ಎಲೆಕ್ಟ್ರಿಕ್ ಬಸ್ ಅನಾವರಣಗೊಳಿಸಿದ ಫೋರ್ಸ್ ಮೋಟಾರ್ಸ್

ಫೋರ್ಸ್ ಟಿ 1ಎನ್ ಎಲೆಕ್ಟ್ರಿಕ್ ಬಸ್ ಅನ್ನು ಮೊನೊಕಾಕ್ ಪ್ಲಾಟ್‍‍ಫಾರಂನ ಮೇಲೆ ಅಭಿವೃದ್ಧಿಪಡಿಸಲಾಗಿದೆ. ಈ ಪ್ಲಾಟ್‍‍ಫಾರಂನಲ್ಲಿ ವಾಹನದ ಚಾಸೀಸ್ ಅನ್ನು ಎಕ್ಸ್ ಟಿರಿಯರ್‍‍ಗೆ ಅಳವಡಿಸಲಾಗಿರುತ್ತದೆ. ಮೊನೊಕಾಕ್ ಚಾಸೀಸ್‍‍ಗಳು ಕಡಿಮೆ ತೂಕವನ್ನು ಹೊಂದಿರುತ್ತವೆ. ಇವುಗಳನ್ನು ಚಿಕ್ಕ ರೈಲುಗಳಲ್ಲಿ ಬಳಸಲಾಗುತ್ತದೆ.

ಈಗಿರುವ ಹಳೆಯ ಬಸ್ಸುಗಳ ಬದಲಿಗೆ ಈ ಎಲೆಕ್ಟ್ರಿಕ್ ಬಸ್ಸುಗಳು ಬರಲಿವೆ ಎಂದು ಫೋಸ್ ಕಂಪನಿಯು ಹೇಳಿದೆ. ಈ ಎಲೆಕ್ಟ್ರಿಕ್ ಬಸ್ ಅನ್ನು 100 ಪರಿಣಿತ ಎಂಜಿನಿಯರ್‍‍ಗಳ ತಂಡ ಹಾಗೂ ಪ್ರಪಂಚದ ವಿವಿಧ ದೇಶಗಳ ಆಟೋಮೊಬೈಲ್ ಪರಿಣಿತರ ತಂಡವು ಅಭಿವೃದ್ಧಿಪಡಿಸಿದೆ.

ಫೋರ್ಸ್ ಟಿ 1ಎನ್ ಕ್ರಾಶ್ ಟೆಸ್ಟ್ ನಲ್ಲಿ ಭಾಗವಹಿಸಿದ ಭಾರತದ ಮೊದಲ ಎಲೆಕ್ಟ್ರಿಕ್ ಪ್ಯಾಸೆಂಜರ್ ಬಸ್ ಆಗಿದೆ. ಫೋರ್ಸ್ ಕಂಪನಿಯು ಈ ಬಸ್ಸಿನ ಇಂಟಿರಿಯರ್ ಅನ್ನು ತೋರಿಸುವ ಅಧಿಕೃತ ಚಿತ್ರಗಳನ್ನು ಬಿಡುಗಡೆಗೊಳಿಸಿಲ್ಲ.

ಫೋರ್ಸ್ ಕಂಪನಿಯು ಈ ಬಸ್ಸಿನಲ್ಲಿ ಕಾರುಗಳಲ್ಲಿರುವಂತಹ ಫೀಚರ್‍‍ಗಳನ್ನು ಅಳವಡಿಸುವುದಾಗಿ ತಿಳಿಸಿದೆ. ಈ ಫೀಚರ್‍‍ಗಳಲ್ಲಿ ಏರ್‍‍ಬ್ಯಾಗ್‍‍ಗಳು, ಡ್ರೈವರ್ ಹಾಗೂ ಪ್ಯಾಸೆಂಜರ್‍‍ಗಳಿಗಾಗಿ ಅಡ್ಜಸ್ಟಬಲ್ ಟೆಲಿಸ್ಕೊಪಿಕ್ ಸ್ಟೀಯರಿಂಗ್ ವ್ಹೀಲ್‍‍ಗಳು ಸೇರಿವೆ.

ಟಿ 1ಎನ್ ಎಲೆಕ್ಟ್ರಿಕ್ ಬಸ್ ಎ‍‍ಬಿ‍ಎಸ್, ಇ‍‍ಬಿ‍‍ಡಿ, ವೆಂಟಿಲೇಟೆಡ್ ಡಿಸ್ಕ್ ಬ್ರೇಕ್ ಸೇರಿದಂತೆ ವಿವಿಧ ಸುರಕ್ಷತಾ ಫೀಚರ್‍‍ಗಳನ್ನು ಹೊಂದಿದೆ. ಈ ಸೆಗ್‍‍ಮೆಂಟಿನಲ್ಲಿಯೇ ಮೊದಲ ಬಾರಿಗೆ ಈ ಬಸ್ಸಿನಲ್ಲಿ ಟ್ರಾನ್ಸ್ ವರ್ಸ್ ಪ್ಯಾರಾಬೊಲಿಕ್ ಸಸ್ಪೆಂಷನ್‍‍ಗಳನ್ನು ಅಳವಡಿಸಲಾಗಿದೆ.

ಫೋರ್ಸ್ ಮೋಟಾರ್ಸ್ ಈ ಪ್ಲಾಟ್‍‍ಫಾರಂ ಅನ್ನು ಡೀಸೆಲ್ - ಪೆಟ್ರೋಲ್ ಎಂಜಿನ್ ಹಾಗೂ ಎಲೆಕ್ಟ್ರಿಕ್ ವಾಹನಗಳಿಗಾಗಿ ಮಾತ್ರ ಅಭಿವೃದ್ಧಿಪಡಿಸಲಾಗಿದೆ ಎಂದು ತಿಳಿಸಿದೆ. ಫೋರ್ಸ್ ಕಂಪನಿಯು ಈ ಬಸ್ ಅನ್ನು ಬಿ‍ಎಸ್ 6 ಡೀಸೆಲ್ ಎಂಜಿನ್, ಎಲೆಕ್ಟ್ರಿಕ್ ಹಾಗೂ ಸಿ‍ಎನ್‍‍ಜಿ ಮಾದರಿಗಳಲ್ಲಿ ಮಾರಾಟ ಮಾಡಲಿದೆ.

ಫೋರ್ಸ್ ಮೋಟಾರ್ಸ್ ಟಿ 1ಎನ್ ಎಲೆಕ್ಟ್ರಿಕ್ ಪ್ಯಾಸೆಂಜರ್ ಬಸ್ ಅನ್ನು ಮುಂದಿನ ತಿಂಗಳು ದೆಹಲಿಯಲ್ಲಿ ನಡೆಯಲಿರುವ 2020ರ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶಿಸಲಿದೆ. ಈ ಎಲೆಕ್ಟ್ರಿಕ್ ಬಸ್ ಬಗೆಗಿನ ಹೆಚ್ಚಿನ ಮಾಹಿತಿಗಳು ಆಟೋ ಎಕ್ಸ್ ಪೋದಲ್ಲಿ ತಿಳಿಯಲಿವೆ.

ಫೋರ್ಸ್ ಮೋಟಾರ್ಸ್ ಹೊಸ ತಲೆಮಾರಿನ ಟ್ರಾವೆಲರ್ ಬಸ್ಸುಗಳನ್ನು ಭಾರತದಲ್ಲಿ ಮಾತ್ರವಲ್ಲದೇ ಮಧ್ಯ ಏಷ್ಯಾ, ಆಸಿಯಾನ್, ದಕ್ಷಿಣ ಅಮೇರಿಕಾ ಹಾಗೂ ಆಫ್ರಿಕಾ ದೇಶಗಳಲ್ಲಿ ಮಾರಾಟ ಮಾಡುವ ಯೋಜನೆಯನ್ನು ಹೊಂದಿದೆ.