ಹೊಸ ಟಯರ್‍‍ಗಳನ್ನು ಬಿಡುಗಡೆಗೊಳಿಸಿದ ಮಿಚೆಲಿನ್

ಹೊಸ ಎನರ್ಜಿ ಎಕ್ಸ್‌ಎಂ 2 ಪ್ಲಸ್ ಸರಣಿಯ ಟಯರ್‌ಗಳನ್ನು ಹಳೆಯ ಎಕ್ಸ್‌ಎಂ 2 ಮಾದರಿಗಳ ಬದಲಿಗೆ ಅದೇ ಬೆಲೆಯಲ್ಲಿ ಮಾರಾಟ ಮಾಡಲಾಗುವುದು ಎಂದು ಮಿಚೆಲಿನ್ ಕಂಪನಿ ಹೇಳಿದೆ. ಹೊಸ ಸರಣಿಯ ಟಯರ್‌ಗಳು ಅದರ ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ ಉತ್ತಮ ಪರ್ಫಾಮೆನ್ಸ್, ಕಡಿಮೆ ನಿಲುಗಡೆ ದೂರ ಹಾಗೂ ಸುಧಾರಿತ ಮೈಲೇಜ್ ನೀಡುತ್ತವೆ ಎಂದು ಹೇಳಲಾಗಿದೆ.

ಹೊಸ ಎನರ್ಜಿ ಎಕ್ಸ್‌ಎಂ 2 ಪ್ಲಸ್ ಸರಣಿಯು ತನ್ನ ಪ್ರತಿಸ್ಪರ್ಧಿಗಳಿಗಿಂತ 29% ಹೆಚ್ಚು ಮೈಲೇಜ್ ನೀಡುತ್ತದೆ ಎಂದು ಮಿಚೆಲಿನ್ ಕಂಪನಿಯು ಹೇಳಿದೆ. ಇದು ಹೊಸ ರಬ್ಬರ್ ಫಾರ್ಮುಲಾ ಮೂಲಕ ಸಾಧ್ಯವಾಗಲಿದೆ.

ಹೊಸ ಎನರ್ಜಿ ಎಕ್ಸ್‌ಎಂ 2 ಪ್ಲಸ್ ಟಯರ್‌ಗಳು ತನ್ನ ಪ್ರತಿಸ್ಪರ್ಧಿಗಳಿಗಿಂತ 2.4 ಮೀಟರ್ ಮುಂದಿರಲಿದೆ ಎಂದು ಕಂಪನಿ ಹೇಳಿದೆ. ತೇವವಿರುವ ಪರಿಸ್ಥಿತಿಗಳಲ್ಲಿ ಎನರ್ಜಿ ಎಕ್ಸ್‌ಎಂ 2 ಪ್ಲಸ್ ಟಯರ್‌ಗಳ ಒಂದು ಸೆಟ್ 3.3 ಮೀಟರ್‌ಗಳ ಕಡಿಮೆ ಸ್ಟಾಪಿಂಗ್ ಡಿಸ್ಟನ್ಸ್ ಹೊಂದಿರುತ್ತದೆ.

ಮಿಚೆಲಿನ್ ಇಂಡಿಯಾದ ಉಪಾಧ್ಯಕ್ಷ ಮೋಹನ್ ಕುಮಾರ್‍‍ರವರು ಮಾತನಾಡಿ, ದೀರ್ಘಕಾಲದ ಪರ್ಫಾಮೆನ್ಸ್ ಮಿಚೆಲಿನ್ ಕಂಪನಿಯ ಭಾಗವಾಗಿದೆ. ಭಾರತದಲ್ಲಿ, ಮಿಚೆಲಿನ್ ಎನರ್ಜಿ ಎಕ್ಸ್‌ಎಂ 2 ಪ್ಲಸ್‍‍ನೊಂದಿಗೆ ದೈನಂದಿನ ಪ್ರಯಾಣಕ್ಕೆ ಅನುಕೂಲವಾಗುವಂತೆ ಟಯರ್‌ಗಳನ್ನು ಸಿದ್ದಪಡಿಸುತ್ತಿದ್ದೇವೆ.

ಈ ಮೊದಲಿದ್ದ ಎನರ್ಜಿ ಎಕ್ಸ್‌ಎಂ 2 ಸತತ 8 ವರ್ಷಗಳಿಂದ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿತ್ತು. ನಮ್ಮ ಗ್ರಾಹಕರ ಸುರಕ್ಷತೆಗಾಗಿ ಹಾಗೂ ಹೆಚ್ಚಿನ ಪರ್ಫಾಮೆನ್ಸ್ ನೀಡಲು ನಾವು ಬದ್ಧರಾಗಿದ್ದೇವೆ. ಇದಕ್ಕೆ ಮಿಚೆಲಿನ್ ಎನರ್ಜಿ ಎಕ್ಸ್‌ಎಂ 2 ಪ್ಲಸ್‍‍ನ ಬಿಡುಗಡೆಯೇ ಸಾಕ್ಷಿಯಾಗಿದೆ ಎಂದು ಹೇಳಿದರು.

2020 ರ ಆರಂಭದ ವೇಳೆಗೆ ಹೊಸ ಮಿಚೆಲಿನ್ ಎನರ್ಜಿ ಎಕ್ಸ್‌ಎಂ 2 ಪ್ಲಸ್ ಸರಣಿಯ ಟಯರ್‌ಗಳನ್ನು ಒಟ್ಟು 30 ಗಾತ್ರಗಳಲ್ಲಿ ಮಾರಾಟ ಮಾಡಲಾಗುವುದೆಂದು ಮಿಚೆಲಿನ್ ಕಂಪನಿಯು ತಿಳಿಸಿದೆ.

ಈ ಟಯರ್‍‍ಗಳು 12ರಿಂದ 16 ಇಂಚುಗಳಷ್ಟು ಗಾತ್ರವನ್ನು ಹೊಂದಿರುತ್ತವೆ. ದೇಶಿಯ ಮಾರುಕಟ್ಟೆಯಲ್ಲಿರುವ ಹ್ಯಾಚ್‌ಬ್ಯಾಕ್, ಸೆಡಾನ್, ಎಸ್‌ಯುವಿ ಹಾಗೂ ಎಂಯುವಿ ಸೇರಿದಂತೆ ಎಲ್ಲಾ ಸೆಗ್‍‍ಮೆಂಟಿನಲ್ಲಿರುವ ಕಾರುಗಳಿಗೆ ಈ ಟಯರ್‍‍ಗಳು ಸೂಕ್ತವಾಗಿರುತ್ತವೆ.

ಮಿಚೆಲಿನ್ ಎಕ್ಸ್‌ಎಂ 2 ಪ್ಲಸ್ ಟಯರ್‌ಗಳು ಗ್ರೀನ್ ಎಕ್ಸ್ ಮಾರ್ಕ್ ಅನ್ನು ಹೊಂದಿರಲಿವೆ. ಇದರಿಂದಾಗಿ ಹೆಚ್ಚಿನ ಪ್ರಮಾಣದ ಇಂಧನ ಉಳಿತಾಯವಾಗಲಿದೆ.

ಡ್ರೈವ್‍‍ಸ್ಪಾರ್ಕ್ ಅಭಿಪ್ರಾಯ

ಮಿಚೆಲಿನ್ ಎನರ್ಜಿ ಎಕ್ಸ್‌ಎಂ 2 ಪ್ಲಸ್ ಸರಣಿಯ ಟಯರ್‌ಗಳು ದೇಶಿಯ ಮಾರುಕಟ್ಟೆಯಲ್ಲಿರುವ ಎಕ್ಸ್‌ಎಂ 2 ಸರಣಿಯ ಸುಧಾರಿತ ಆವೃತ್ತಿಯಾಗಿದೆ ಎಂದು ಹೇಳಲಾಗಿದೆ.