತದೆ.

ಇದೀಗ ನೋ ಪಾರ್ಕಿಂಗ್ ಜಾಗದಲ್ಲಿ ಪಾರ್ಕ್ ಮಾಡಲಾಗಿದ್ದ ಟೊಯೊಟಾ ಫಾರ್ಚ್ಯುನರ್ ಕಾರಿಗೆ ವಿಧಿಸಲಾದ ದಂಡವನ್ನು ಪಾವತಿಸಲಾಗಿದ್ದು, ಇದನ್ನು ಪ್ರಸ್ಥುತ ಟ್ರಾಫಿಕ್ ಪೊಲೀಸರು ತಮ್ಮ ಸಾಮಾಜಿಕ ಜಾಲತಾಣದ ಖಾತೆ ಇಂದ ತೆಗೆದು ಹಾಕಲಾಗಿದೆ.

Source:thenewsminute