ಬಜಾಜ್‌ನಿಂದ ಕಾನ್ಸೆಪ್ಟ್ ಕಾರು 'ಯು' ಪ್ರದರ್ಶನ

ದೆಹಲಿಯಲ್ಲಿ ಸಾಗುತ್ತಿರುವ 12ನೇ ಆಟೋ ಎಕ್ಸ್ ಪೋದಲ್ಲಿ ದೇಶದ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಯಾಗಿರುವ ಬಜಾಜ್ ನೂತನ ಕಾನ್ಸೆಪ್ಟ್ 'ಯು' ಕಾರನ್ನು ಪ್ರದರ್ಶಿಸಿದೆ.

ನಾಲ್ಕು ಚಕ್ರದ ಯು ಕಾನ್ಸೆಪ್ಟ್ ಕಾರು ತನ್ನದೇ ಆದ ವಿಶಿಷ್ಟ ವಿನ್ಯಾಸ ಕಾಪಾಡಿಕೊಳ್ಳಲು ಯಶಸ್ವಿಯಾಗಿದೆ.

ಬಜಾಜ್ ಆರ್‌ಇ60 ಮುಂದುವರಿದ ಆವೃತ್ತಿಯಂತೆ ಗೋಚರಿಸುತ್ತಿರುವ ನೂತನ ಕಾರು ಯಾವಾಗ ಉತ್ಪಾದನೆ ವರ್ಷನ್ ಪಡೆದುಕೊಳ್ಳಲಿದೆ ಎಂಬುದಕ್ಕೆ ಸ್ಪಷ್ಟ ಮಾಹಿತಿಗಳು ಲಭ್ಯವಾಗಿಲ್ಲ.

ಇದು ಪ್ರಮುಖವಾಗಿಯೂ ನಗರ ಪ್ರದೇಶದ ಟ್ರಾಫಿಕ್ ಸಮಸ್ಯೆಗಳಿಗೆ ಪರಿಹಾರ ನೀಡಲಿದೆ. ಇದು ಫೋರ್ ವಾಲ್ವೆ, ಟ್ರಿಪರ್ ಸ್ಪಾರ್ಕ್ ಗ್ಯಾಸೋಲೈನ್ ‌ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ.

ಇದಕ್ಕೂ ಮೊದಲು ಬಜಾಜ್ ಸಂಸ್ಥೆಯು ಪಲ್ಸರ್ 400 ಹಾಗೂ ಪಲ್ಸರ್ ಸಿಎಸ್400 ಕ್ರೂಸರ್ ಬೈಕ್‌ಗಳನ್ನು ಅನಾವರಣಗೊಳಿಸಿತ್ತು.

ಸದ್ಯ ಮೊದಲ ಮಾದರಿಯಲ್ಲಿರುವ (ಪ್ರೊಟೊಟೈಪ್) ಬಜಾಜ್ ನೂತನ ಕಾನ್ಸೆಪ್ಟ್‌ನ 'ಯು' ನಾಮಕರಣದಲ್ಲಿ ಏನಾದರೂ ವಿಶಿಷ್ಟತೆಯಿದೆಯೇ ಎಂಬುದೂ ಕೂಡಾ ತಿಳಿದು ಬಂದಿಲ್ಲ.