ಹೈ ಎಂಡ್ ಕಾರಿನಂತೆ ಆಕರ್ಷಕವಾಗಿ ಮಾಡಿಫೈಗೊಂಡ ಕ್ರೆಟಾ ಮೂಲ ಮಾದರಿ ಕಾರು

ಈಗ ಇದೇ ರೀತಿಯಲ್ಲಿ ಮತ್ತೊಂದು ಮೂಲ ಮಾದರಿಯ ಕ್ರೆಟಾ ಕಾರ್ ಅನ್ನು ಮಾಡಿಫೈಗೊಳಿಸಲಾಗಿದೆ. ಈ ಕಾರಿನಲ್ಲಿ ಮಾಡಲಾದ ಪ್ರತಿಯೊಂದು ಮಾಡಿಫಿಕೇಶನ್ ವಿವರಗಳ ವೀಡಿಯೊವನ್ನು ವಿಐಜಿ ಆಟೋ ಅಕ್ಸೆಸರೀಸ್ ಎಂಬ ಯೂಟ್ಯೂಬ್ ಚಾನೆಲ್'ನಲ್ಲಿ ಅಪ್ ಲೋಡ್ ಮಾಡಲಾಗಿದೆ.

ಮಾಡಿಫೈಗೊಂಡಿರುವ ಈ ಕಾರಿನ ಮುಂಭಾಗದಲ್ಲಿ ಕ್ರೆಟಾದ ಟಾಪ್ ಎಂಡ್ ಮಾದರಿಗಳಲ್ಲಿ ಒಂದಾದ ಎಸ್‌ಎಕ್ಸ್ (ಒ)ನಲ್ಲಿರುವಂತಹ ಗ್ರಿಲ್ ಅಳವಡಿಸಲಾಗಿದೆ. ಸಿಂಗಲ್ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳಿಗೆ ಬದಲು ಟ್ರೈಂಗ್ಯುಲರ್ ಎಲ್‌ಇಡಿ ಹೆಡ್‌ಲ್ಯಾಂಪ್‌ ಹಾಗೂ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಅಳವಡಿಸಲಾಗಿದೆ.

MOST READ:ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಸಿಲ್ವರ್ ಗ್ಲೈಡ್ ಪ್ಲೇಟ್'ನೊಂದಿಗೆ ಬಂಪರ್ ಅನ್ನು ಹೆಚ್ಚುವರಿಯಾಗಿ ಅಳವಡಿಸಲಾಗಿದೆ. ಇದರಿಂದ ಈ ಕಾರು ಮೂಲ ಮಾದರಿ ಕಾರು ಎಂಬುದೇ ತಿಳಿಯುವುದಿಲ್ಲ. ಈ ಕಾರಿನಲ್ಲಿ ಎಲ್‌ಇಡಿ ಫಾಗ್ ಲ್ಯಾಂಪ್ ಅಳವಡಿಸಲಾಗಿದೆ.

ಸೈಡ್ ಪ್ರೊಫೈಲ್'ನಲ್ಲಿರುವ ಮಷಿನ್ ಕಟ್ ಅಲಾಯ್ ವ್ಹೀಲ್'ಗಳು ನೋಡುಗರನ್ನು ಆಕರ್ಷಿಸುತ್ತವೆ. ಇದರ ಜೊತೆಗೆ ಡೋರ್ ಹ್ಯಾಂಡಲ್ ಹಾಗೂ ಡೋರುಗಳ ಕೆಳ ಭಾಗದಲ್ಲಿ ಕ್ರೋಮ್ ಅಂಶವನ್ನು ನೀಡಲಾಗಿದೆ.

MOST READ:ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಈ ಕಾರಿನಲ್ಲಿ ಎಲೆಕ್ಟ್ರಾನಿಕ್ ಆಗಿ ಆಪರೇಟ್ ಮಾಡಬಹುದಾದ ಸೈಡ್ ಮಿರರ್'ಗಳನ್ನು ಅಳವಡಿಸಲಾಗಿದೆ. ಮಾಡಿಫೈಗೊಂಡ ವಿಂಡ್‌ಶೀಲ್ಡ್'ಗಳಲ್ಲಿ ಶಾಖವನ್ನು ಹೀರಿಕೊಳ್ಳುವ ಮೆಂಬ್ರೆನ್'ಗಳನ್ನು ಅಳವಡಿಸಲಾಗಿದೆ.

ಈ ಕಾರಿನಲ್ಲಿ ವೈಸಾರ್ ಹಾಗೂ ರೂಫ್ ರೇಲ್'ಗಳನ್ನು ಸಹ ಅಳವಡಿಸಲಾಗಿದೆ. ಇನ್ನು ಈ ಕಾರಿನ ಹಿಂಭಾಗದಲ್ಲಿ ಕ್ರೆಟಾದ ಟಾಪ್ ಎಂಡ್ ಮಾದರಿಗಳಲ್ಲಿರುವಂತಹ ಟೇಲ್‌ಲೈಟ್‌ ಹಾಗೂ ಬಂಪರ್‌ಗಳನ್ನು ನೀಡಲಾಗಿದೆ.

MOST READ:ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಮಾಡಿಫೈಗೊಂಡಿರುವ ಈ ಕಾರಿನ ಇಂಟಿರಿಯರ್'ನಲ್ಲಿ ಹೊಳೆಯುವ ಸ್ಕಫ್ ಪ್ಲೇಟ್‌ ಹಾಗೂ 7 ಡಿ ಕಾರ್ಪೆಟ್'ಗಳನ್ನು ಅಳವಡಿಸಲಾಗಿದೆ. ಈ ಮಾಡಿಫೈಗೊಂಡ ಕಾರಿನಲ್ಲಿರುವ ಸ್ಪೀಕರ್‌ಗಳನ್ನು ಹೊಸ ಟಚ್‌ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಂ ಹಾಗೂ ರೌಂಡ್ ಲೈಟ್‌ಗಳೊಂದಿಗೆ ಅಪ್ ಡೇಟ್ ಮಾಡಲಾಗಿದೆ.

ಈ ಕಾರಿನ ಸೀಟುಗಳ ವಿನ್ಯಾಸವನ್ನೂ ಬದಲಿಸಲಾಗಿದೆ. ಸೀಟ್ ಕವರ್‌ಗಳನ್ನು ಮೊದಲಿಗಿಂತ ಹೆಚ್ಚು ಮೃದುವಾದ ಕಪ್ಪು ಬಣ್ಣದಲ್ಲಿ ನೀಡಲಾಗಿದೆ. ಈ ಕಾರಿನಲ್ಲಿ ಟಾಪ್ ಎಂಡ್ ಮಾದರಿಯಲ್ಲಿರುವಂತಹ ಸ್ಟೀಯರಿಂಗ್ ವ್ಹೀಲ್ ಹಾಗೂ ಕಪ್ಪು ಬಿಳುಪು ಲೆದರ್ ವ್ರಾಪ್ ಡೋರ್ ಹ್ಯಾಂಡಲ್‌ಗಳನ್ನು ಅಳವಡಿಸಲಾಗಿದೆ.

MOST READ:ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ಈ ಕಾರಿನಲ್ಲಿ ಡೋರುಗಳಿಂದ ಹಿಡಿದು ಟೇಲ್‌ಲೈಟ್‌, ಬಂಪರ್‌ಗಳವರೆಗೆ ಹೈ ಎಂಡ್ ಮಾದರಿಗಳಲ್ಲಿರುವಂತಹ ಫೀಚರ್'ಗಳನ್ನು ಅಳವಡಿಸಲಾಗಿದೆ. ಇದರಿಂದ ಈ ಕಾರು ಮೂಲ ಮಾದರಿಯ ಕಾರು ಎಂದು ಭಾಸವಾಗುವುದೇ ಇಲ್ಲ. ಈ ಕಾರಿನಲ್ಲಿರುವ ಎಂಜಿನ್‌ನಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ.

ಚಿತ್ರಕೃಪೆ: ವಿಐಜಿ ಆಟೋ ಅಕ್ಸೆಸರೀಸ್