ಆಡಿ ಎ3 ಅಗ್ಗದ ಲಗ್ಷುರಿ ಸೆಡಾನ್ ಭಾರತಕ್ಕೆ ಎಂಟ್ರಿ

ಸಂಸ್ಥೆಯ ಪ್ರಕಾರ ಆಡಿ ಎ3 ಸೆಡಾನ್ ಕಾರು 2014 ಮಧ್ಯಂತರ ಅವಧಿಯಲ್ಲಿ ಭಾರತ ಮಾರುಕಟ್ಟೆ ಪ್ರವೇಶ ಪಡೆಯಲಿದೆ.

ಇದು ಐಷಾರಾಮಿ ಕಾರುಗಳ ಪೈಕಿ ಅತಿ ಅಗ್ಗದ ಸೆಡಾನ್ ಕಾರೆನಿಸಿಕೊಳ್ಳಲಿದೆ. ಅಂದರೆ ಮರ್ಸಿಡಿಸ್ ಸಿ ಕ್ಲಾಸ್ ಮತ್ತು ಬಿಎಂಡಬ್ಲ್ಯು 3 ಸಿರೀಸ್‌ಗಿಂತಲೂ ಸ್ಮರ್ಧಾತ್ಮಕ ದರಗಳಲ್ಲಿ ಆಗಮನವಾಗುವ ನಿರೀಕ್ಷೆಯಿದೆ.

ಹಾಗಿದ್ದರೂ ನೂತನ ಕಾರಿನ ಬೆಲೆ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ನೀಡುವಲ್ಲಿ ಕಂಪನಿ ನಿರಾಕರಿಸಿದೆ.

ಸರಿಯಾದ ಸಂದರ್ಭದಲ್ಲಿ ಸರಿಯಾದ ಕಾರು ಪರಿಚಯಿಸಲಾಗಿದೆ. ಇದು ವರ್ಷದ ಮಧ್ಯಂತರ ಅವಧಿಯಲ್ಲಿ ಮಾರುಕಟ್ಟೆ ಪ್ರವೇಶಿಸಲಿದೆ ಎಂದು ಆಡಿ ತಿಳಿಸಿದೆ.

ಇದೇ ಸಂದರ್ಭದಲ್ಲಿ ಆಡಿ ಕ್ಯೂ3, ಆಡಿ ಕ್ಯೂ5 ಮತ್ತು ಕ್ಯೂ7 ಮತ್ತು ಆಡಿ ಆರ್‌ಎಸ್ ಕ್ರೀಡಾ ವರ್ಷನ್‌ಗಳನ್ನು ಸಹ ಆಡಿ ಅನಾವರಣಗೊಳಿಸಿತ್ತು.