Click it and Unblock the Notifications
ಟಾಪ್ ಎಂಡ್ ಮಾದರಿಯಲ್ಲಿ ಬಿಡುಗಡೆಯಾಗಲಿದೆ ಜನಪ್ರಿಯ ಪೊಲೊ ಜಿಟಿ ಟಿಎಸ್ಐ ಕಾರು
ಫೋಕ್ಸ್ವ್ಯಾಗನ್ ಕಂಪನಿಯ ಜನಪ್ರಿಯ ಆಟೋಮ್ಯಾಟಿಕ್ ಪೊಲೊ ಜಿಟಿ ಟಿಎಸ್ಐ ಕಾರ್ ಅನ್ನು ಹೊಸ ಎಂಜಿನ್ ನೊಂದಿಗೆ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗುವುದು. ಫೋಕ್ಸ್ವ್ಯಾಗನ್ ಕಂಪನಿಯು ಬಿಎಸ್ 6 ಮಾಲಿನ್ಯ ನಿಯಮಗಳು ಜಾರಿಯಾದ ನಂತರ ಪೆಟ್ರೋಲ್ ಎಂಜಿನ್ ಕಾರುಗಳನ್ನು ಮಾತ್ರ ಮಾರಾಟ ಮಾಡುತ್ತಿದೆ.
ಫೋಕ್ಸ್ವ್ಯಾಗನ್ ಕಂಪನಿಯು ಪೊಲೊ ಹಾಗೂ ವೆಂಟೊಗಳ ಆಟೋಮ್ಯಾಟಿಕ್ ಮಾದರಿಗಳನ್ನು ಅನಾವರಣಗೊಳಿಸಿತ್ತು. ಈಗ ಕಂಪನಿಯು ಈ ಎರಡೂ ಕಾರುಗಳನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲು ಸಜ್ಜಾಗಿದೆ. ಮೂಲಗಳ ಪ್ರಕಾರ ಫೋಕ್ಸ್ವ್ಯಾಗನ್ ಕಂಪನಿಯು ಮಾರುಕಟ್ಟೆ ತಂತ್ರವನ್ನು ಗಮನದಲ್ಲಿಟ್ಟುಕೊಂಡು ಈ ಎರಡೂ ಮಾದರಿಗಳನ್ನು ಟಾಪ್-ಎಂಡ್ ಮಾದರಿಯಲ್ಲಿ ಬಿಡುಗಡೆಗೊಳಿಸುತ್ತಿದೆ.
ಫೋಕ್ಸ್ವ್ಯಾಗನ್ ಪೊಲೊ ಕಾರನ್ನು ಜಿಟಿ ಟಿಎಸ್ಐ ಬ್ಯಾಡ್ಜ್ನೊಂದಿಗೆ ಬಿಡುಗಡೆಗೊಳಿಸಲಾಗುವುದು. ಫೋಕ್ಸ್ವ್ಯಾಗನ್ ವೆಂಟೊವನ್ನು ಹೈಲೈನ್ ಪ್ಲಸ್ ಮಾದರಿಯಲ್ಲಿ ಬಿಡುಗಡೆಗೊಳಿಸಲಾಗುವುದು.
MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ
ಕಂಪನಿಯು ಈ ಎರಡೂ ಕಾರುಗಳ ಬುಕ್ಕಿಂಗ್ ಗಳನ್ನು ಆರಂಭಿಸಿದೆ. ಇದರ ಜೊತೆಗೆ ಇವುಗಳ ಬೆಲೆಯನ್ನು ಸಹ ಬಹಿರಂಗಪಡಿಸಿದೆ. ಮಾಹಿತಿಗಳ ಪ್ರಕಾರ ಪೊಲೊ ಜಿಟಿ ಟಿಎಸ್ಐ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.9.67 ಲಕ್ಷಗಳಾಗಿದೆ.
ಫೋಕ್ಸ್ವ್ಯಾಗನ್ ಪೊಲೊ ಜಿಟಿ ಟಿಎಸ್ಐ ಹಾಗೂ ವೆಂಟೊ ಹೈಲೈನ್ ಪ್ಲಸ್ ಮಾದರಿಗಳನ್ನು 1.0-ಲೀಟರಿನ ಟಿಎಸ್ಐ ಪೆಟ್ರೋಲ್ ಎಂಜಿನ್ನೊಂದಿಗೆ ಬಿಡುಗಡೆಗೊಳಿಸಲಾಗುವುದು. ಈ ಎಂಜಿನ್ ಅನ್ನು ಮಾರ್ಚ್ ತಿಂಗಳಿನಲ್ಲಿ ಮ್ಯಾನುಯಲ್ ಗೇರ್ ಬಾಕ್ಸ್ನೊಂದಿಗೆ ಪರಿಚಯಿಸಲಾಗಿತ್ತು.
MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್
ಫೋಕ್ಸ್ವ್ಯಾಗನ್ ಕಂಪನಿಯ ಈ 1.0-ಲೀಟರಿನ ಟಿಎಸ್ಐ ಎಂಜಿನ್ 3-ಸಿಲಿಂಡರ್ ಹೊಂದಿದೆ. ಈ ಎಂಜಿನ್ 109 ಬಿಹೆಚ್ಪಿ ಪವರ್ ಹಾಗೂ 175 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ 1,750-4,000 ಆರ್ಪಿಎಂ ನಡುವೆ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ನೊಂದಿಗೆ 6-ಸ್ಪೀಡಿನ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ನೀಡಲಾಗಿದೆ.
ಫೋಕ್ಸ್ವ್ಯಾಗನ್ ಪೊಲೊ ಜಿಟಿ ಟಿಎಸ್ಐ ಹಾಗೂ ವೆಂಟೊ ಹೈಲೈನ್ ಪ್ಲಸ್ ಕಾರುಗಳನ್ನು ಕಂಪನಿಯ ಅಧಿಕೃತ ವೆಬ್ಸೈಟ್ನಿಂದ ಅಥವಾ ದೇಶಾದ್ಯಂತವಿರುವ ಫೋಕ್ಸ್ವ್ಯಾಗನ್ ಕಂಪನಿಯ ಅಧಿಕೃತ ಡೀಲರ್ ಗಳ ಬಳಿ ಬುಕ್ ಮಾಡಬಹುದು. ಈ ಕಾರುಗಳ ವಿತರಣೆಯು ಸೆಪ್ಟೆಂಬರ್ 15ರಿಂದ ಆರಂಭವಾಗಲಿದೆ ಎಂದು ಕಂಪನಿ ಹೇಳಿದೆ.
Continue with Google